#الدب
البارت الاخير
بقلم يحيى إدريس
علاقتي بملاك تطورت لدرجة قررت نمشي نخطبها
تريحتلها مشيت نا وهلي وامي انصدمت لما شافتها
وانا الحوش شايفه بس مش متذكر وين بزبط ع العموم مادققتش وهي خشت لنقني عرفتها هي
الخياطه بتاع خدمة توصيل
ملاك . هاي
قصي. هاي شنو هو انتي
ملاك . كنك مش عاجبتك
قصي . انا تضحكي عليا
ملاك . وين ضحكت عليك نا قتلك جسمي شن شكله ماتكلمتش عن شكلي نهائي بعدين شوف شكلك الطيور ع اشكالها تقع
قصي . اخرى فوق مانك هك جالطه
ملاك . احترم نفسك بعدين اللي فيا فيك نفس العله عندنا
قصي . انا مش قصدي بس نحنا الاثنين نبقو هك
ملاك . كان عاجبك
قصي . انتي الوليه والوليه لازم تنقص
ملاك . ان شاء الله ان شاء الله بعدين مش كل شي شكل
قصي . صح انا شين بس حانط
ملاك . حتى نا حانطه وذكيه
قصي. بس على حد معلوماتي انك ضعيفه ف قرايتك
ملاك . لا مانسمحلكش اسمع فرح بنات سيادي تطريفه بنت خالي عشاوات يجنا عليش نسيب ف لفروح ونمشي لمدرسة عشان ابلة تهزبني بعدين نا شاطره ف شتاوي
قصي روحت وامي تزن فوق راسي
فتحيه . ينعلي انت دب وهي دبه تجيبولنا دلافين
قصي . عيب ياامي ميجيش كلامك هذا
فتحيه . كلام الحق وجاع زعلت ياعجل
قصي . خلاص ياامي خلاص واللهي تعبت انتي امي امي انتي تقولي عني عجل ناس اللي برا شن تقول والله نتحمل ونقول معلش امي معلش تحمل معلش خلاص والله تعبت عجل عجل عجل نا خلقت روحي يعني انا جيت لقيت روحي هك نحب اوكال نحبه شن ندير خاطري نبقى كيف شباب اللي
فعمري نلبس لبس اللي خاطري فيه وندير اللي نبيها
تزيديني ع همي وتكسري ف خاطري مش مره عشره
انتي ياامي عشر مرات ف اليوم تقوليلي عجل وتهيني فيا ونا نتحمل تضحكو عليا كلكم وعلى وزني ونتحمل ونقول بصاره ونجامل فيكم لكن قلبي وجعني منكم خلاص سادكم والله سادكم را
وجهه تغيير للون الاسود وطاح عليهم
فتحيه . حي عليا قصي قصي
وصلنا لمستشفى وخششو بسرعة للعمليات هذ
وفتحية تبكي وعادل يهدي فيها فتحيه ولدي نا سبب ياما شايل ف قلبه وساكت ياريتني ماتكلمت
نجوى بمحرمه صلاة وسباط اصبع . فتحيه فتحيه كنكم شن صاير
عادل . عمتي نجوى كيف جيتي
نجوى . شفتكم طالعين بقصي حاولت نلحقكم ما صار شي صكرت باب حوشكم كان مفتوح وخذيت حافله من الخط وجيتكم توقعت انكم هنا ..
فتحيه . يانعلي ياانجيوا نا اللي قتلته ولدي يانعلي ضحاكي كنا بنخطبوله نا اللي قهرته
نجوى . ووووه ياقصي يالحنون وووه يانشاد ع جيران ووووه
عادل . اسكتو كنكم مزال حي عليش تفاؤلو عليه
نجوى . اسكت انت شدخلك ينعلي يافتحيه
فتحيه. يانعلي ياقصي ياضحاكي ياودادي
طلع دكتور عنده سكته دماغيه بسبب ارتفاع الكوليسترول
طلعت من المستشفى وطبعا فرحت انا امي تغيرت معاي بدا طيبه وادلع فيا وتجيبلي فطور لعندي وكلهم يخدمو فيا حتى خواتي معش جابن جنونهم قصدي عيالهن ع خاطر نتريح ونا طبعا طلباتي اوامر ماعدا
نجوى . درتلك المكرونة البشاميل اللي تحبها ودجاجه لمحمرا والبطاطا مقليه
فتحيه . مممنوع منننوع
قصي . عليش
فتحيه . الكوليسترول
قصي . امي
فتحيه . قصي اسمع كلام هاك حوت ب زيت زيتون
قصي عكرشت ملامح وجهي طبعا لي فترة من طلعتي من المستشفى منعو عني دخان والوجبات سريعه والمقليات كل وكالي شوربه ومره ف الاسبوع سمك وخضروات وفواكه وحاجات صحيه طعمتهم 😝حشا نعمه مهم مرت ع حالتي هذ 6 شهور وكلهم يراقبو فيا حتى اصحابي مزروعين ف كل مكان
كل شي ممنوع وامي عطتني قل ربح الله لا يربحك ياقصي كان خالفت القواعد وكله الا ربح الام عاد
حمزه . قصي شن رايك نسافرو لتركيا نجيبو بضاعه من غادي ونبيعوها هنا وتكسبو قصي فكرة والله
مشينا لتركيا طبعا تركيا ياعالم يعني اسطنبول
مشينا دهورنا فيه عليك تركيا وعليك بلاد والفترة اللي فاتت ملاك تتصل وتشجع فيا مع امي طبعا قعدن صحبات بس من مرضتي مع شفتها وانا مش مقرر اني مسيبها حتى لو قعدت دبه بنستمر معاها
لانه مش كل شي شكل اهم حاجه معدن ناس روحنا من تركيا خذيت دبش لروحي وسيارة جديد بدال لصغيرة جربه هذ خذيت هوندايا ازيرا وشريت دبش حاجه صح كله غالي ياجماعه مهم طلعت عليا ملاك
ملاك .تبكي حمدلله ع سلامتك
قصي. الله يسلمك قعمزي
ملاك . تبكي
قصي. حي علمك قعدتي باندا اليناير طاح (ايلاينر)
ملاك . هذ كحل
قصي . كنك تبكي باه ماتبكيش
ملاك . انت جاي تفسخ الخطبة صح
قصي . اها اسمعي يابنت ناس
ملاك . ربي يسعدك ويهنيك ف حياتك حتى نا مانبيكش اصلا انت قعدت شين هك ونا نبي واحد دب
قصي . احسن حاجه مهم تشرفت بمعرفتك كنت حاب نعطيك فرصه ونشوفك لو تبيني ولالا يلا ان شاء الله تلقي اللي تبيه ويملى عينك عن اذنك وطلع
ملاك غبيه غبيه يانا قليلة البخت والحظ يانا اللي ماعندي حظ راجل كي الغزال طيرته من يدي نستاهل نابيدي مايجيني
قصي . نبصر معاك يالهبله تعالي جاي ادبيبتي
ملاك . مبردك
قصي . يضحك عليها
