و ماذا بعد هوسي بكي متوقفة لأجل غير مسمي

الفصل 4 [وحيدتي]

مساء الفل والورد والياسمين عليكم يا حلوين طبعا انا بقى لي اسبوعين بالظبط غايبه عنكم بس ربنا العالم الاسبوعين دول عدوا عليا ازاي بسبب تعب ودني اللي خلاني حرفيا كنت بموت من كتر الوجع اكيد اللي جرب الوجع دوت عارف اكتر مني يسيح وهو بيوجع انا اسفه ليكم وطبعا هعوضكم على قد ما اقدر والفصل دوت هيبقى كبير نوعا ما علشان يبقى تعويض على الفتره الطويله اللي غبتها عنكم

______________&&&&&&_______________

صباح يوم جديد وتحديدا في شركه عاصي السلام كان يجلس بمكتبه وهو شارد بالماضي وكانت تنهال عليه ذكريات الماضي واحده تلوه الاخرى كانت بين يديه صورتها وهي تبتسم بمشاكسه والفرحه واضحه كالشمس على ملامحها

عاصي بوجع و غموض
=
ياه فاتت سنين طويله يا تاجي اعدي حوالي 7 سنين واحنا بعيد عن بعض وثلاث وحشتيني قوي في السنين دي اكيد عمرك ما تغيرتي ولا هتتغيري يا روحي هتفضلي طول عمرك تاجي حبيبتي اللي بتحب اللعب والضحك والهزار والمشاكسه في اهلها اكيد هتفضلي نقيه وبريئه زي ما انت وحشتيني قوي يا تاجي

قطع ذكرياته دخول مالك من باب الغرفه وهو يغمغم ببرود
=
عشان نكون على نور يا عم عاصي انت مش جايب خطيبتك تلعب هنا ولا ترازي في الموظفين انا مش ناقص كل يوم مشكله غير اللي قبليها لا و ما شاء الله عليها ما بتعرفش تنقي غير المتوظفين الكفاءه اللي في الشركه علشان تتخانق معاهم وتعمل معاهم مشاكل لا  والبجحه عاوزاني انا ادافع عنها ليه ان شاء الله ده في شرع مين يا حبيبي انا فاضل لي معاها تكه وحياه ربنا تكه لو مسكتها هنفضها لك ما ترجعش تزعل مني

عاصي ببروده لا مبالاه وهو ينظر للصوره تاج ويداه تمر على ملامحها بعشق
=
عايز تهزها هزقها عايز تبهدلها بهدلها واعمل فيها كل اللي نفسك فيها هو انا قلت لك ما تعملش حاجه ولا عمري عاتبتك لما هزقتها وبعدين انت ليه محسسني ان هي تفرق معايا شايف الجزمه اللي انا لابسها دي والله تفرق معايا اكثر ما هي تفرق معايا شوف  عايز تعمل معاها ايه اعمله اكيد عمري ما هقف في وشك عشان واحده زي دي

اقترب مالك وهو يجلس امامه بعدما لاحظ ملامحه الشارده والاطار الذي يمسكه بيده
=
لسه بتفكر فيها يا عاصي ما عادش ينفع يا حبيب اخوك اللي اتكسر عمره ما هيتصلح عمرها ما هتبقى ليك اوعى تفكر غير كده وبعدين تاج مش لسه زي ما هي باقي دلوقتي بقت اوحش اقسى من عمي إلياس

عاصي بثقه وقوه
=
تاجي هتفضل طول عمرها ليا ملكي انا وبس اما بقى موضوع ان هي بقت اقسى من إلياس العامري فالموضوع ده يخليني مبسوط اكتر واكتر عمري ما هزعل لو كانت هي بقت اقوى من ما فات بالعكس ده يخليني فخور بتاجي الصغيره اللي كان كل همها الضحك واللعب والهزار واللي انا متاكد منه انها هتفضل على العهد بتاعنا  [وحيدتي].

مالك بثبات وهو ينظر لعيون اخيه
=
اتمنى يا حبيب اخوك تبقى زي ما انت بتقول مع اني اشك على العموم انا ماشي دلوقتي عشان معزومين عند حمايا العزيز يلا عن اذنك يا باشا