و ماذا بعد هوسي بكي متوقفة لأجل غير مسمي

الفصل 2

بمكان اخر نذهب اليه اول مره كان صوت النقاش حاد جدا وهناك امراه تبلغ من العمر حوالي 60 عام تصرخ بغضب وكراهيه
=
هو انت عاوز تجنني يا مالك انا 100 مره قلت لك اللي اقول عليه هو بس اللي هيتنفذ ولا انت خلاص بنت العامري اكلت دماغك وقوتك على امك اللي المفروض تسمع كلامها في اي كلمه تقولها ومن غير ما تراجعها في ولا حرف مش ده اللي ربنا وصاك عليه يا ابني يا كبير

مالك بغضب وهو يحاول استجماع نفسه حتى لا يرفع صوته على والدته
=
لا يا مدام تهاني انت فاهمه الدين غلط وفهمه وصيه ربنا غلط برده ربنا لما امرني اطيعك امرني اني اطيعك في الصح مش في الغلط ماهو مش طبيعي اني اجي الاقيك ماسكه بنتي اللي عندها ست سنين ونازله فيها ضرب و اسكت لك اكيد يعني لو عملت حاجه زي كده ربنا مش هيسامحني وبعدين امها بتحوش عنها تقومي ضرباها كمان ليه ما لهمش راجل يقف لك ولا ايه هو انا علشان ابنك والمفروض اطيعك هتستعبدي لي مراتي وبنتي بقى وتهنيهم وتمدي ايدك عليهم كمان ليه ان شاء الله في شرع مين ده يا والدتي العزيزه هو انت بجد مش مكفيكي كل اللي انت عملتيه فينا السنين اللي فاتت دي لا كمان بتستوي على العيال الصغيره اللي لسه مش فاهمه اي حاجه ليه يا امي بتعملي ده كله انا بس عايز افهم ليه اذيناكي في ايه عشان تعملي فينا ده كله وبعدين بعد اذنك يعني انا مراتي غلطت في ايه علشان تقولي لها انتي مش متربيه لا وكمان تضربيها بالقلم الحاجه اللي عمر باباها ومامتها ما عملوها اصلا تيجي انتي بعد العمر ده كله وتمدى ايديك عليها ليه ان شاء الله اذا كنت انا جوزها ومهما حصل بينا احنا الاتنين عمري ما ايدي اترفعت عليها مين اداك الحق يا امي انك تمدى ايدك اصلا على واحده من بناتي يعني لولا تولين العيله اللي عندها اربع سنين اتصلت بيا وقالت لي اللي بيحصل انا ما كنتش اعرف و ما كنتش هاجي وكنت هتكملي بقى في ضربك لمراتي وبنتي واهانتك ليهم

اشار مالك الى ابنته الصغيره تولين التي كانت تحتضن والدتها واختها بشده وكانت نظرتها لجدتها مليئه بالكراهيه والحقد عكس نظرات تالين التي كانت مليئه بالانكسار والحزن اما فجر فكانت تنظر لهم بجمود وقوه

تهاني بقوه وجبروت
=
لا يا حبيبي طول ما انتوا قاعدين في بيتي انا اعمل اللي انا عاوزاه وامر باللي انا عاوزاه وهو هيتعمل ايه يعني ما ضربت مراتك وبنتك ايه حصل يعني الدنيا مش هتخرب يا حبيب امك و بعدين مراتك ما تربتش ولا بنتك كمان اتربت فما فيهاش حاجه يعني لما اربي الاثنين اصل انت عارفني ما بحبش الغلط ابدا وبعدين ايه يعني بربي مرات ابني وبنت ابني عادي يعني ما تكون الستات بتعمل كده مع مراتت ولادها واحفادها انت بس اللي هفق قوي وبتخاف على مراتك وعيالك

ملك بعصبيه وفقد اعصابه
=
والله يعني انت دلوقتي بتتحكمي فينا عشان احنا قاعدين في بيتك تمام يا امي انا النهارده هاخد مراتي وهطلع من البيت ده وحضرتك اشبعي بالبيت وامري زي ما انت عاوزه وخلي اللي في البيت يبقوا ينفذوا كلام حضرتك انا مش هقبل لا ان مراتي ولا واحده من بناتي تتوجع مره ثانيه انا مش هسمح بالحاجه دي تحصلها من تاني انا مراتي مش خدامه لا عندي ولا عندك عشان نجيبها نستعبدها هنا ده انا طفحت الدم عشان باباها يوافق يجوزها لي جاية حضرتك بعد ده كله عاوزه تخربي بيتي لا متشكرين قوي لحضرتك وانا ومراتي وبناتي مش هنقعد في البيت ده لحظه واحده