و ماذا بعد هوسي بكي متوقفة لأجل غير مسمي

الفصل 3 [ تاج ]

الفصل ده هيكون خاص بتاج بس هنحكي جزء عن حياتها في السبع سنين اللي فاتوا وطبيعتها اللي بقت فيها دلوقتي من دلوقتي انا بقول لكم الفصل هيبقى صغير خالص انا قاصده ان هو يبقى صغير جدا لانه بيحكي بس نبذه عن تاج واللي حصل لها في السنين اللي فاتت واللي هيتوضح في الفصول الجايه ان شاء الله الفصل يا بنات قصير قصير قصير قصير علشان بس ما حدش يقول الفصل قصير ويقول انت منزله فصل صغنن انا قصدي انه يبقى قصير قشطه

______________&&&&&&_______________

كانت تركض بكل سرعه والعرق يملا جسدها كانت عيونها بلون الدم والذكريات تنهال على راسها واحده تلو الاخرى
=
ابعدوا بنتكم عن ابني على اخر الزمن ابني هيبص لعيله

انتي لو ما بعدتيش عن ابني صدقيني انا هخلي حياه اختك ضلمه هخليكم انتم الاتنين ما تسوش نكله

هاي شفتي بقى انك ما لكيش اي ثلاثه لازمه في حياته انتي مجرد تسليه الوقت وبس انما الاصل قدامك اهي في حضنه

لا لا لا لا لا لا معقول تاج العامرى  تتذل الذل ده كله اظن ان احنا حذرناك من الاول بس انتي اللي ماسمعتيش كلامنا ذنبك على جنبك بقى يا قطه

شوفوا من هنا صدقيني انا مبسوطه جدا انك حضرتي الخطوبه بتاعتنا علشان برده تعرفي مقامك ومقامك كويس انتي كنت في الضلمه وانا كنت في النور

صحيح على اخر الزمن عيله هتيجي تاخد مني حبيبي انا مش فاهمه خيالك دا ازاي هيألك انك ممكن تكوني معاه العاصي ليا انا وبس

الا صحيح يا تاج ما قلتليش احساسك ايه وانتي شايفه حبيبك في حضن حبيبته اكيد احساس جميل عمري ما جربته اكيد مش هجربه لاني عمري ما بصيت لي حاجه مش بتاعتي مش زيك حطيتي عينك على حاجه مش بتاعتك واديك اهو عرفتي مقام نفسك انتي فين وانا فين

بقول لك ايه ابعدي عن ابن اختي عشان هو وبنتي لبعض من اول ما اتولد واحنا متفقين ان هم هيبقوا لبعض ما تجيش انتي بقى دلوقتي وتفتكري نفسك حاجه وتدخلي بينهم هم الاثنين ما هو اديك شفت بنفسك اختار بنت خالتو حب عمره

ايه ده ايه ده ايه ده ايه ده معقول جايه بنفسك تباركي لنا على ميعاد كتب الكتاب ايه يا تاج ده لسه فاضل عليه حبه حلوين انتي عرفتي منين بقى ان احنا هنكتب اكيد اختك قالت لك ما هي فجر ما بتعرفش تخبي حاجه عنك مع اننا والله قلنا لها ما تقولكيش عشان ما تجرحش مشاعرك بس الظاهر انك مش غاليه عند اختك فقالت لك واوعي بقى تقولي لي انك جايه تزورى اختك اكيد مش صدفه يعني يوم منحدد فيه كتب الكتاب تيجي انتي تزوري اختك اكيد هي اللي قالت ليكى بطلوا بقى حركات البنات الرخيصه دي احنا فاهمينها وعمرها ما هتيجي سكه معانا

شايف يا حبيبي مين جاء تاج الظاهر ان احنا غاليين عندها جدا لدرجه ان هي تتعب نفسها وتيجي عشان تبارك لنا يا روحي لا وشوف كمان جيبه معاها هدايا يا عمري شكلنا غاليين عندها قوي طول عمرك صاحبه واجب يا حبيبتي