اول شي صلوا على نبينا محمد عليه افضل الصلاة والسلام
*****************
رواية.......أنتي أمانتي(دخيلتي)
*************************
بقلمي✍️.....الكاتبة رغد العيسى
*************************
♡مشاهدة ممتعة للجميع♡
صكر:طول الاكل واني عيوني على وتين لدرجة خليتها تخلص صحنين لو بيدي اخليها تاكل اكثر خلصنا اكل وكمنا كعدنا بالصاله شفتها كاعده عالكنبايه وشكلها ما عاجبني مي على بعضها،،،،ها وتين بنيتي شبيج
وتين:هلا عمو ما بيه شي
صكر:شلون ما بيج بنيتي واني اشوفج مو على بعضج
وتين:تنهدت بألم ودمعت عيوني وكلت مكدر عمو مخنوكه كلبي يوجعني احس راح يصير شي اخاف يجي يرجعنا عمي
صكر:ورتني دموعها ورا وشلون تحجي وهي مخنوكه ودموعها تنزل،،،كعدت بجنبها وكلت لا باباتي امسحي دموعج لا تخافين بنيتي انتي وغزل بحمايتي طول ما اني اتنفس اوعدج اخليهم يحلمون يشوفون خيالج
وتين:كمت اشهك ودموعي تنزل معد اكدر احس انفاسي ضاكت مو كدرانه اتنفس ما حسيت غير صرت بحضن عمو
صكر:بصياح يممممممممه انطني كاست مي بسرعه وينجن
فرح:جنت مع البنوات سويت جاي ورهف وليلي غسلن المواعين ومرام وماريا وغزل يسون تحلايه
وعمتي كامت تصلي العشا والولد وابو صكر والحجي طلعم برا ما حسيت غير على صياح صكر
،،،ها يمه شبيك اسم الله الرحمن شصاير بيها بنيتي
غزل:وزعنا الشغل وكاعدين نشتغل ما درينا غير الشيخ يصيح وكمنا نتراكض،،،،فتنا للصاله واشوفلك الشي الما تمنيت اشوفه اختي بحضن الشيخ وترجف
فرح:هاك يمه انطيها مي ماريا يمه سوي ليمون بسرعه بلجي تصحصح شوي
ماريا:بخوف على وتين حاضر يمه
غزل:بجي وتين شبيج يا روحي شيخ سوي شي امانه راح اخسر اختي شوف شلون ترجف ومصفره
صكر:هاج وتين بنيتي بابا اشربي مي،،حاطها على صدري واشرب بيها مي خوفتني عليها شلون ترجف بايدي وصفرنت خالص شجاج بنيتي
جاسر:جنا برا اني والولد وجدي وابوي وحبابتي صلت وجت كعدت معانا ما حسينا غير على صياح الشيخ وفتنا بسرعا
عمر:يا ستير شصاير شبيها البنيه
حسين:شفنا وتين بحضن الشيخ وحالتها مو طبيعيه منتهيه خالص وحبابتي كامت تصيح
الجده:صخام راحت البنيه شبيه يولو احجو بردولي كلبي شصايرلها
الجد:كولي يا الله يا مره ما بيها شي ان شاء الله
صكر:ما بي شي حبابه لا تخافين من الخوف صار بيها هشذان،،،،شلت وتين وكعدنا عالكنبايه ولسعني حاطها على صدري وامي تفرك بايدها وغزل تشممها عطر بلجي شو تصحصح
ماريا:هاك خويا شربها الليمون وان شاء الله ترتاح
غزل:اخذ الشيخ الليمون وكام يشربها شوي الحمد لله صحصحت تا اكدرت ارتاح وابرد كلبي
أنت تقرأ
أنتي أمانتي(دخيلتي)
Science Fictionبدأت 2023/5/29 انتهت:يوم الاحد /2/ يونيو شهر/6/ سنة/2024/ حبايبي انتبهوا عالتاريخ مشان ما وحده تسرق الرواية وتكول انو هي كتبتها
