اول شي صلوا على نبينا محمد عليه افضل الصلاة والسلام
*****************
رواية.......أنتي أمانتي(دخيلتي)
*************************
بقلمي✍️.....الكاتبة رغد العيسى
*************************
♡مشاهدة ممتعة للجميع♡
وتين:وافقي ورجليج بمي بارد
ابو ضرغام:احم يا جماعة الخير جايك بطلب يا اخوي واتمنى
ابو صكر:ما عاش اليردك يا اخوي كول تفضل
ابو ضرغام:والله يا اخوي اريد اطلب ايد بنيتنا ماريا على سنة الله ورسولو لابني ضرغام والشاهد الله ما الكى احسن من بنيتنا ماريا لابني
ابو صكر:على عيني وراسي يا اخوي اتشرف بيك وبضرغام ابن عمها والنعم منو مو مكصر بشي الحمد لله والله لو تظل علي اكلك اخذها بعبايتها بس تعرفني ما اغصب بنيه على شي ما تريدو خلنا نسألها ونشوف
ابو صكر:نادي ماريا ام صكر عيني
ام صكر:اي ماشي ماريا ماما بنيتي تعاي شوي
ماريا:شنو السالفة
وتين:كومي روحي شوفي شنو السالفه
ماريا:كمت رحت لامي وكلت ها يمه بي شي
ابو صكر:تعاي يا عيون ابوج انتِ تعاي بجنبي
ماريا:رحت بجنب ابوي وعرت ايدي وكال
ابو صكر:تدرين انتِ ومرام عيوني الاشوف بيهن
ماريا:بابتسامه اي يابه ادري
ابو صكر:ما يوم رفضتلجن شي تريدنو التريدنو كبل لا تكولن عليه تلكنو يمجن ودراسة وخليجن تكملن ما اهتميت الحجي العالم اليكولون البنية مكانها المطبخ وبيت زوجها
صح البنيه تتعلم الشغل والطبخ واذا صار نصيب راح تطلع من بيت ابوها لبيت رجال ثاني وتكمل نصف دينو بس هذا الشي ما يمنع انها تكمل دراسه صح ولا لا
ماريا:اي صحيح
ابو صكر:وهسع بنيتي بي رجال طلبج مني واني متأكد راح يصونج ويخليج تكملين دراسة وهو مو غريب عنا ابن عمج ضرغام طالب ايدج على سنة الله ورسولو واتأكدي اني ابوج وصديقج واخوج مستحيل اجبرج على شي
ماريا:بخجل يابه اني اهم شي عندي دراستي ما اريد اتركها واريد اضل كاعده بجنبكم ما ابعد عنكم وضرغام والنعم منو ابن عمي هو اولى بيه والتشوفو انت مناسب لي اني ارضه بيه لانو اعرف انو اختيارك ما يظلمني
ام ضرغام:عمري والله شرايحلي لمن تصيرين جنتي ترباية ابو صكر وام صكر ونعم التربية والله
ام صكر:فدوة لج حياتي الله يحفضلج الويلاد يا رب
وتين:ماريا راحت عند بابا وكام يحجي معاها واحنا نسمعهم والحمد لله بابا انطاهم الموافقة
ابو صكر:هلا بيك يا اخوي ايمت ما حبيت تجون تعقدون بعد صارت بنيتكم ويشهد الله معتبرها طالعه من بيت ابوها لبيت ابوها مو لبيت عمها ومتأكد انكم راح تحافظون على بنتي شرايحلي لمن اخليها كريبة علي وعند ابوها الثاني
أنت تقرأ
أنتي أمانتي(دخيلتي)
Science Fictionبدأت 2023/5/29 انتهت:يوم الاحد /2/ يونيو شهر/6/ سنة/2024/ حبايبي انتبهوا عالتاريخ مشان ما وحده تسرق الرواية وتكول انو هي كتبتها
