اول شي صلوا على نبينا محمد عليه افضل الصلاة والسلام
*****************
رواية.......أنتي أمانتي(دخيلتي)
*************************
بقلمي✍️.....الكاتبة رغد العيسى
*************************
♡مشاهدة ممتعة للجميع♡
وتين:وصلنا ونزلنا
صكر:على كيفج حياتي
وتين:اي عمري لا تخاف ما بي شي
الام:يا الله يمه فوتو لا تضل كل شويه ومستغل الفرص ولازك بالبنيه خلها تتنفس
صكر:للتصحيح يمه تره مو بنيه ما يحتاج اكلج شلون صارت مره
الام:اخخخخ يا ربي والله يمه انتَ بايع الطليان وماشي وصاير سته الا ربع
رهف:ههه على كيفج يمه اكلتي اكل
الام:ما تشوفونو شلون صاير
جاسر:ههههه والله اليشوفو بالديوان ومع الشيوخ شلون مخوفهم ويرجفون منو ما يصدكون انو شخصيتو تنكلب 360 درجه عند المره لو يدرون جان بطلم يحسبولو حساب هههههه
صكر:شنو شايفين اكيد ما اطلع عصبيتي يم مرتي مع اهلي اضحك واسولف شنو بيها بس برا لا لازم الواحد يثكل
الكل:هههه يا الله زين احسن من مابي شي
وتين:فتنا وجت حور تركض حبيبة كلبي شكد احبها تهبل الخدود ينكالن من حلاوتهن والعيون والشعر ذهبي مثل لون شعري يا يمه ريحتها ترد الروح
حور:توتو توتو حبيتي
وتين:شلتها بحضني جت تركض وحضنتني وشلتها
رهف:هيييي نزليها يا ولي مو زين عليج
وتين:لا عادي والله اصلن خفيفه صحيح دبدوبه بس خفيفه حبيبة كلبي
حور:اي اني حوه توتو الداهل سين مو باسل بس تيبينو العبو واحتو محدني مو توتو(اي اني حلوه توتو الجاهل زين مو باجر بس تجيبينو العبو واحطو بحضني مو توتو)
وتين:اي يا روح توتو وكمت اشم بريحتها واحبها من خدودها وهي تضحك مكيفه
الام:نزليها يولي مو زين عليج
وتين:لا والله عادي اصلاً اني اريد الاعبها واكلو خدودها الحلوات مو حوريتنا
حور:اي اي اني احبس(احبج)
وتين:اخذتها وكعدنا عالكنباية اني وياها واحبب بيها واعض بخدودها شكد احب الجهال يا رب لا تحرمني من هالفرحه اني جهال غير متعلقة بيهم حيل شلون جهالي بالمستقبل
جن البنوات واطمنن علي وسلمت على ابوي وجدي والولد
الاب:يا روح ابوج الله لا يحرمج من هالفرحه وان شاء الله تعبين حضنج جهال
وتين:بفرح ان شاء الله يابا بوجودك يا روحي ويتربون بعزك ودلالك ان شاء الله
الجد:آمين يا رب الحمد لله كل شي مر على خير الله يكومج بالسلامة بنيتي
وتين:حبيبي جدي يا روحي الله يخليلنا ياك وما يحرمنا منك يا رب
الكل:آمين
عمر:من هسع اني اريد تجيبولنا بنيه واخذها جنه ليا واحطها بعيوني
أنت تقرأ
أنتي أمانتي(دخيلتي)
Science Fictionبدأت 2023/5/29 انتهت:يوم الاحد /2/ يونيو شهر/6/ سنة/2024/ حبايبي انتبهوا عالتاريخ مشان ما وحده تسرق الرواية وتكول انو هي كتبتها
