أنتي أمانتي(دخيلتي)

Part 19

اول شي صلوا على نبينا محمد عليه افضل الصلاة والسلام
*****************
رواية.......أنتي أمانتي(دخيلتي)
*************************
بقلمي✍️.....الكاتبة رغد العيسى
*************************
♡مشاهدة ممتعة للجميع♡

صكر:صار دورنا وفتنا
الدكتورة:اصعدي ماما خلني اشوف وضعج
وتين:ما كدرت اصعد دحكت على صكر وكال

صكر:ها حياتي شنو
وتين:مو كدرانه اصعد دايخة
صكر:والله هالدوخة هاي شني سالفتها تعاي يا روحي شلتها وحطيتها عالسرير تا تكشف عليها وجت امي رفعت عن بطنها وعمتي ساعدتها وكفن يمها واني بعدت عنهن سويتلهن مجال بس كاعد اشوف كل شي عالشاشة وادحك على وتين متوترة اشرتلها بايدي ما تخاف

وتين:صعدني صكر وجت ماما وعمتي وخرن عن بطني مشان تكشف علي الدكتورة وكفن يم راسي وصكر شوي بعد عنا توترت اني وصكر طمني

صكر:الدكتورة تحرك بالجهاز على بطن بنيتي بس مدري ليش ملامحة تغيرت واستغربت مثل المصدومه اني كلبي وكف من شفت ملامح الدكتورة خلصت ورحت على بنيتي عدلت امي وعمتي ثيابها وشلتها نزلتها وكعدنا عند الدكتورة عمتي وامي ووتين كعدن على كنباية وحدة ووتين بينهن ويطمنن بيها

الدكتورة:ماما شكد عمرج انتِ

صكر:15 دكتورة
الدكتورة:لسعها مطولة تا تفوت بال 16؟

صكر:اي دكتورة
الدكتورة:انتَ زوجها والمعاها امها
صكر:اي زوجها
ام صكر:اي امها اني
ام ضرغام:اني عمتها

الدكتورة:شوفي حجيه والله مدري شكوللج بس بنتج جسمها ضعيف ما يتقبل حمل حملها خطر عليها
اني ما اكوللج انو بنتج ما تكدر تجيب جهال لا بالعكس بس الطفل هذا خطر عليها وان شاء الله بعد 3 سنين 5 سنين تتقوى ان شاء الله وتحبل بس الواحد يخلي ايمانو بالله قوي

وتين:بصدمة ما فهمت دكتورة شقصدج

الدكتورة:ماما بنيتي لسعج زغيرة والحياة كدامج وان شاء الله تترسين حضنج جهال بس الجاهل هذا لا خطر عليج ماما ولازم تنزلينو لانو اذا ظل بالولادة نخسرج انتِ احتمال نجاح ولادتج 5 بالمية ماما بس اني ما اريد اخوفج ماما فكرو زين هالجاهل هذا خطر عليج لازم نستعجل ونزلوا كل ما استعجلنا احسن

وتين:حطيت ايدي على بطني ودموعي تنزل وخاله ام صكر حضنتني وتصبر بيه وعمتي ام ضرغام تبجي

ام ضرغام:يمه يا وليدي منين جتج هالسالفه يا رب لا اعتراض على امرك الحمد لله على كل حال

وتين:هديت شوية وكلت بكلبي مستحيل اتخلى عن ابني والله راح يوكف معاي متأكدة وراح اشيل ابني بحضني متأكدة ربي ما راح يحرمني من هالشي

صكر:انصدمت من الكالتو الدكتورة مستحيل اخسر بنيتي صحيح فرحان راح تجينا ثمرة حبنا بس مو على حساب حياتها لا والله مو على حساب حياتها لسعها زغيرة والعمر كدامنا ان شاء الله اترس حضنها جهال بس الجاهل هذا لا