توقفنا عندما أخذت إيفا القرار
جاك : إيه هو قرارك إيفا
إيفا : موافقة بس مش هعملها إلا لما نعمل تعويذة نيك ويقدر يسيطر علي نفسه أثناء تحوله
نيك : موافق
إيفا : نسيت في حاجة لازم أقولها
جاك : إيه تاني
إيفا : الموضوع يخص نيك
نيك : يخصني انا
إيفا : أيوة أنت
جاك : إيه هو
إيفا : نيك يقدر يتحكم في تحوله بعد ما تحول لوحده والتعويذة إللي أنا هعملها هتخلي الموضوع سهل بس
نيك : بس ايه
إيفا : يوم ظهور القمر الأسود أنت هتتحول بدون إرادتك لأنه كل القوي بتتمنع أثناء ظهوره
جاك : ده معناه إنه وقت ما نيجي نعمل التعويذة بتاعتي هنحبسه
إيفا : لا لا لا إحنا هنحبسه قبل بداية اليوم ده لأنه أول ما اليوم بيبدأ بيظهر تأثير القمر علشان كده لازم نقبلك قبل بداية اليوم
جاك : أنا مقدرش أقبل نيك
إيفا : ليه يعني جاك
جاك : أنا راجل هقبل راجل تاني إزاي
إيفا مسكت المخدة وحدفتها علي جاك وقالت : أنت عيل بارد ياض أنت
جاك : فيه ساحرة تقول لمصاص دماء عيل وبارد وياض كمان
نيك : هو الكلام غريب فعلا بس أنت تستاهل
جاك : نيك أنت صحبي مش صحبها هي
نيك : صحبكم أنتو الاثنين جاك وايفا هتعملي التعويذة أمتة
إيفا : عملتها إمبارح واتفضل حط دي في رقبتك ومتخلعهاش تاني بس هي مش هتعمل حاجة إلا لما أنت تقاوم معاها لما القمر الكامل يظهر
نيك : تمام فهمت
جاك : طب تعويذة تمضية الوقت
إيفا : جاك هعملها بس أدرس التعويذة وأجهزلها وبعد كده أعملها
جاك : يعني هتاخد قد إيه وقت
إيفا : معرفش جاك لأنه لازم ألاقي الكتاب إللي فيه التعويذة
نيك : تلاقيه مش أنتي معاكي كتابك الغريب ده
إيفا : يا ناس إسمه الجراموار وأيوة معايا بس ده مفيهوش أي تعاويذ ده مساعد للسحرة مش موجود فيه أي تعاويذ افهموا بقي
نيك : خلاص فهمنا هتلاقي الكتاب ده فين
إيفا : هسأل الجراموار ...... جاك فين الجراموار
جاك : معرفش إيفا
إيفا : اوعي تقولوا إنه إحنا في آخر الشهر
نيك : أيوة في نهايته وايه إللي حصل
إيفا : الكتاب في المدرسة
نيك : وليه بقي يروح المدرسة
إيفا : قلت ده مساعد للسحرة أول ما أي ساحرة بتتولد لازم تدخل المدرسة علشان الجراموار بتاعها تاخده وظيفة الجراموار إنه يساعد الساحر بتاعه وأي حاجة هو محتاجها بيطلبها منه وكل نهاية الشهر بيروح المدرسة علشان يتأكد إنه مفيش أي كتب سحر ناقصة ويزود نفسه بأي معلومة جديدة علشان لو سألته عليها
نيك : يعني هنعمل ايه دلوقتي
إيفا : مكتبة جاك
جاك : مكتبتك إيفا لسه موجودة وأنتي عارفه كده أدخلي دوري
ايفا : الكتب ياما وأنا معرفش ادور عليه لوحدي غير كده معرفش هي موجودة في أي كتاب
نيك : أكيد هتلاقيها في قسم الوقت
جاك : أيوة أنا صنفت كل الكتب وكل قسم مكتوب عليها نوع الكتب الموجودة فهيكون سهل
إيفا : أنت آخر مرة دخلت المكتبة كانت أمتة
جاك : معرفش أنا برمي الكتاب وهو بيروح مكانه لوحده فمش بدخل المكان ده أبدا
إيفا : خلاص أسكت علشان المكتبة مليانة وكل قسم فيه أكتر من مليون كتاب
نيك : يا لهوي مليون كتاب ..... اومال لو مكنش أسبوعين إللي غبناهم
جاك : نيك أنا بعمل في المكتبة دي من أول ما إيفا بقت بتمارس السحر والاسبوعين إللي أنتو غبتوهم ملكة السحرة العشرة اعطتني كتب سحر ياما مش بعرف أعمل بيهم إيه وأنتو عارفين أني مش من هوات القراءة ومش بحبها أصلا فبيدخلوا المكتبة والكتب دي من جميع أنحاء العالم كنت بجيبهم من رحلاتي إللي كنت بروحها قبل ما أقابل صوفيا
إيفا : معلشي جاك بس أكيد إنه فيه حاجه هتحصل تكون في صالحك لأنه خسارتك كبيرة جداً عارفة ده
جاك : يا ريت إيفا أنا لسه بحبها ومش قادر أعيش من غيرها أحياناً بسأل نفسي ليه بعمل كل ده ما أموت وخلاص يمكن ألاقيها لما أموت
نيك : متقولش كده يا صحبي أكيد حاجة حلوة هتحصل وغير كده لو صوفيا موجودة كانت هتعمل كل حاجة علشان تعيش علشان كده لازم تفضل عايش جاك
جاك : أعيش من غيرها إزاي نيك أفرض خلاص عشت وقتلت 2100 شخص إللي لازم اقتلهم بعدها هيحصل ايه بس برضه مكمل مش عارف ليه مهما يحصل أكيد حبيبتي مش هترجعلي تاني مهما حصل عجزت عن مساعدتها وقت ما احتاجتني
بعدها حضنت إيفا جاك وقالت : جاك أنت عايش علشان هي عايزة كده متنساش أنها عملت كل حاجة علشان أنت تعيش قررت أنها تضحي بحبها علشان حب حياتها يقدر يعيش ولازم تحارب الموت علشانها جاك و علشانها وبس
وبعدها حضن نيك إيفا وجاك وقال : فعلاً جاك صوفيا كانت بتحبك حب ملهوش حدود وكلنا شاهدين علي كده ...... تعرفوا يا جماعه أنتو إللي فاضلين ليا بعد ما علتي كلها ماتت محدش وقف غيري جنبكم معتش عندي حد غيركم أنا بحبكم بجد
إيفا : وأنا بعد ما علتي اتخلصت مني علشان مش بتبع قواعدهم وكنت دائما باردة في تصرفاتي وفي كلامي ملقتش صحاب زيكم وقفتم جنبي كلكم بحبكم بجد
جاك : أما أنا بقي فرغم طيشي إلا أنكم معايا لحد دلوقتي مبعدتوش عني انا فعلا بحبكم
إيفا : طيشك وهبلك وجنانك جاك
جاك : شكراً علي التوضيح إيفا
إيفا : في أي وقت
جاك : طب كده كده أنا زهقت من العاطفة دي فهبعد
إيفا : طب ما دام أنت بعدت ليه حاسة إنه فيه تقل عليا لسه
جاك : هههههههه علشان نيك لسه حضنك
إيفا : نيك ..... عجبك المكان أجيب ليمون أو حاجة
نيك : لا أنا كده تمام
إيفا : والله
نيك : بقولك ايه أنا حاسس إنك عايزة تطلعي من حضني مش عارف ليه
إيفا : لا متحسش
نيك : طب حلو
إيفا : أتأكد
نيك : بجد
إيفا بصوت عالي : أبعد نيك
نيك : حاضر
جاك : يا هبل أنتو ركزوا علي التعويذة
إيفا : لما الجراموار يرجع فلازم نستناه
جاك : مش محتاجين هو جه أصلا
إيفا : هاته يلا خلينا نعرف فين الكتاب أو تعويذة علشان هو يجي عندنا
جاك : اتفضلي يلا ابدأي
وضعت إيفا يدها علي الجراموار وقالت التعويذة وبعدها قالت : جراموار فين الكتاب إللي فيه تعويذة تمضية الوقت
الجراموار رسم رسمة
جاك : توضيح
إيفا : لقيته هعمل تعويذة هو يجي بس أفتح المكتبة جاك
جاك : حاضر
فتح جاك المكتبة وقالت إيفا التعويذة وظهر الكتاب وذهب إليها
جاك : كل حاجة تمام أهو أكيد هيحصل مشكلة دلوقتي إيفا مش عايز مشاكل تانية
إيفا : هههههههه وأنا يعني إللي بجيب المشاكل غير كده إحنا لقينا الكتاب مشكلة إيه إللي هتكون موجودة
فتحت إيفا الكتاب وبعدها سكتت لدقيقتين
إيفا : جماعة فيه مشكلة
جاك : كنت عارف ..... كنت عارف
إيفا: المشكلة هي ........
انتهي البارت
أنت تقرأ
مصاصي الدماء والسحرة
Vampireقصة انتقام من حب وخديعة لاحدي الملكات القويات للوصول لاعتراف المعشوقة ولكن يتبعها نهاية مفاجأة
