توقفنا عندما غفي جاك
في صباح اليوم التالي استيقظ جاك وجد نفسه ما زال جالساً علي البار وفي يده كأس الخم**ر وبعد قليل نزل نيك وايفا
إيفا : صباح الخير جاك
جاك : صباح النور ايفو
نيك : صباح الخير جاك
جاك : صباح الخير نيك
نيك : يلا بينا بقي
جاك : رايحين فين
إيفا : أرض عشيرة سحرة السماء
جاك : هنمشي قد إيه
إيفا : قصدك هنطير قد إيه
جاك : المعني
نيك : أرض سحرة السماء موجودة في السماء وعلشان نوصل لازم نطير وإيفا بتقول مش هنضطر نطير لأنها هتعمل سحر ونوصل هناك بس مش بوابة علشان مفيش أي بوابة بتفتح المكان إللي فيه سحرة السماء فعلشان كده هي قالت هتجيب وسيلة نطير بيها
إيفا : جاهزين علشان نمشي
جاك : يلا هغير هدومي بس
إيفا : مش محتاج لكدا
إيفا قالت بعض الكلمات وبعدها تغيرت ملابس جاك إلي بنطلون أسود وقميص أسود
إيفا : يلا بينا
جاك : تمام يلا بينا
خرج جاك ونيك وإيفا خارج القصر وبعدها قالت إيفا التعويذة وبعدها تحولت إلي سيدة عملاقة ترتدي فستان مثل عباءة الصينين ولها وجه كوجه الشبح ولديها جناحات بعدها صعد نيك وجاك علي ظهر إيفا وطاروا في الهواء حتي وصلوا إلي عشيرة سحرة السماء والتي كانت موجودة في السحاب عند وصولهم نزل نيك وجاك من علي ظهر إيفا وبعدها تحولت إيفا إلي شكلها الطبيعي
جاك : إيفا ..... تصدقي خوفتيني شوية
نيك : وأنا كمان الصراحة
إيفا : هههههههه لا متخافوش ده بس علشان أقدر أوصل للمكان ده ....... المهم أهلا بكم في عشيرة سحرة السماء
نظر جاك ونيك أمامهم وقد كانوا مذهولين من جمال المكان حيث كان المكان كله سحاب ومناظر تشبه الخيال تجعل للشخص راحة نفسية جميلة كان كل شيء مصنوع من السحاب و للسحاب عدة ألوان مختلفة ومتناسقة مع بعضهم
جاك : أنا عايز أفهم أنتي إزاي كنتي عايشة في قصري علي الأرض
نيك : وأنا كمان عايز أفهم
إيفا : يمكن شكل المكان حلو أوي بس هتعرفوا بعدين إنه المظاهر خداعة ..... هنا ممنوع أي قانون إنه يتكسر ...... أي تكسير في أي قانون مهما كان بسيط عليه جزاء كبير عارفة إنه النظام حلو بس لو كان زايد عن اللازم هتعرف إنه كل حاجة هنا مزيفة
جاك : أنا بقول ندخل العشيرة ونشوف
دخلت إيفا ومعها نيك وجاك إلي العشيرة وكل من يري إيفا كان ينحني احتراماً لها حتي وصلت إلي قصر عائلتها
جاك : ايفو ليه الكل بينحني لما يشوفك
إيفا : علشان أنا أميرة عشيرة سحرة السماء ولو اتجوزت هكون الملكة بعد موت جلالة الملك لأنه وريث العرش مات بعد ما انجبني
دخلت إيفا وجاك ونيك القصر وعندما فتحوا الباب وجدوا جلالة الملك والملكة أمامهم
الجد الاكبر : إيف تعالي هنا
إيفا جرت علي جدها وحضنته وقالت : جدي
الجد : أهلا بحفيدتي الغالية ..... مين دول إيف وليه كنتي هتموتي إمبارح
إيفا : بصراحة يا جدي أنا كنت هتجوز إمبارح
الجد : بجد إيف كنتي هتتجوزي من غير ما أعرف أنا عارف إنه هنا فيه الناس بتكرهيها بس أنا كنت معاك ولسه معاك وبرضه كنت أقدر امنعك تمشي بس مرضتش أعمل كده لأنه حسيت إنه حفيدتي الغالية هترجع تاني بس هترجع أقوي وأنتي رجعتي يا إيف
إيفا : آه يا جدي رجعت مع جوزي وصديقي ..... بس حصلت مشكلة امبارح وفعلاً كنت هموت
الجد : ليه إيف
إيفا : جدي بصراحة الشخص إللي أنا هتجوزه بيكون نيك قائد قطيع الذئاب السوداء
الجدة : بتقولي إيه أنتي مش هتتجوزي ساحر .....الزواج ده لا يمكن يتم يا جلالة الملك من أصول الملوك إنه الأميرة ووريثة العرش تتجوز ساحر وبدم ملكي مش تتجوز ذئب
إيفا : هيتم يا جلالة الملكة دي حياتي أنا وقراري أنا وغير كده عمري في حياتي ما خليت حد يدخل في قراراتي خاصة أنتي
الجدة : شكل غرورك وكبريائك لسه منتهوش حتي بعد السنين دي كلها
إيفا : ولا عمرهم هينتهوا يا جلالة الملكة وعمري ما هعمل أي حاجة أنا مش عايزاه والأهم أنه تكون الحاجة دي أمر منك
الجدة رفعت يدها لتضرب إيفا ولكن يد نيك منعتها :جلالة الملكة شكلك مسمعتيش قالتلك إيه هي قالت أني جوزها مش خروف علشان تمدي إيدك عليها في وجودي
الجدة سحبت يدها من يد نيك وقالت : ده إللي أنتي عايزة تتجوزيه ميعرفش اي حاجه في الادب زيك بالضبط
الجد : جلالة الملكة المرة الجاية إللي هتمد إيدك علي سمو الأميرة تاني أو تهيني سموها أو تهيني الضيوف هنفيكي من القصر وامنعك دخول العشيرة
الجدة : بس
الجد : أنا قلت كلامي اتفضلي عايز أقعد معاهم لوحدي ....... اسمك نيك
نيك : أيوة جلالة الملك
الجد : هههههههه قولي جدي نيك بس خليك فاكر إنه أنت معاك الغالية لو زعلتها هتموت ومحدش يقدر ينقذك مني
إيفا : جدي
الجد : بهزر يا سمو الأميرة ...... أحكي إللي حصل إيف
إيفا : بصراحه جدي أنا عايزة حاجة منك
الجد : عايزة ايه إيف
إيفا : عايزة تعويذة تمضية الوقت وعايزة أني اتجوز نيك
الجد : الكتاب هيكون معاكي إيف بس أنتي ساحرة تقدري تتجوزيه في أي وقت
إيفا : بصراحه جدي إللي حصل ...... وحكت إيفا ما حدث خلال مراسم الزواج لجدها
الجد : يعني أنتي عايزة ساحرة تكمل زواجك بنيك
إيفا : أيوة جدي عايزة ساحرة تكمل الزواج
الجد : حاضر إيف بس قوليلي فين ماء المعرفة والحكمة
إيفا : في عالمي الخاص
الجد : تمام ....... النهاردة هترتاحوا عندنا وبكرة زواج إيفا من نيك ....... بس مين الشخص إللي واقف هناك
إيفا : جدي ده صديقي جاك مصاص دماء
الجد مد يده إلي جاك : أهلا جاك
مد جاك يده إلي جلالة الملك : أهلا جلالة الملك
جلالة الملك مسك يد جاك بقوة ولم يفلتها واغمض عينيه وبعدها دخل إلي عقله ورأي رؤية لصوفيا وجاك
الجد : تقدر تناديني جدي ...... جاك هتلاقيها زي ما قالتلك بس قبلها هتتكسر وهتكون الكسرة دي من شخص أنت متتوقعوش وعلشان مغلبكش وتشك في الكل الشخص ده مش معاك دلوقتي بس أكيد هتفرح في الآخر جاك وافتكر كلامي
جاك : حضرتك بتتكلم عن مين مش فاهم
الجد : إيف خدي جوزك وادخلوا اوضتك ...... هي لسه زي ما هي وكل حاجة زي ما كانت
إيفا : حاضر ..... تعالي نيك
الجد : تعالي جاك نمشي شوية
جاك : حاضر
الجد : لسه بتحبها جاك
جاك : حضرتك بتتكلم عن مين
الجد : بتكلم عن صوفي جاك ..... مش بتناديها بكده ونادتها بكده امبارح
انتهي البارت
أنت تقرأ
مصاصي الدماء والسحرة
Vampirقصة انتقام من حب وخديعة لاحدي الملكات القويات للوصول لاعتراف المعشوقة ولكن يتبعها نهاية مفاجأة
