توقفنا عندما كان جاك يتمشي مع جلالة الملك
جاك : جدي بتقول ايه
الجد : إيه جاك مش نادتها كده لما أنت جبتها في أحلام اليقظة امبارح
جاك : أنت عرفت ازاي
الجد : عرفت من عقلك جاك ...... وضعك صعب عارف كده بس أنت ما دام مع نيك وايف فهتكون كويس وهما معاك للأبد
جاك : عارف أنهم معايا للآخر وأنا هكون كويس بوجودهم
الجد : إللي جاي هيكون صعب ولينا في دماغها مخطط هتكسرك بيه جاك فلازم تكون قوي أعز حاجة امتلكتها وأعز حاجة هتمتلكها لينا هتخليهم يروحوا منك وأهم حاجة إنك تبقي قوي جاك
جاك : أكيد جدي
الجد : دلوقتي روح أرتاح والسهم ده هيوريك هي فين روح معاه
جاك : حاضر
ذهب جاك ليجد غرفته
الجد : جاك حياتك هتكون صعبة أوي بس أكيد هتكون قدها ومش هيحصلك حاجة لأنه أنت طيب وقلبك أبيض وأنا عمري ما شوفت تضحية زي إللي صوفيا ضحتها علشانك
أرشد السهم جاك إلي غرفته وعندما دخل إليها وجد كل شيء موجود هناك يعمل بالسحر ويطير والسرير مصنوع من السحاب وكل شيء جميل جداً في الغرفة ومتناسق وشكل الغرفة نفسها يجعلك تشعر بالراحة ذهب جاك إلي السرير واستلقي عليه واغمض عينيه وذهب إلي النوم
في حلم جاك كان موجود أمام لينا ملكة السحرة العشرة والقمر الأسود
لينا : أنت إزاي خليته يروح عشيرة سحرة السماء
القمر : لينا أنا أعمل إللي أنا عايزه مش برضاكي ده
لينا : ماشي بس دلوقتي العجوز عرف خطتي ومكنش لازم حد يعرفها وبما إنك عملت ده فخطتي كلها ممكن تبوظ بسبب عجوز
القمر : هو مش عجوز بس هو أقدم واوفي ساحر للقمر الأسود ودائما عارف بمستقبل الشخص إللي يمسك أيده وأعتقد أنك عارفة ده كويس لأنه سبق وحذرك من حاجة جاية بس انتي مردتيش وعملتي إللي في دماغك وبسبب غرورك دلوقتي أنت ميتة وكل عشيرتك متفرقة وممكن تموت في أي وقت
لينا : عارفه ده بس برضه مش ندمانة لأنه الكل بيندم ما عدا ملكة السحرة العشرة
وبعدها استدارت لينا ورمت خنجر واصاب هذا الخنجر صدر جاك
لينا : أهلا جاك
جاك أزال الخنجر من صدره : أهلا لينا ...... مش ناوية تزيلي التعويذة وتعرفي إنك عمرك ما هتنجحي
لينا : هههههههه انسحب أنت بتطلب المستحيل وأنا عمري ما هسحب التعويذة أبدا
جاك : يبقي هتخسري لينا
لينا : هنشوف جاك وهتعرف إنه أنا إللي هفوز في النهاية يمكن مش هتموت بس هتتألم لدرجة أنك تتمني الموت ومش هتعرف توصل ليه
القمر : كفاية كده عليك جاك وأعرف أني مش ضدك بس برضه مش معاك أنا بنفذ أمر إللي قدم التضحية بس برضه محدش يقدر يتحكم بيا وأعتقد أنك عارف هتبدأ من أين صح
جاك : صح
بعدها استيقظ جاك وجد الشمس قد اشرقت فارتدي ملابسه ونزل يبحث عن ملك عشيرة سحرة السماء نزل الي الأسفل وجد الجميع حول طاولة الفطور
الجد : جاك صباح الخير ..... تعالي افطر
جاك : صباح النور جدي
إيفا : صباح الخير جاك
جاك : صباح النور إيفو
نيك : صباحو جاك
جاك : صباحو نيك ...... جلالة الملك كنت عايز حضرتك في موضوع مهم
الجد : هههههههه حاضر جاك بس اتفقنا إمبارح تقولي جدي صح
جاك : حاضر جدي
الجد : بعد الفطار تعالي معايا غرفة المكتب ونتكلم هناك
إيفا : جدي أنا ونيك هنمشي شوية في العشيرة وكمان اشتري فساتين علشان حفلة النهاردة
الجد : تمام إيف بس متتأخريش وخلي بالك من نفسك
نيك : عيب تقول كده جدي وأنا معاها
الجد : أنا بقول كده برضه
أنتهي الجميع من تناول الفطور وأخذ الملك جاك وذهب إلي غرفة المكتب وعندما دخل قام الجد بتعويذة تمنع الجميع من استراق السمع لما يقولونه
جاك : أنت عملت كده ليه
الجد : يا ابني جلالة الملكة أكيد هتكون وراء الباب بتحاول تعرف أنا وأنت هنقول إيه
جاك : طب أنت عرفت ازاي
الجد : وقت متعيش 100 سنة تحكم عشيرة سحرة هتعرف كل واحد فيهم بيفكر إزاي
جاك : تمام جدي
الجد : موضوع إيه إللي أنت عايزني فيه
جاك : القمر الأسود ..... أنت إيه علاقتك بيه وليه هو بيقول عنك إنك من أقدم واوفي السحرة للقمر الأسود
الجد : حكايتي مع القمر الأسود كانت قديمة أوي وهتستغرب منها جداً جاك
جاك : هستغرب إزاي مش فاهم
الجد : هتستغرب لما تعرف ازاي القمر الأسود ده اتكون هتستغرب لما تعرف كل حاجة عنه وازاي إنه رغم أنه لينا عملت تضحية إلا أنه هو بيساعدك عمرك سألت نفسك هو بيعمل ده ليه
جاك : هو قال إنه مش ضدي ومش معايا وانا عارف إنه هو مش شرير بس لحد دلوقتي مش عارف بيساعدني ليه
الجد : علشان القمر الأسود ده ........
أنتهي البارت
أنت تقرأ
مصاصي الدماء والسحرة
Vampireقصة انتقام من حب وخديعة لاحدي الملكات القويات للوصول لاعتراف المعشوقة ولكن يتبعها نهاية مفاجأة
