💌رسالة اليوم💌
سيستجيب.. ولكن تفائل وتوكل على الله
صلو على من جلس على ركبتيه يواسى طفلا مات عصفوره ❤❤❤
__________________________________
عبدالله بشرود : قابلت حتة بت النهاردة ايي كمية التزام فظيعة
سارة : بابتسامة : همم احكى قابلتها ازاى يا عبدو
عبدالله بابتسامة تلقائية : كنت راجع من عند عمو عزيز بجيب ورق لبابا وانا راجع لقيت بنت تقريبا كدا فى سنك وما اخدتش بالى من لبسها بس شوفت ملامحها على السريع كدا لانى رضيتش ابصلها المهم لقيت الطريق فاضى فقولت اعزم عليها اوصلها الله اعلم ممكن حد يتعرضها وتخيلتك مكانها وما رضيتش انها تقف الوقفة دى المهم يا ستى روحتلها واول ما وقفت عندها ..........وحكى لها ماحدث بالتفصيل وخمنت ان تكون هى صديقتها
لكن فضلت ان تتأكد
وبعد مدة ليست قليلة كان البيت يسبح فى سكون تام بينما هى كانت تذاكر لان امتحاناتها قد اقتربت لكن غلبها النعاس لتنام على مكتبها ولكن بمجرد ان غفت حتى صدح صوت هاتفها معلنا ان احدهم يتصل لتفتح عينها بصعوبة وتهتف حتى دون حتى ان تعرف المتصل : السلام عليكم يا حمار ياللى بتتصل فالوقت دا ياللى معندكش دم يا اعمى البصر والبصيرة دا وقت تتصل فيه يا بقرة يا حلوب
نوران بتذمر : ولزمتها اى بقا السلام عليكم مدام هتشتمى كدا يا دزمة انا بتصل عشان احكيلك عن موقف حصل النهاردة
سارة بانتباه لتذكرها حديث اخيها : اممم احكى سمعاكى
نوران : النهاردة نزلت من عندك وما لقيتش عربيات وفضلت واقفة لحد ما لقيت عربية سودا اخر تلت حجات يا بت يا سارة من جمالها داخلة عليا وطلع منها شاب وقاللى .................... وقصت لها ماحدث بينما سارة قد تأكدت ان اخوها كان يقصدها هى وقررت تقريبهم من بعضهم لذا قامة بأول خطوة من الخطة فاردفت : بت يا نوران انا عزماكم انتم والبنات بكرة فى مطعم ...... بما ان حبيبة هنا وكدا يعنى نتجمع كلنا ونخرج وبالمرة نشترى حاجات حبيبة
نوران : تمام هقول للبنات ولماما ونخرج
سارة :لاء انا هرن عليهم دلوقتى واقولهم
ثم انهت اتصالها معاها وقامت بإيقاظ حبيبة وحكت لها الموضوع واتصلت بصديقاتها واتفقت معهم على الخطة ثم صلت قيام الليل مع ابنه عمها وذهبت فى ثبات عميق
*****تانى يوم *****
قامت هى وادت فرضها وارتدت ثيابها وخمارها وخرجت هى وابنه عمها لمقابلة الفتيات وشراء الاشياء اللازمة لابنه عمها
اما هو فارتدى ثيابة وخرج بعد ان التقط هاتفه ومفاتيحه متوجها الى اصدقائة ليقضى معهم يومه
اما هى فوصلت وصديقاتها الى المطعم المقصود
حبيبة بغباء : سارة اومال فين عبدالله مش انتى عاوزة تقربى اممممممم
سارة وهى تكمم فمها : يادى الفضايح اظن ما تعرفيش تسكتى
حبيبة : امممم
سارة : بتقولى اى سمعينى
دعاء : شيلى ايدك من على بوقها طيب يا ذكية
سارة بغباء : اه صح
حبيبة : هييييح يعنى انتى عاوزة تعملى مفاجأة لنو.......
سارة وهى ترفع صوتها : هاااااااا هووووووو هييييييييى ياولاااااا المطعم اهو يا بنات
واكملت بصوت منخفض : وانتى يا حبيبة الكلب لينا بيت يلمنا
دلفت الفتيات للداخل وطلبن الطعام
اميرة : هيييييح الاكل دا جمدااان
رشا : عندك حق والله
حبيبة وفمها ممتلئ بالطعام : اى ضا هى البط يشا معانا ( ايدا هى البت رشا معانا )
نوران بقرف : مش هتبطلى ام العادة دى ابدا
نظرت سارة للفتيات بنظرة ذات معنى واردفت : طب يا بنات انا رايحة الحمام تعالى معايا يا حبيبة ثم ذهبت هى وحبيبة وتركتهم بينما انسحبت واحدة تلو الاخرى وتركوها وحدها على الطاولة
بينما سارة اتصلت على شقيقها وطلبت منه الحضور بسرعة
وبعد مدة وصل هو الى العنوان ودلف لداخل المطعم عندما وجدها نعم انها هى تلك الفتاه التى اوصلها الليلة الماضية وجد اقدامه تقوده اليها ووصل عندها واردف بصوت منخفض نسبيا : احم احم يا انسة
رفعت زرقاوتيها من شاشة هاتفها لتنصدم به نعم انه ذلك الشاب الذى اوصلها لتهتف ببلاهة وفم مفتوح : هاه نعم
عبدالله : كنت عاوز اسألك عن .... ظهرت اميرة فجأةمقاطعة له فقد توجهت لهم بسرعة عندما شعرت انه سوف يفسد مخططهم واردفت بنبرتها المعتادة : فى اى يا استاذ حضرتك عيب كدا وقفتك دى
عبدالله بتوتر : انا كنت...ا ..اصل
اميرة مقاطعه له للمرة الثانية : لا اصل ولا فصل حضرتك ما يصحش وقفتك دى ياللا يا بت يا نوران ثم سحبتها من يدها ورحلت وتركته ينظر حوله بحرج شديد ليلتفت ورائه ليجد خلفه اخته وابنه عمه ليهتف بغضب وغيظ: كنتو فين يا كلا*ب
سارة : فى اى بس يا عبدو اى معصبك
عبدالله بتوتر : مالكيش فيه عاوزة اى
سارة ببراءة وعيون القطط : عاوزة اروح الملاهى
عبدالله وقد نسى نفسه والمكان الذى يوجد به ليهتف بردح مصرى اصيل : ناااعم يادلعديييييى سمعينى تانى كدا ياام تلاته وعشرين سنه جايبانى على ملا وشى عشان ملاهى
سارة ودعاء وحبيبة ورشا واميرةبصوت واحد وتسرع سوف يندمون عليه : مش كفايا شوفت نوران ! ( العيال دى فضيحة🙄🙄🙄 )
عبدالله بصدمة : ..........
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
هووووووب هوووووووب
كدا نكون خلصنا البارت اليوم
اى رأيكم فى نوران وعبدالله لايقين على بعض ؟؟
ما تنسوش الفوت والكومنت اللى بيفرحنى جدا
🍁دمتم فى حفظ المولى🍁
🍃SARA ADEL🍃
أنت تقرأ
المجانين العشاق
Humorفتاة ملتزمة ولكن مجنونة فى نفس الوقت عفوية ومرحة جدا لابعد الحدود وليس هى المجنونة وحدها فأصدقائها السبعة بنفس جنونها فهم تركيبة غريبة لا يستطيع فك شفرة جنونهم الا من انضم لمجموعتهم والتى كما يسمونها((مجانين والرزق على الله)) اما هو فكان يهتم بها ج...
