💌رسالة اليوم💌
جاء شخص لشيخ جليل ، فقال له : فلان شتمك في أحد المجالس !
فقال الشيخ :إن كان الرجل رماني بسهم فلم يُصبني، فلماذا حملت أنت السهم وغرسته في قلبي ! .......فانتبه
💜💜💜💜💜💜💜💜💜💜💜💜💜💜💜💜💜💜
اميرة بصدمة وبدون وعى : ابو ودان اجهزة تصنت
ليث بصدمة هو الاخر : ام مناخير شكمنات متوسيكل ( دا ليث يا جماعة واللى مش فاكرة يرجع لبارت ٨ وهو هيعرف الموضوع كله 😂)
ليهتف ليث ثانيه : ماتعبرنا يا مدمرنا
لكن ردت هذه المرة سارة وهى تهتف : دانا اللى هدمرك ياكلب صدقنى لاقول لمنى تلم ابنها يا صايع
ليث بملل : يا بنتى ارحمى امى سيبينى مرة اكمل معاكسة من غير ما تقاطعينى يخربيت ابو دول شويه لبن اللى هتزلى امى بيهم اقولك على حاجة انا متبرى منك روحى يالله انا مش اخوكى ولا اعرفك هششش هششش يالا من هنا
سارة : بس ياض وتعالى وصلنا
ليث بتكبر : ليه اوصلكم لى دكتور ليث وليد بنفسه يوصلكم انتم لا لا مستحيل
بعد مدة
سارة : هيييييش وقف هنا ياسطا
ليث بغيظ : اى هييييش دى بتوقفى حمار ربنا عالظالم والمفترى
سارة : بس يالا ياللا يا بت يا اميرة
ليث بصوت منخفض لكن وصل لمسامع اخته : اممممم اميرة قلبى دى
اقتربت منه قليلا وهمست بصوت منخفض : خف شوية يابا دول بنات ناس اعتبرهم زى ساندى اختك
ليث بشرود : ما خلاص بقا جت اللى تلمنى
سارة : سيبها لله
ليث : كله على الله يام العيون السود انا هطلع اسلم على زوزو بقا وبابا عادل
سارة : ولاا لاحظ ان اللى انت بتتكلم عنها دى امى هاه
ليث بمحلسة : مش امك لوحدك هههها
سارة : يا بارد
ليث : ياالهوى على الغيرة ياناس غيرانه منى يا عالم عشان شعرى مسمسم وعيونى ملونة وجسمى رياضى يعنى واد جركن مان
سارة : ليييث اخفى من وشى عشان هولع فيك
ليث بخوف : بت لاحظى ان انا الكبير
سارة : على نفسك يا ... يا جركن مان
جلس ليث ليتناول معهم الغداء
ليث وهو لا يعطى فرصه لاحد ان يأكل من اى طبق بل كان يأكل وهو يفرد ذراعاه على المائدة بحجه انه لايستطيع الوصول لباقى الطعام ليهتف بشعبية واضحه : والله ياماما زوزو وما ليكى عليا حلفان انا كنت هفتان اوى وواقع من الجوع بس ما تفتكريش ان انا جاى عشان الاكل لا والله انا جاى عشان انا جعان بس ( ااه صحيح ماهو فى فرق بين الجعان والمفجوع بردو 😂😂)
الام بضحك : والله واحشنى كلامك يا واد يا ليث يالمض
سارة بنزق : اوعى ايدك يابا لاحسن بالله العظيم اشرحك نهوو اوعى يلاا
ليث : بس يابت والله لاخدها يعنى هاخدها
سارة بتحدى : بالله العظيم ما حد واخدها غيرى بص اهوووو ثم قامت بالتقاطها فى فمها بسرعه
ليث بغضب طفولى : ليييش داااحوه ( ماليش دعوة ) عاوز مخلل جزر بدل اللى هى كالته
الام : حاضر يا ليوث بس ما تزعلش يا نونو جتكو نيلة خلفه تجيب الفقر
عبد الله وهو يغادر المائدة بعدما انهى طعامه : تشكرى يام عبدالله بس غريبة يعنى انتو لسه ما جالكوش الفقر لحد دلوقتى
ليسمعو طرق على الباب وصوت محصل الكهرباء ليهتف عبدالله بتوتر : والله ما كنت اعرف انه هيجى بسرعه كدا ثم غادر بسرعه تحت نظرات والده الحانقه
ثم بعد مدة غادر ليث واتى الليل بظلمته الحالكة لينام الجميع
ثم يمر يومان ليأتى يوم السبت
وهو اليوم المنتظر ....
هوووب هوووب واوبااا نقول خلاص النهاردة
واسفه عشان البارت صغير وعشان بقالى فترة مش بنزل
بس طبعا انتو عارفين الظروف اللى كنت فيها
بس ان شاء الله هنزل على طول
يلا باااى
🍁دمتم فى حفظ المولى 🍁
🍃SARA ADEL🍃
أنت تقرأ
المجانين العشاق
Humorفتاة ملتزمة ولكن مجنونة فى نفس الوقت عفوية ومرحة جدا لابعد الحدود وليس هى المجنونة وحدها فأصدقائها السبعة بنفس جنونها فهم تركيبة غريبة لا يستطيع فك شفرة جنونهم الا من انضم لمجموعتهم والتى كما يسمونها((مجانين والرزق على الله)) اما هو فكان يهتم بها ج...
