💌رسالة اليوم 💌
وتشاء انت من الامانى نجمة ويشاء ربك ان يناولك القمر 🌠
صلو على من بكى شوقا لرؤيتنا
💛💛💛💛💛💛💛💛💛💛💛💛💛💛💛💛💛💛💛💛
بعد مرور شهر من تلك الاحداث وخاصة آخر يوم فى الامتحانات
عادت للبيت بسعادة بالغة لتهتف بصوت مرتفع بمجرد ان تدلف للمنزل : الامتحاااااااااناااااااااات خلللللللللصتتتتت
لتهتف زوجة اخيها بولولة : ياااختيييى هتصحيهم دانا ما صدقت نامو هيطلعو عفاريت زيك
سارة : ايوة عارفة ان انتى عينك منى عشان دمى شربات وعسل ياختى عليا وعلى عسلى
لترد عليها والدتها بسخرية : يا ترى الكدب دا هيوديكى لفين
عبدالله بتصفيق لوالدته : الله عليكى يا زوزو يا جامدة دانتى طيرتى جبهتها خالص
لتنظر له سارة بلؤم: حتى انت يا عبيدة دانا كنت هاه وانهت كلامها بغمزة
لتهتف امها بشك : فى اى يا بت مالك وبتغمزى كدا لى
سارة : لاء يا ماما انتى لسة صغيرة
لتتلقى صفعة على ظهرها وتهتف والدتها بغضب : بقا كدا يا كلبة انتى هو طب انا كنت ناوية اقول لابوكم يكلم ابو نوران بس مش مشكلة
لتنظر هى وشقيقها لبعضهم بصدمه وتعود بنظرها لوالدتها ليتحدث شقيقها بلهفة : امانه عليكى يا زوزو يا عسل يا سكر لتقوليلو مش انتى عاوزة تفرحى بيا وتسلمينى لعريسى يوووه قصدى تسلمى عروستى ليا قوليلو بقا
لتهتف والدته باستغراب : جرا اى يا واد مالك متسربع كدا لي لاء دانا عوزاك تقيل
عبدالله : حاضر يا ماما هاكل طين عشان اتقل بس قوليلو
" تقول لمين " كان هذا صوت والده الذى جاء من الخارج للتو
لتتحدث سارة بتوتر : طب انا هقوم اغير بقا عشان اصلى ثم توجهت بسرعة للداخل ليردف عبدالله هو الاخر بسرعة : وانا كمان هقوم اكلم اى فالتلفون وغادر هو الاخر بسرعة لتردف والدتهم بغيظ منهم : اااه منكم بقا تصدرونى فوش المدفع يا كلاب مااااشى
الاب : فى اى مالكم مش على بعضكم كدا لى
الام : دا موضوع وهيطول شرحه ناكل الاول وابقا اقولك
بعد انتهاء الطعام
عبدالله وهو يغمز لامه : احم احم ماما انا هعمل نفسى رايح لصاحبى وانتى اعملى نفسك بتقولى لبابا هاه
الام : يخيبك يا واد هو انت اتهبلت على كبر اعقل كدا لاحسن والله ما اقوله حاجة
عبدالله : خلاص يا ماما بهزر انا هخش الاوضة عشان لما تقولولى اعمل نفسى مكسوف
عند هذا الحد سقط محمد وهو يمسك معدته من الضحك : قسما بالله سارة اختك مسترجله عنك
الاب بحزم : اقعد يا عبدالله اى قعدة الصغار دى
عبدالله بجدية : ابى فى واحدة زميلة سارة اختى وهى عجبتنى وعاوزك تفاتح والدها فالموضوع واظن يا ابى انا كدا ما غلطش لانى ناوى ادخل البيت من بابه
"" بعيدا عن الرواية خالص احب اقول لكل بنت مخدوعه ومفكرة ان لو حد قالها انه بيحبها انه كدا ممكن يجى يوم ويتزوجها لانه اولا : لو بيحبك بجد عمره ما هيرضى انه يشوه سمعتك او يخللى حد يتكلم عنك بكلمه لمجرد انه " بيحبك "
ثانيا : لو حب يتزوج واحدة اكيد عمره ما هيختار وحدة زيك واحدة مشيت معاه لانها زى ما مشيت معاه مشيت مع غيره يوم ما يختار هيختار واحدة تكون " فى حضوره انثى وفى غيابه رجل " واسباب تانية كتير .... ونرجع بقا لروايتنا عشان صدعتكم ""
أنت تقرأ
المجانين العشاق
Humorفتاة ملتزمة ولكن مجنونة فى نفس الوقت عفوية ومرحة جدا لابعد الحدود وليس هى المجنونة وحدها فأصدقائها السبعة بنفس جنونها فهم تركيبة غريبة لا يستطيع فك شفرة جنونهم الا من انضم لمجموعتهم والتى كما يسمونها((مجانين والرزق على الله)) اما هو فكان يهتم بها ج...
