المجانين العشاق

بارت ٢

احم احم تس تس🎤🎤 الله الله
ازيكم يا جماعة عاملين ايه اتمنى تكون اول رواية ليا عجبتكم ودمها خفيف كدا ورويحه عليكم ووعد منى لو جابت فوت كتير وكومنتات هنزل رواية ضرب نار   انا مجهزاها من بدرى اسمها شبح فى عرين الشيطان ولو عاوزين هنزل اقتباس منها وهى نوعها اكشن و اثارة وغموض والاهم من دا كله كومديية للركب انا اصلا طبعى كومدى وماشيه على مبدأ خليك فرفوش تعيش نعنوش😂
فركزوا معايا كدا لان الان موعد الجنوووون

الشخص وهو يزفر بغضب محاولا التغلب على غضبه: انا علاء مهند البنا  ودى تبقا مراتى
اللى الك*لب دا تطاول عليها فوسط الجامعة وحضرتك مقدرتش تقف فوشه عشان سلطة ابوه
اميرة بصدمه وهى تمسك ميار مسكة حرامى الشباشب :بقا انتى متجوزة ابت وانتى يا مفعوصة لسة فأولى كلية
ميار وهى تحاول التخلص من يدها :والله ياباشا ما حصل داحنا لسه كاتبين الكتاب اول امبارح مش كدا ياض يا علّه
علاء بتقزز من ذلك الدلع :علّه خادتك يا بعيدة قدامى يا بت لاحسن بالله العظيم  اشرحك نهو
العميد :لو خلصتو تفاهه احب اعتذر عن المشكلة اللى حصلت بغض النظر عن الواد اللى هيدخل العناية لكن هو يستاهل اتفضلو عشان المحاضرة الاولى فاضل ربع ساعة وتبدأ
اميرة بصوت واطى : ياخى افتكرلنا صلاة النبى بدل ما تجيب سيرة المحاضرة ونلاقى سالم كرمبو داخل علينا
العميد :بتقولى حاجه يا آنسة نوران
نوران:هاا لا ابدأ بقول احنا لازم نمشى عشان الدكتور العظيم المبجل سالم كر.. احم الدكتور سالم هيدخل واحنا لسه بره
علاء وهو ينظر لذلك الثلاثى الغريب: بشكركم على وقفتكم جنب ميار حقيقى مش هنسا الجميل دا
سارة ببسمة متكلفة:العفو
اومأت نوران له بمعنى لا شكر على واجب 
ابتسمت اميرة بانشكاح :لا شكر على واجب وأى خناقة ابقو بلغونى قبلها بربع ساعة كدا اكون راجعت وصلة الردح بتاعتى
غادرت الفتيات للمدرج وجدوا الدكتور ما زال على باب لمدرج ولم يدخل بعد
الدكتور  بسماجته:كنتى فين يا دكتورة، كنتى فين يا دكتورة منك ليها يا دكتورة ساعة يا دكتورة على ما توصلو حضراتكم يا دكتورة منك ليها يا دكتورة
قلبت سارة عينها بملل من اسطوانة كل مرة واردفت نوران بضحك : اذكر كم دكتورة فى الجملة 😂
نوران محاوله ان لا تضحك حتى لا تفسد الصورة التى اخذها زملائها عنها وهى انها والعياذ بالله  (هادئة) : عفوا يا دكتور على التأخير اصل كان فيه مشكله صغنونه كدا وكنا عند العميد بنحلها
الدكتور باستخفاف : هه ومن امتى ان شاء الله وانتو بتحلو مشاكل
سارة وقد تخلت عن صمتها اخيرا وتكلمت :حضرتك يا دكتور لو مش مصدقنا تقدر تسأل بنفسك العميد احنا مش مضطرين اننا نكدب على حضرتك
العميد بحرج محاولا تعديل الموقف : طب اتفضلى يا دكتورة وما تتأخروش تانى
دلفت الفتيات للمدرج وشرع الدكتور فى شرح المحاضرة
بعد انتهاء المحاضرة
نوران : ياااه اخيرا خلصنا المحاضرة كانت طويلة
سارة : او يمكن عشان حسنات بدأتلنا اليوم بخناقة
اميرة (حسنات) : الله الله جرا ايه يا برعى هنسيحو لبعض ولا ايه ما نمشيها كدا بالحب ونبقو حلوين مع بعضشينا
سارة( برعى) : بقولك ايه يا حسنات الكلب وانتى وجعفر الحمار من هنا ورايح مش عاوزين مشاكل
نوران :الله الله وليه الغلط بس ابرعى هى جعفر اتكلمت
سارة : جعفر جعففرر متنفرزنيش (متنرفزنيش)
نوران وهى تشيح بيدها :يا برعى الكلب اتنيل جتك نيله فحلاوة عيونك السود
سارة وهى ترمش بدلع مصطنع :عارفة يا حياتشى ان عيونى السود حلوين
اميرة وهى تصفق :الللعبى يا ام ناجى على ما اروح واجى
سارة :فزى يا سرسجية انتى وهى نصلى فالمسجد قبل ما عم حسن يقفله
ثم توجهن لاداء صلاة الظهر قبل المحاضرة الثانية
بعد مدة
كانت الفتيات يتوجهن لمقعدهن بالمدرج حتى وجدوا فتاتان يريدان الجلوس مكانهم
سارة برفعة حاجب : لاء سورى دا اللى هو ازاى يعنى 🤨
الفتاة ١ بوقاحة: وهى ايه اللى ازاى بينش وعجبنا وجينا نقعد فيه عندك اعتراض يا اللى لابسة شوال انتى
شهقت سارة بفزع وهى تنظر لردائها الذى  ترتديه وهو ما يسمى (ملحفة) وكأن الفتاة سخرت من احد ابويها : انتى بتقولى على ده شوال ياللى معندكيش دم ايوه ما هو اللى ذيك مايعرفش يعنى ستر ولا عفة ثم نظرت لاميرة التى تنظر لهاتفها وتحفظ شيئ ما بدقه :بت احسنات
اميرة: لحظة أخر كوبليه ثم اخذت تردد وهى تحفظ ما فى الهاتف وبعد ثوانٍ رفعت رأسها وهى تنظر لسارة بتحمس :انا جاهزه ابرعى ثم اردفت وهى تنظر للفتاة  :ايوه ماهو اللى ذيك مايعرفش دا حتى اسمه ايه انتى اخرك يابت تحطى مانكير بإيدك اليمين يا ماما وجاية تقولى مش عارفه ايه حتى بصى لسحنتك يا حبيبتى اللى شبه ورشه النقاشه اللى صاحبها ادها وش محارة وساب السقف على الطوب الاحمر ولا صوتك اللى عامل شبه العرسه اللى محشورة بين طوبتين وبتصوت على حد ينجدها
نظرت الفتاة الاخرى لها ثم اردفت بردح وكأنها تحولت : لا بصى يا حبيبتى اوعى تكونى فكرانى من البنات السيكى ميكى لا يا عمرى دانا ادفنك هنا واتاوكى ولا حد يعرفلك طريق جرة
نوران :لا بقا لا بقا اسكوز مى بقا احنا قاعدين هنا من اول السنه يا انسه والمدرج كله عارف ان دا مكانا فلاحسن لكم تمشو من غير شوشرة عشان المدرج كله بدأ يبص عليكم ومنظركم بقا سورى يعنى Very local اويييى يا فاشونيستا انتى وهى
نظرت الفتيات لهم بغل وتركتهم ورحلت
سارة وهى تمسح وجهها بملل : هو مش انا قولت ان مدام حسنات الكلب استفتحت اليوم  هيبقا نهارنا فل
بدأت المحاضرة بسلام وبعد مدة ساعتان ونصف كانت الفتيات يجمعن كتبهن حتى تعود كل منهن لبيتها
سارة بعد ان عادت للمنزل
سارة وهى تدخل بصخبها المعتاد : ماااماااا انتو ياللى فالبيت انتو يا بششششر
الام بصوت منخفض وعصبية : فيه ايه يا بيئة عندنا ضيوف
سارة بصدمة  :وتسبينى كدا ادخل زى البقرة مش كنتى تظمرى طب ادخل اسلم ازاى انا دلوقتى والبعدين مين بيفتكرنا عشان يزورنا
الام :اششش بطلى بقا يا رغاية دا ......
سارة بصدمة : ميين ؟ .......    يتبع

ياترى دا مين ..؟ 🤨
وسارة انصدمت ليه ؟🤨
والشاب اللى علاء ضربه هيعمل ايه ؟🤨
كل دا هنعرفه بعدين وفوت حلو زيكم يا قمرات عشان اللى فات حمادة واللى جاى جمادة تانى خالص😂
                              🌷 دمتم فى حفظ المولى 🌷

SARA ADEL