ليتڪ لم تراني
#الكاتبة_doda
ضاعَن دَرابين العُمر
وماندري نمشي بيا درُب
چا ليشّ مِن دون الخَلگ
عِشنا ويا أهالينا غُرب...
_____________________________________
كان يمكان في إحدى الزمان و في إحدى المناطق....
_جان بيتنه عباره عن بيت كلش جبير جبير بشكل شكد ماتتخيلون عبالك قصر وكل الناس اللي تشوفه تحلم بي إما بالنسبه إلي فهو سجن أني ولدت بهذا البيت بس ماكدرت أعيش حياة بي مثل باقي الناس لأن أني ماحسيت نفسي بنت هذا البيت ولا حفيدت جدي وبيبي...
_محد من البيت حبني حتى أمي اللي جابتني ذبتني وما أهتمت بيه، أني جنت ضعيفه كلش لدرجه الكل تضربني و الكل تهيني و تأذيني لأن ماعندي اللي يحميني ويدافعلي لذالك كلش أتمنيت من أني و صغيرة أصير مثل هذا العصفور اللي يطير بالسماء وأطير مثله لمكان محد يدري بي،كمت أتمنى اصيرلي معجزه و اطلع من هذا البيت و جنت من اصلي ادعي بكل صلاة الله يساعدني لأن رب العالمين ما ينسه أحد معقوله راح ينساني جان عندي إيمان كلش قوي انو راح يجي يوم واطلع من هذا البيت...
_فمثل كل يوم كعدت الصبح مصححه قبل الكل بدلت لبست بشت و ذبيت الشال ع راسي شلون مجان لان اني مجبوره البسه بسببهم يعني متحجبت عن قناعة فنزلت و طلعت من غرفتي بعدها الدنيا فجر ولسه ما أذن قررت اطلع مثل كل مره محد يدري اطلع للبستان اشم هواء و ارجع طلعت فتحت الباب ع كيفي و بلشت امشي و امشي، وصلت للبستان كعدت ع شجره مكطوعه مخليها بالكاع غمضت عيوني وبديت اشم الهواء...
_لو تدرون شكد الهوى هنا نقي وكلش ارتاح، ظليت فتره وبعدها حسيت الشمس بدت تطلع عزه بدت الشمس تطلع وراح يأذن بعد شوي و يكعدون للصلاة لازم ارجع بسرعه واني كاعده ارجع شفت شباب اثنين كدامي متقدمين ناحيتي نزلت راسي ومشيت فجأة واحد صاح
...ياحلو شعندك طالع من الفجر اهلك ميخافون عليك تطلع وحدك
درت وجهي عليه باوعت عليه مخنزره وظليت احجي ويه نفسي و أطمن نفسي ماكو شي عفته ومشيت سريع و بدوا يمشون وراي و يحجون كلام تنرفزت منه درت وجهي عليه فجاء وعطت
رقيه:انتو شكد متستحون يعني الواحد صار ميطلع من وره حظرت جنابكم
اباوع داير مدايري يصوصي المكان ماكو احد بس اني و وياهم تقدم واحد منهم عليه واني ارجع ليورا جنت كلش خايفه وارجف كلت هاي هيه هنا راح يكتلوني لو يعتدون عليه لو يخطفوني محد يدري بيه فجاء عيني صارت ع كاع بيها تراب دنكت بسرعه أخذت بجف ايدي ذبيت ع عيونه و طكيتها بركضه
صارو يركضون ورايه ويعيطون عليه علمود اوكف واني ابد ماوكفت ما اعرف اني وين داروح المهم بس ردت اخلص منهم شفت شارع عام كدامي ركضتله حيل واني اثناء ركضتي التفتت عليهم ماحسيت اله سياره شخطت كدامي و ضربتني و وكعت بالكاع وبعدها ماحسيت على شي الا بعد فتره بديت افتح عيوني واحس شي يمشي بيه فتحت عيوني كوه شفت أني بسيارة كعدت على حيلي دستوعب اللي صار وجسمي احسه متكسر وراسي يأذيني ودايخه بعدها انتبهت ولد كاعد يسوق استوعبت...
أنت تقرأ
ليتڪ لم تراني
General Fictionفتاة اجبرت على الزواج لغرض مصالح ياترى ماذا سوف يحدث عندما يكون الزوج هو الحب الذي قد ابتداء منذو الصغر... #الكاتبة_نور النعيمي
