ليتڪ لن تراني
#الكاتبة:Doda
وعانقتُ كلَّ الحائرين..مواسيًا
وقلبي هُنا بين الحنايا..مُمزقُ!
* *****************************************************
رقيه:شفته نايم تقربت عليه صحت بي هيييي متت، ماردلي استغليت الفرصه مافكرت بأي شي شفت المفتاح طالع شويه من جيب البنطرون اخذته ورحت فتحت الباب واني اتلفت كل شويه عليه خاف يكعد واسمعه يون و ماادري شنو يحجي انفتح الباب ابتسمت مكيفه راح اتحرر طلعت اركض واني افكر راح اروح الاهلي فجأة اذكرت شلون اهلي حاولوا يكتلوني يعني هسه اني اذا رحت راح يرجعون يكتلوني و مايرف الهم جفن شسوي هسه اخذت افكر بعدها التفتت على مصدر الطريق اللي يرجعني فكرت ارجع يمه على اقل هو انقذني منهم وما اذاني ما ادري شنو الدافع اللي خلاني ارجع رجعت للبيت ركض طبيت شفته العرك يصب منه و دينزف كعدت يمه بالكاع لزمته من جتفه دغيته انت تسمعني كوم بس رد عليه كلمه كوة فتح عينه وحجه
_ااااخ، ج..جيبي اي شي وكفي النزيف بي
_ما تموت مو ماتموت هااا، ماادري شبيه هيج حجيت منظر الدم خلاني افقد خفت كلش
_ما موت اذا استعجلتي
_هزيت راسي، وكمت ادور على قطعه قماش ماكو دورت بالجرارات ماكو بالحمام ماكو فكرت ماكو غير شالي نزعته و رحت كعدت يمه وحطيته على مكان الجرح
_ضغطي عليه حيل
_لازم نطلب مساعده دتنزف حيل
_ليش خايفه مو انتي ترديني اموت
_لا الله عليك لاتموت تهسرت ماادري شنو جاني بس فكرت هو املي الوحيد انو اعيش مؤقت لما يلكوني اهلي مااعرف يمكن صرت انانيه هنا وفكرت بس بنفسي وشلون اطلع بس مابيدي حل، ظليت ادور ع تليفونه بجيبه اخذته حاولت افتحه ماكو مايشتغل اخر شي ركعته بالكاع لان زاد خوفي بسبب لان منا هو دينزف هواي و منا دشوف يتوجع و مابيدي شي باوعت على ايدي كلها دمه نزلت دموعي ظليت ابجي واشهك بسببي صار هل شي كله مني صرت مثلهم مجرمه ظليت صافنه على ايدي و ابجي قاطعني صوته يحجي كوة
_بويه
_تقربت يمه، هااا...
_شبيج؟
_نزلن دموعي اكثر وحجيت، اسفه والله اسفه لا تموت حباب
_هششش....اذا تردين...ما اااااموت لا...زم اطلع....الطلقه....لان اذا ظلت...اموت من النزيف
_شنو اسوي كولي
_دوريلي على سجينه
_هزيت راسي وكمت ادور بالمطبخ على سجينه لكيتها بالمجر اخذتها ورجعتله.... هاي سجينه
_روحي حطيها على نار خليها اصير حاره فدور وجيبيها
_رحت دورت على شي اشعل الطباخ لكيت جداحه بالملحق طلعتها وشغلت الطباخ وحطيت السجينه عليها اباوع على السجينه و اباوع عليه حمت طفيت الطباخ ورحت يمه...هاي حميتها
أنت تقرأ
ليتڪ لم تراني
General Fictionفتاة اجبرت على الزواج لغرض مصالح ياترى ماذا سوف يحدث عندما يكون الزوج هو الحب الذي قد ابتداء منذو الصغر... #الكاتبة_نور النعيمي
