تـراتـيل الـمـوت
الكاتبة: رحـاب صـدام
(بسم الله الرحمن الرحيم)
لاتنسون التصويت +التعليق بين الفقرات 🤎
مشاهدة ممتعة عويناتي🌸🫶
_________________________________________
نار:- اخذت نفس ودخلت ع محل
- السلام عليكم
-: وعليكم السلام يمه
-: وعليكم السلام عمري
- ابتسمتلهن وباوعت علمحل مابي عاملات بس المرا والأبنية والمحل كلش حلو اجت الابنية شايلة الصدرية مالت المطبخ حچت ونفس الأبتسامة مرسومة على وجها
-: تفضلي عمري لبسيها علمود ما تتوصخ ملابسج
- ابتسمتلها واخذتها من ايدها صفنت بوجها كلشش حلوه وضحكتها تاخذ العقل فزيت من صفنتي على صوتها
-: شنو اسمج انتِ؟
- اسمي نار
-: عاشت الأسأمي كلشش حلو اسمج ولايگلج
نار :- ابتسمت وحچيت
وانتِ شنو اسمج؟
-: اسمي زهراء.
نار:- عاشت الأسامي بوية اسمج حلو وانتِ حلوه
زهراء:- عمريي
- ابتسمتلها وبدينه نشتغل سوة شوية وحچت هيه
زهراء:- طبعاً اليوم مخبوصين كلشش 6 طلبات يردون منه واني خلصت ثلاثة وبعد ثلاثة والطلبات لازم المغرب يكملن واحس ما نلحگ
نار:- عجل ستعجلي نلحك مبلا نسويهن سوة اني راح اسويهن وانتِ حضري التزيين مال الكيك علمود نزينهن سوة خوش؟؟
زهراء :- تمام
- دلتني على مواد الكيك وعلمتني شلون يردونهن واني بديت اشتغل بيهن واسوي عسريع لان من صدك ما نلحك خبطت المواد وحطيتهن بالفرن اخذت نفس وغسلت
زهراء:- الله يساعدج خلصتيهن؟
نار:- ويساعدج ايي هستوني خلصت اكلج شسمو ام المحل شناديها؟؟
زهراء:- هههههه بكيفج حبيبي خاله عمه باليعجبج اني اناديها خالة
نار:- تمام
رحت شفت الكيكات بعد ما مستويات اجيت ساعدتها شوي ولملمنه الغراض سوة متت تعب استون الكيكات وطلعتهن من الفرن خليتهن على صفحة يبردن باوعت ع ساعة ب 6:00. حچت زهراء
زهراء:- عزااا ولج ما نلحك والله ساعة نوب يردونهن
نار:- اهديي شجاج هسة عسريع نخلصهن. اني ازين وحده وانتِ وحده
