تـراتـيـل الـمـوت
الكاتبة: رحـاب صـدام
(بسم الله الرحمن الرحيم)
لاتنسون التصويت + التعليق بين الفقرات
مشاهدة ممتعة حبيباتي 🎀💗
________________________________________
نار"
رجعت على بيت واني ميته تعب فتحت الباب وخلت
علگت الاضوية وطبيت ع غرفة شمرت نفسي ع چرباية ونمت على وجهي من التعب
كعدت بعد وقت طويل ميته جووع گمت من مكاني رحت ع مطبخ فتحت الثلاجة باوعت بيها لگيت جبن
سويت لفة جبن وحميت الچاي وكعدت أكل
خلصت وگمت غسلت المواعين وغسلت ورجعت ع غرفة أذن فجر وانصدمت
باوعت ع ساعة چانت بـَ 5:00 الفجر تفاجأة هايي شگد نايمه
رحت ع حمام تمسحت وأجيت صليت وقريت قرأن
وتمددت بمكاني ماجاني نوم غمضت عيوني وتذكرت زهراء عازمتني باچر واني مالي واهس بس استحيت اردها واني ماعندي شي البسو ضليت افكر شلبس يعني مايصير البس من ملابسي العاديات لازم شي حلو
لان ناس غربه واول مره اروحلهم .. يله خليها على باچر والله كريم توني غمضت عيوني وتذكرت عندي فستان احمر منزمان هديه من بيبيتي گمت بسرعه فتحت الكنتور وگمت ادورلو ماكو گلبت الكنتور علي وماكو اخير شي لگيتو بالجنطه اخذتو وابتسمت بانتصار ووگفت گدام المرايه اقيسو وادحگ لنفسي
چان الفستان حلو وبسييط احمر وصوف ومخصر ع جسم تنهدت وضميتو ورجعت لمكاني وطردت الافكار من بالي ونمت ..
گعدت الصبح على حلم حلو مومثل يوميه افز مرعوبه هالمره تفاجأت اول مره احلم حلم حلو ..
گمت غسلت ورجعت دحگت ع الساعه 10 رحت فرشت السجاده وصليت وگمت ماشتهيت اكل شي طلعت ع الحديقه شفت الشجرات ورحت اخذت الصونده وصرت ارش بيهن ورشيت الحشيش وتذكرت عندي وردات اقلام صعدت ركض جبتهن وحرت شلون ازرعهن
كفيت بجامتي ورحت جبت شي احفر بي وزرعت الاقلام ورشيتهن ماي كملت ودحگت على ملابسي كلهن وحل تأفأفت ودخلت اخذت ملابس وطبيت سبحت وطلعت نشفت شعري ما مشطتو وگعدت عند الصوبه تدفيت شويه ورفعت راسي شفت الساعه عبرت الـ 11
وجوعانه گمت سويت اچل وتغديت وغسلت المواعين واذن وصليت واختصرها لبين ماخلصت شغلي ورأساً نمت
فزيت على صوت التلفون شفت زهراء متصله بيه 4 مكالمات فتحت الخط بسرعه عبالي صاير شي
بس تطمنت من اجاني صوتها يلعلع
