تـراتـيـل الـمـوت
الكاتبة: رحـاب صـدام
(بسم الله الرحمن الرحيم)
لاتنسون التصويت+ التعليق بين الفقرات
مشاهدة ممتعة فراشاتي 🦋
________________________________________
نار
كعدنه الصبح وتريگنه والبنات عدهن دوامات وراحن بقينه بس اني ومرام
مرام:- عزااا ولج نار راح نتأخر وشيخلصنه من محاسن
نار:- ايي ايي خلصت
تعطرت ولبست الطاگيه وشلت المفاتيح وطلعنه أجرنه تكسي وطول الطريق ساكتات
وصلنه يم المطعم نزلنا من السيارة ومرام رادت تدفع ما خليتها دفعت الكروة ودخلنه ع مطعم
مرام:- الحمدلله ما انتبه چان ترزلنه من الصبح
نار:- شدعوة عيني ترا بعد للدوام 5 دقايق يعني اذا اجه هوه متأخر اني ارزلو
مرام:- يُمةة ههههههههههههه ولج غيير مطعمه هذا يريد يتأخر يريد يجي من وكت بكيفه
نار:- دخوووش
بدينه نشتغل متنه تعب واني گلبي صار يوجعني خلصنه الشغل وطلعنه
مرام:- اخخ تعبت كلش
نار:- حتى اني وگلبي گام يوجعني
مرام:- اسم الله عمري روحي ع بيت لعد اذا تعبتي
نار:- لا راح يبدي شغلي الثاني اروح ع شغل وبعدين ع بيت
مرام:- اووف سودة علي ديري بالج على نفسج ولاتتعبين نفسج بالشغل
نار:- صار وانتِ همينه
مرام:- صار
نار:- ودعتها وأجرت تكسي ورحت ع محل باوعت ع ساعه 3:30 يعني مبقى شي ويبدي الشغل وصلت يم المحل نزلت من السيارة وانطيتو الفلوس ودخلت ع محل صار باهر جدامي
صرت اروح يمين يصير جدامي اروح يسار يصير جدامي حجيت بصوت شبه عالي
نار:- باهر اذا ما توخر عن طريقي الم عليك امة محمد كلها
باهر:- اسمعيني اول وبعدين شتردين تسوين سوي
نار:- شتريد؟ وخري ماريدد احجيي ويااك
باهر:- ناار اخر مره اوكف بطريقج بس اريد أحجي وياج كلمتين ماسويلج شي والله
نار:- سكتت ودحكت علي اريد اعرف لوين يريد يوصل بحركاتو هاي. هزيت راسي وطلعنه كعدنه برا
نار:- احجي شتريد؟
باهر:- احم شوفي نار اعرفج زعلانه مني او نگول كارهتني بسبب تصرفاتي وياج
