تـراتـيـل الـمـوت
الكاتبة:- رحـاب صـدام
(بسم الله الرحمن الرحيم)
لاتنسون التصويت+ التعليق بين الفقرات
مشاهدة ممتعة 🫀
_________________________________________
نار
تعشينه وخلصنه وتونست حيل ويَ البنات كلش حبابات وصار وكت ارجع للبيت
ام زهراء:- وين تردن ياخاله بعد وكت ترى
نار:- لا خاله والله عندي شغل ولازم اروح
ام زهراء:- براحتچن خاله الله وياچن عود تعالن مره ثانيه تره ما لحگت اگعد وياچن
ودعناهن ومشينه اني وزينه فتحت باب الحوش ورفعت عيوني واني اشوفو گدامي رجف گلبي وصفنت وبلعت ريگي وهوه بقه واگف ويدحگلي كأن ممصدگ
سحبت زينه وردت امشي سحبني من زندي ورجعني
الابتر:- نار؟!!
دفعت ايدو وصحت ب زينه ومشيت سريع واني اسحبها وياي احس ماعندي جرأه اواجهو بس استوقفني صوتو ورجع سحبني اقوى ردت اگع
الابتر:- شجابچ نار؟!!
نار:- عوفني اريد اروح
الابتر:- بس فهميني وين چنتي ليش چنتي رافضه شوفتي؟
نار:- وخر عني مو شغلك بكيفي ماچنت اريد اشوف احد .. امشي نروح زينه
الابتر:- ماكو روحه بدون ما تجاوبين على اسئلتي .. زينه روحي هسه تجيچ بس احچي وياها
نار:- لااا لاتروحين وخررر عني شبيك ماريد احچي وياك
الابتر:- ناار تره عصبتيني بس احچي وياچ تره من حقي اعرررف سبب اعتراضچ تشوفيني
سكتت وتنهدت واشرت لـ زينه وراحت ودفعت ايدو عني وحچيت
نار:- احچي اسمعك
باوعلي بخزره وسحبني قوي ضاغط على ايدي فتح باب السياره وشمرني وسد الباب قوي
دگيت الباب وهوه ولا كانما احد يحچي وياه صعد وشغل السياره واني اصيح عليه
نار:- رجعععني ويين مااخذني .. اابتر شبيك نزلنيي هنااا .. الووو مو داااحچي ويااااك
ضرب الستيرن قوي وشخط السياره ووگفها بمكان فارغ حتى بيوت مابي وضوه خفيف
اندار عليه ومعصب حچه بصوت عالي
الابتر:- تررره ضووجتيني نااار شبييچ ماراح اخطفچ گتلچ احچي ويااچ وارجعچ
نار:- منوو سمحلك تاخذني غصب عني
الابتر:- اني سمحت لنفسي خووش .. وهسه ست نيران احچيلي ليش رافضه تحچين وياي ؟
