✨A THOUSAND YEARS AWAY FROM MY BEAUTIFUL SUNSHINE✨

🧡A bonus 🧡

🍂 A thousand years away from my beautiful sunshine. 🍂
🍂 تمنيت لو كنت أنتَ مسلما لي .. أو انا يهودية لكَ. 🍂
_ بَـيْـنَـنَـا مِـتْـرٌ وَ ألْـفُ سَـنَـة. _
🍁🍁🍁

ميلات راسها لجيهتو ... دوزات ضهر يديها على خدودها و مسحات دموعها ... كتشوف فيه ، فملامحو ... حجبان غلاض كحلين و كثار ... عينيه نايمين بؤبؤهم نواغ غامق و ضايرين بيهم شفار قويين ... كتشوف لنيفو لي كان بعيد على المثالية ... لحيتو الخفيفة و الضربة الصغيرة لي جنب شفتو الفوقانية لي ماقادراش حتى تسولو شنو السبب ديالها .. ايمتا تجرح و واش عندو شي جرحة أخرى من غيرها ؟

بشوية طلعات عينيها لشعرو حتى هو كحل و خصلاتو قويين ... ديما نازل على جبهتو و متداخل مع حجبانو ...
نزلات عينيها لدراعو كتشوف فيهم ... بشرتو كانت بيضة مخلية الشعر لي فيديه يبان قوي .. و كتخليها تعرفو واش معصب غير من عنقو الى ولا حمر و حتى ضهر يديه الى تنفخو العروق لي فيهم و ولاو حمرين ...

الطريقة باش كيرمش عينيه بالزربة بعض المرات ... و كيفاش كيحرك سبابتو و إبهامو مع بعضياتهم بلاما يحس و هو ساهي ... تفاحة آدم فحلقو كيفاش كتحرك .. كيفاش كيدوز صبعو تحت نيفو ... و كيفاش ملي كيبغي يبتسم عينيه كيبتسمو قبل من شفايفو كل مرة ... صوتو الباح ... هادئ و كالم و فنفس الوقت فيه قوة كبيرة ... كتبقا تسمعو واخا مايكونش معاها ... ريحتو القوية لي كانت كتحسسها بالأمان قبلما تقرب كثر و تعرف شكون هو بصح ... قبلما تعرف أنه مستحيل ... حيت من بعد ريحتو ولات كتخلعها .. كتخنقها ...

تفاصيلو لي ماخاصهاش تكون حافضاهم ... تفاصيل ماشي بيرفيكت كيخليوه يبان مثالي فعينيها ... التفاصيل لي كانو كيعجبوها و كيجذبوها ليه ولاو كيعذبوها ... حيت كيصعبو عليها تتجاوزو و تنساه ...

موسى : (باقي بنفس وضعيتو كيشوف فالأفق قدامو نطق خلاها تقفز )  الى بصح باغاني نساك ... نكون عمى و ندير بلي ما وقع والو بيناتنا ... ماتشوفيش فيا هاكاك ... ( شاف فيها ) عينيك راه قبح من ديك كنبغيك لي خرجات من فمك ...