شموخ"ترمس ب التلفون": عفرو تعالي نخيتج لا تخليني اسير السطبل روحي
عفاري"ترد عليها بنفعال": لاء لاء ما جفتي شو صار اخر مره و تبين تسيرين بعد
شموخ "تتنهد": بتودرين الاسطبل والي تحبينهم عسبت واحد مفلوع ؟خلج عاد لو صار شي ما بهده بفلعه بنعال عويهه
عفاري :لو رد صار شي اليوم انسي سالفة السطبل وياي إلا لو غيرتي وسرنا سطبل ثاني
شموخ"مستانسه و تناقز": فديتج فديتج امموووحح ياعلني ما خلى منج عيوني
عفاري"ميته ضحك": طلعتي مصلحجيه هاا ههههه
شموخ"تستهبل": عيل لوهب لمصلحتي جان سرت روحي ههههههههه
شو السالفه الي يرمسوون عنها و منو يقصدون ب المفلوع وليش عفاري منفعله
-
يوم عادي مثل اي يوم عفاري و شموخ ساييرين السطبل يسولفون ويضحكون
حمد: اعرف ه الاشكال الي اييون السطبل و يضحكون و يسولفون عراحتهم
ذياب"يرمسه وهو عينه على تلفونه ما رفع راسه": لو سوييت شي لا تلوم الا روحك انا ياي الاسطبل وياك غصب ولا اطيقك
حمد"يضحك بستهزاء": انت جفت الي اجوفه عشان تحكم
ذياب رفع راسه و عينه يت على شموخ على طول
ذياب عصب لانه يعرف حمد ولد عمه كيف يفكر و كيف انه حركاته ماصخه
حمد سوا ل ذياب طاف وسار يمشي عساس هيبه و مصدق روحه
حمد: اقول لج ام كاب حطي سنابج بسرعه "يبتسم جنه مسوي شي يفتخرون فيه العالم"يلا يلا ماشي وقت
جان يفر تلفونه على ويه عفاري
عفاري"صرخت": تستهبل ولا صخام انته شو ما تستحي على ويهك ؟
حمد: لا تسولفيين وايد كلنا نعرف ليش الي شراتج اييون السطبلات
عفاري كانت لابسه كاب اسود و منه خاشه شعرها لانه تتحجب و لابسه هاي نك عشان رقبتها ما تضهر ولابسه لبس
ينفع تلبسه لخيول و بنفس الوقت ساتر وياه بووت طويل اسود
عفاري "معصبه ": انا مب شرات تربيتك يايه هني عسبت الخيول مب الحمير الي شراتك
مكانك ف العزبه مع الهوش مب هني سير حرك لا والله اصورك الحين و ابلغ عليك تحرش
حمد"يصارخ عليها": عبالج ميت على ويهج جنه ركب ذياب مسويه عصبيه قولي ما تبين ما تيين ترمسيين عن تربيتي
تربيتي هاي تتمنينها سمعتيي
عفاري "تضحك و ميته ضحك" حمد يطالها بطرف عين يقول بنفسه(انا قلت شي يضحك ؟)
أنت تقرأ
صـوت الـمحب
Любовные романыنسرج بنات الفكر ..والنادرات تعن تمر الاصايل وتتعدى وسباقه وانا من بلاني في غرامه هو اللي من عيوني على بيته لمريت سراقه يافتان طال البعد وانا عليك اون ونين ابدوي طايح من ظهر ناقه تكسر عظم ساقه .. ومالت عليه وحن يمسح عليها .. ويتألم على ساقه
