صـوت الـمحب

8

شموخ "داقه تصيح": الي خفت منه استوى استوى يابنيه

عفاري: شو شو ححد خطبج

شموخ: تصيح هيي بس بس مش مغصوبه عليه

عفاري: منو قولي لي منو ؟؟

شموخ: ولد ربيع ابوي

عفاري: تعرفين شكله جايفتنه

شموخ: لا بس جفت امه و ملامحها مش غريبه جني اعرفها

عفاري: سمي بسم الله استخيري لا تتسرعين و ترفضيين

شموخ: ليش ما ارفض

عفاري: لا تطيرين نصيبج

شموخ: انا مش مستعده تونا تخرجنا من الثنوي ليش ترمسين عن النصيب

عمري طويل ان شاء الله

عفاري: ان شاء الله بس لا تستعييليين استخيري

شموخ"قفلت الخط ما تبي تسمع كلام عفاري"

-

بوذياب: البنيه و رمسنا ابوها ننطر يعطونا موافقت البنيه

ذياب: اذا رفضتني ابوي شو اسوي

بوذياب: ماخلصو بنات الأرض ولدي

ذياب" تنهد" و طلع من البيت يعرف انها فها الوقت تسير البحر اول السطبل

مر المكانين ما حصلها تذكر انها تعبانه من الي صار اكيد ما بتسير عقب السالفه بسبوع عادي تطول

راحت عن باله السالفه

-

شموخ(رزين الريال رزين ما ابي أوافق على ها وانا فكري ف أبو العود ليش افكر فيه أصلا)

دقت ل عفاري لانه عفاري بتفهمها مع انها كانت معصبه منها من شوي

عفاري: الو شو تبين بعد تعصبيين علي

شموخ: سوري سوري ما ابي اتسرع ولا ابي أوافق

عفاري : ليش حد فبالج ولا بتقولين دراس هيالي مب فالحه فيها

شموخ: سكتي فالحه بدراستي عن الخرط

عفاري: مايخصني ب الدراسه جاوبي جاوبي حمسيتيني

شموخ: أبوالعود ... مب راضي يطير من بالي

عفاري: الله يعينج يا بنيه بس أبو العود ما يتفوت رزيين و ريال ونعم

شموخ: ياليت لو اعرف اسمه بس اسمه اخخخ

-

ذياب ( شموخ يا شموخ شو سويتي فيني عمري ما فكرت فبنيه جي حتى منيره ما فكرتها كحرمتي

كانت حب مراهقه و طيش انتي قلبي يميل لج ويصرخ بصوت المحب ليش ما عطيتي ابوي خبر

ليكون ما تعرفيين اني انا الي خاطبنج ؟ ليكون تعرفين بس متعمده تصديني؟ )