انقلب السحر على الساحر 3 (مكتملة )

بارت ١٧

جن جنونها عندما يخدمها دون كلل او ملل لكنها كانت تشعر انها ثقيلة عليه فما اصعب احساس العجز "ربنا يشفي كل مريض"
كان يراها دائما في عالم آخرر.
اقترب منها وضمها وهمس : في ايه بس
اسراء برجاء : عشان خاطري عشان خاطري سيبني يا يوسف
زاد من ضمها وهمس : طيب حتقدري تعيشي من غيري
هزت راسها بقوة وهمست بدموع : انا ما بقدرش اتنفس بدونك
يوسف بعشق : حتخفي يا اسراء حتخفي ان شاء الله
اسراء: مش مستحملة اشوفك عند رجلي توديني الحمام تغيرلي تجبلي الاكل اللي المفروض انا اعمله ليك
همس بحنان: عقلبي زي العسل والله العظيم اشيلك عمري كله وانا طاير من الفرحه عشان خاطري بلاش تفكيرك ده
اسراء : بحبك اوي اوي لدرجة مالهاش حد
يوسف: تعالي اثبتيلي مش مصدقك

تركها نائمة وخرج يبكي بكى بقوة لوجعها لمجرد رؤيتها هكذا وانه السبب بوجعها
الطبيب: مافيش تحسن بس في حل واحد
يوسف بلهفة : ادفع اي مبلغ بس ترجع
الطبيب : في حاجة في حياتها غالية عندها ممكن تخاف عليها كتير اوي
يوسف: مش فاهم انا ليه
الطبيب : اللي حصلها ده من صدمة محتاجين صدمة تانية
يوسف بقلق : اخاف عليها يحصلها مضاعفات
الطبيب: لو حست انك بخطر وهيا في ايديها تنقذك حتقوملك
يوسف بتردد: اعمل
اجلسها على كرسي بالصالة وكان قد جهز كتمثال قطن بملابس كملابسه وظهر كأنه معلق من وسيسقط انتظر قليلا وترك التمثال وما ان شاهدته اسراء حتى تحركت دون وعي وهي تصرخ يوووووووسف
وقبل ان تهبط السلالم سحبها من يدها وضمها وهو يشهق بشدة بسبب بكاءه
اسراء برجف : انت انت كويس فين بيوجعك
يوسف ببكاء: اسراء انتي مشيتي
اسراء بعدم اهتمام  : سيبك مني انت وقعت انا شوفتك وقعت حصلك حاجة طمني انت بخير
هز رأسه وما هو مازال يبكي وهمس : انتي مشيتي يا اسراء
تشبست به بقوة ثم نظرت لتجد التمثال الذي سقط همست بصدمة: ايه ده
يوسف بقلق : حفهمك
اسراء بعدم تصديق: انت بتلعب بيا يا يوسف
ضمها رغما عنها وهمس  : عشان مش مستحمل وجعك ما كانش في حل تاني
اسراء بانهيار وعصبية : وما لقتش غير ده حرام عليك انا حموت من الرعب
يوسف: انا اسف والله اسف اسف بس مش قادر اشوفك كدة
اسراء ببكاء شديد " يوسف اوعدني اوعدني تخلي بالك من نفسك يوسف انا ما اقدرش اعيش من غيرك والله العظيم اموت من غيرك انا السنتين اللي بعدت عنك فيهم كنت بموت كل دقيقة من غيرك الليل كان طويل اوي اوي ما كانش بيعدي كنت بنام عالمهدئات والاكل طعمه مرار من غيرك ما كنتش باكل غير كل كل يوم ما كنتش عايشة من غيرك انا بحبك اوي مش بس انت اللي مجنون بيا وأنا نفسي احطك في قلبي نفسي

كان يستمع لها بوجع شديد لما مرت به من الام ضمته بقوة وهمست وهي تنظر للاعلى " يارب خليهولي بخير دايما يارب انا قبله يارب
يوسف بحنان : اهدي عشاني انا كويس والله كويس
قب.لته بحب شديد بادلها .... وبدأت جولة عشق

وضعت راسها على صدره همس بحنان : نامي انتي تعبانة دلوقتي عشان في رحلة سفر من بلد لبلد
اسراء: تؤ مش عايزة اضيع الوقت بالسفر عايزة افضل كدة في حض.نك حقعد معاك على الرصيف
يوسف: اوعديني يا اسراء تشاركيني وجعك
اسراء : بالمقابل توعدني نفس الوعد
هز رأسه وهمس : تمام ماحدش فينا يخبي حاجة عن التاني
اسراء : انا مش مصدقاك ممكن تسيب الوجع يحرق في قلبك وما تقولش عشان كدة في عقاب للي يخلف وعده
يوسف : وايه العقاب ده
اسراء : الفراق
يوسف وهو يبتلع ريقه : فراق ايه ؟؟ بس جنون
اسراء: ده حيخلي كل واحد فينا غصب عنه يتكلم انا عن نفسي لو حسيت بصداع حقولك وانت ما تخبيش حاجة
يوسف : ما بلاش العقاب ده
اسراء " خايف من ايه ناوي تخبي
هز رأسه بالنفي وهو قلق من هذا الاتفاق
بعد مرور شهرين أجمل ما يكون برفقة بعضهم عادوا بسبب الاشتياق لاولادهم بعد ان اشرق وجههم سويا