အချိန်တွေဟာ တဖြည်းဖြည်းနဲ့ကုန်ဆုံးလာခဲ့သည်။
Orpheusဟာလည်း Athens၌သာ သောင်တင်နေတော့သည်။
နေ့ရက်တွေကုန်ဆုံးလာသည်နှင့်အမျှ Orpheusနှင့် Eurydiceတို့၏ အချစ်ကြိုးကလေးဟာ ခိုင်မာမြဲမြံလျက်ပင်။
အချစ်စစ်တို့မည်သည် မဖြောင့်ဖြူးဟူသည့် စကားပုံအတိုင်း သူတို့၏ အကြောင်းကို Remusမှတစ်ဆင့် Eurydice၏ မိဘများနားသို့ပေါက်ကြားကုန်တော့သည်။
Remusက Eurydiceကို အသေရရ အရှင်ရရလိုချင်နေသူဖြစ်သည်။သူသည် Eurydiceကဲ့သို့ နတ်ဘုရားတမျှ ချောမောလှပလွန်းသူအား အပိုင်လိုချင်သည်။Eurydiceသည် သူ့ကိုပဲချစ်ရမည်။တခြားသူကိုချစ်၍မရ။Eurydiceကို သူ့အပိုင်ဖြစ်သတ်မှတ်ထားပြီးသား။သူ့အပိုင်အဖြစ်သတ်မှတ်ထားပြီးသားပစ္စည်းတစ်ခုအား လာလုယူသူသည် သူ၏မဟာရန်သူတော်ပင်။သူက အတ္တသိပ်ကြီးတယ်။သူအပိုင်ရရင်ရ မရရင် တခြားသူလည်းပိုင်ဆိုင်ခွင့်မရှိအောင်ဖျက်ဆီးပစ်မှာ။
Eurydiceတို့၏ အိမ်တော်၌ စည်းကမ်းကိုနှစ်ဆတင်းကြပ်ပြီး အစောင့်ချထားလေသည်။Remusကလည်း သူ့လူအများအပြားကို စေလွှတ်ပြီး Eurydiceကို စောင့်ကြည့်စေသည်။
မိဘတွေက Eurydiceကို အိပ်ဆောင်ထဲကနေ အပြင်သို့လုံးဝထွက်ခွင့်မပေးတော့။မောင်နှင့်မတွေ့ရသည်မှာ သုံးရက်ခန့်ရှိနေပြီဖြစ်သည်။Remusက မောင့်ကို အင်အားသုံးပြီး အန္တရာယ်ပြုမှာလည်း စိုးရိမ်ရပြန်သည်။Eurydiceသည် မိမိကိုယ်ကိုယ်ထက် Orpheusဒုက္ခရောက်မည်ကိုသာတွေးတော၍ ပူပန်နေမိသည်။သူသည် Orpheusကိုအသက်တမျှချစ်တာကြောင့် ဒဏ်ရာအနာတရမပြောနှင့် ထိခိုက်ပွန်းပဲ့ရာ သေးသေးလေးတောင်မရစေချင်။မိဘတွေကလည်း Remusနှင့်အမြန်ဆုံးထိန်းမြှားရန်စီစဥ်နေကြပြီဖြစ်သည်။ဒီအခြေအနေကြီးမှ အမြန်ဆုံးလွတ်မြောက်ရန်အတွက် ကြိုးစားနေတော့သည်။
စတုတ္ထမြောက်နေ့၌မူ Eurydice Kimရှိရာသို့ စားသောက်ဖွယ်ရာများအားလာရောက်ပို့ဆောင်သောအစေခံမိန်းကလေးမှတစ်ဆင့် Orpheusသည် စာချွန်တော်တစ်ဆောင်အား ပါးလိုက်လေသည်။
ထိုစာထဲ၌ Orpheusကသူ့ကိုမည်မျှ လွမ်းဆွတ်ကြောင်းနှင့် ညဥ့်သန်းခေါင်ယံအချိန်၌ လာရောက်တွေ့ဆုံမည်ဖြစ်ကြောင်းကိုပါ ထည့်သွင်းရေးသားထားလေသည်။Eurydiceမှာ ရင်တထိတ်ထိတ်။မောင်ကလာတွေ့ခဲ့လျှင် သေချာပေါက်Remusရဲ့လူတွေနဲ့ရင်ဆိုင်ရမှာ။မောင့်ကိုအထင်သေးတာမျိုးမဟုတ်ပေမယ့် မောင့်လိုမျိုး အနုပညာသမားက ကြမ်းကြမ်းရမ်းရမ်းလူတွေနဲ့ယှဥ်နိုင်ပါမည်တဲ့လား။မောင်နဲ့တွေ့ရမှာမို့ ပျော်လည်းပျော်သလို ရင်လည်းခုန်သည်။တစ်ဖက်၌လည်း စိုးရိမ်ကြောင့်ကျစိတ်က လွန်ဆွဲနေတော့သည်။
