Anaa e Ishq [COMPLETED]

PART 10 * ignore mistakes * Writer:Wafa Fatima

Zaviyar gate khol kr ghar me dakhil hua
Ghar ki halat wesi hi thi jesi usne nikalne se pehle dekhi thi...taiyar hone k chakkar me pura Ghar bhikra para tha
Bazahir wo use wahan nahi layi thi
Ek Zaviyar hi tha jise abhi bhi yakeen nahi aya tha

"Zumra".....usne use apne room me jatay dekh kr kaha
"Kia musibat h?"....usne palat kr pucha

Nida Ghar ja chuki thi...thakan k maray amma bhi apne kamre me ja chuki thin

"Bako bhi ab!!"....Zumra ne uske chand lamhe kuch na kehne pr chirte hue kaha

"Zaamin k lapata hone me tumhara hath nahi tha na?"...wo uske kareeb aata sanjeedgi se maddham awaz me puch raha tha

Zumra k puray wajood me jese ek current sa dora tha

"Pagal ho gaie ho kia!!mera kia wastaa!!"....usne baghair larkharae chirte lehje me jawab dia...
Zaviyar ne pehle ek gehra sukoon ka sans lia
Wo use ab gusse se ghoor rahi thi

"Am...I'm sorry"...Zaviyar ne chand lamhe baad kaha
Wo use chand seconds ghoorne k baad bagahir kuch kahe apne kadam zameen pr zor se maarti hui apne kamre ki taraf chal di

Ghar a kr bhi Zumra or Zaamin aaj hone wale waqie k bare me soch rhe thay

Usne room me akr bed pr bethte hi sukoon ka sans lia tha

Wese Zaamin ne Sach kue nahi bataya?? ....wo bed pe bethi apne paun hilati apni sochon me gum thi

Agle kuch minto wo isi tarah uske bare me sochti rahi phir usne yakdam apna phone utha kr use call milai

*****************************

"Shukkar h tum a gaie beta aaj ka din to bus jese tese guzar gaya aainda aese mat krna..yaad se batana k jana bhale jitna zaruri kaam hi kue na ho".....Anushay uske room me bethi use samjha rahi thin
"Jii mama don't worry wo bus itna jald.."....uski baat mukammal na ho saki

Side table pr para uska mobile baj raha tha

"Is waqt kon h beta?"...wo use dekh kr puch rahi thin

Usne mobile utha kr dekha

"ZUMRA"...uske chehre se yakdam muskurahat gayab hui thi...pareshani si ayi thi...Anushay ne mehsoos kia

"Kheriyat?kon h Zaamin?"....wo uska chehra dekh k tajassus se puch rhi thin

"Wo.........friend h mama...."

"Wohi jis se tum puri raat lage rehte ho meri call bhi nahi uthaya krte thay??"....wo gusse se puch rahi thin
"Na..nahi puri raat to nahi bus wo usko time is waqt milta h pure din k baad to bus...islie"...Usne volume k button ko press krte kaha

"Mama pure din ki thakan k baad neend nahi arahi??".....usne maddham awaz me pucha
"Han chalo me sone ja rahi hun..koi kaam ho to aajana or doston se mat lg jana tum bhi so jao foran".....wo use hidayat deti hui uske room se chali gaien

"Hello!!"....usne musalsal bajne wale phone ko attend kia
"Itni der se call kr rahi hun...fot to nahi ho gaye?"
"First of all..mind your language!..and second;Mama bethi hui thin...koi call na utaye to sabar rakh lena chahiye yakky bad deegray use call nahi krni chahie!!"
"Ohh acha..."
Wo itna keh kr khamosh ho gai thi..
Wo bhi aage se kuch nahi bola tha
"Kia hua ab??"...Zumra ne use kuch der khamosh rehne pr kaha
"Bus acha??"....usne maddham awaz me kaha
"To?...."..
Wo aage se dobara khamosh hogaya tha

"Ab tum mujh se sorry ka intizar to nahi kr rhe hoge"...usne bare sukoon se kaha
"Mene aapko pehle bhi hazar baar kaha h mujhse "AAP" se baat kia krein..or....banda ghalti kre to sorry bhi krni chahiye....mama aapki waja se mujhe or mere dosto ko baate sunati rehti hain chobees ghante"...
"Acha na volcano kue ban rhe ho..."

Ek baar phir Zumra k suuuuppp ki awaz sun kr usne phone kaano se duur kia tha

"Kia khati rehti hain har waqt...jub baat kro suuppp suuppp yehi laga rakkha hota h aapne!"...wo jese chirte hue keh raha ho
"Are noodles hain mujhe bare pasand hain"..
Wo ajeeb se tasurat k sath khamoshi se uski batein sun raha th
"Aap nahi khate kia??"
"Jii nahi me fazool cheezo se gurhaiz krta hun....."
"Khud na khao to fazool??or wese bhi jo kehta h wo khud hi hota h..."
Uski zuban darazi se use sakht nafrat ho rahi thi....wo uski har baat ka jawab nahi de pa rha tha
"Kahan gaie?"
"Sone ja rha hun bye"....Zaamin ne chand lamhe baad kaha
"Itni jaldi??"
"Madam 2 baj rhe hain itnnniiii jallddiii"....usne aakhri lafzon pr zor dia
"Chalo theek h..."
"CHALEIN!!"...Zaamin ne use samjhate hue kaha
"Han chalein kahan chalna h??"....wo aage se haste hue boli
Usne agle hi lamhe mathay pr hath marte hue call cut krdi..

Zumra ne haste hue apna bowl or mobile side table pr rakkha or chadar apne upar kheenchti hui so gai.

******************************

"Me ja raha hun"....Zaviyar ne subah office jate hue gate pr se awaz lagai thi
"To jao"..Zumra ne use dekhe baghair kaha
Wo gehri sans le kr wahan se chala gaya
"Le bhi aao Nida!!".....wo kitchen me mojood Nida ko awaz laga rhi thi..
"A rahi hun!"

****************

"Jii bilkul or Arif sahab k sath wali meri meeting ko zara postpone kr dein please".....Zaviyar kisi ko phone pr hidayat deta apne office k kamre me ja rha tha....jub uske qadam ruk gaie
"OK Allah Hafiz"....usne call cut krte hue kaha or aage barha

"Pardon"(Excuse me)...usne apne aage khari ek larki se kaha
Wo peeche murhi
"Are aap??"...wo khushi se keh rahi thi
"Aap yahan kia kr rahin hain??"...wo Maheen se puch raha tha
"Me to yahin hoti hun..aap pehle to kabhi nazar nhi aye mujhe..."
"Mene abhi newly join kia h"....Zaviyar ne muskurate hue kaha..."Aap kal to nahi dikhi thin mujhe??"
"Wo wapas aane k baad 2 3 din aaram bhi to zaruri tha na islie aaj ayi hun..."
"Oh acha.."
"Chalein phir welcome aapka yahan"...Maheen ne muskurate hue kaha
"Thank you"...usne bhi haste hue jawab dia
____________________________________

HOPE YOU ENJOYED!!!