عشگ ال مهيوب (مكتمله)

*2*

~~~~~~~~~~~~~~~
السلام عليكم

قصه انتقام العشق الاسود
اتمنى تصويت وتعليق

وأعترِفلك ،
چانَت أكبَر أُمنيّاتي لمَّن أزعَل
تعتنيّني بآسِف ورِدلي ودخيّلك
وإنتَ تدري ،
تدري بأوَل كلمَه أرِدلك
چنِت أقدسَّك
حَتى مِن تجرَحني
أرِد ليّك أشتكيلَك .

نشكرك على دعمك!
مشاهده ممتعه🥰🥰
___________________________________
دخلنه للبيت اول وحده صارت كدامي امي عبرتها ودخلت اخذت ملابس اسبح بقيت جوه المي اذكرت جهازي يمكن مو ع الشحن
نوران: بننننين ولج بنننين
اسمع صوت دبجه قويه يمكن بنين تركض وصلت للباب
بنين: هاا شكو ولج

نوران:عليج النبي شوفي جهازي ع الشحن واذا مو ع الشحن خلي
نوران: ها وينج خب هيووو

بنين:سم حته سم ولج عبالي انكرصتي شو شبيج اي غفران شاحنته

نوران:اي همزين دمشي ولي يلا

بنين:خب امداج مو صوجج

طلعت من الحمام نشفت شعري

غفران: بعد ب12الموبايلات اخذهن كلهن

نوران:اني ابقى اقره مااخلص من وقت مو مثلهن

بنين:اكلج هيه منو الوزاري اني لو انت

نوران:اي انت تقرين يومي اني للامتحانات من انام اخلي يم راسي متعوده عود اكوم اكعود من وقت
حجيتها وكمت للغرفة انام ماكعدت ال من سمعت الاذان يأذن طلعت افرك بعيوني لكيتهم كاعدين كلهم

سجاد:وين جنتي

نوران: يعني تشوفني افرك بعيوني وين جنت اكيد نايمه

سجاد:وشبيج هيج تحجين وياي اعدلي سلوبج

نوران: هسه اني شكلت اوووي

حجيت هيج وأجاني طايره ضربني راشدي
وكفت غفران

غفران:هاي ليش ضربته هيه شكالت ماتتحاجون

سجاد:انت اسكتي انت دللتيهن ماكو غيرج طلع عيونهن

عفتهم ورحت غسلت وأخذت كتبي وكعدت اقره الدروس اجت غفران يمنه كالت يلا خل اشوف الحفظ مالتجن اني انطيت الها وبداءت تسمعني كل شويه وعاطت بيه لان اضيف احرف 😁
كملت مني وراحت حنين وبنين
اخذت جهازي ورحت اتصفح بي ودخلت للبرنامج راسلت بي الولد وشفته مجاوب والبنات الدخلت الهن خاص كولهن مجاوبت عليه رحت حجيت مع كم وحده
وسالتهن عدهن تواصل طلعت كذبه عود بنيه كالت إليه ادخلي للبنات وشوفي هم مراسلت هذا الولد لان نريد نخطب هههههه
كولهن نفس الجواب لافقط متابعه
اخر شي رحت سديت الباب وطفيت الضوء وجاوبت احمد
كاتب مراحبا
نوران: شنو هاي انت من البارحه دزيت وقبل ٣ساعات مجاوبت راح تعبني شكلك
انتضرت الرد ماكو اتصلت ع غسق اختي الجبيره
نوران:هلو شونج مشتاقين البنات بأجر يجن انت يمته تجين