البارت السابع
مشاهده ممتعه
___________
للشاعرالفرزدق:
أَبى الحُزنُ أَن أَنسى مَصائِبَ
أَوجَعَت صَميمَ فُؤادٍ كانَ غَيرَ
مَهينِ وَما أَنا إِلّا مِثلُ قَومٍ
تَتابَعوا عَلى قَدَرٍ مِن حادِثاتِ
مَنونِ وَلَو كانَتِ الأَحداثُ
يَدفَعُها اِمرُؤٌ بِعِزٍّ لَما نالَت
يَدي وَعَريني
______________________________
نوران: اخوي بعده مجاي ومااعرف وين هوه
هجم واحد عليه من ذولي الولد الوياهم
"": شوفي انت امشي ويانه يسلمون اخوج ترجعين انت
اخذوني سحل وياهم
نوران: ولك عوفني جاي تتهجم ع بنات صغار هي هاي المراجل عوفني
««:: اششش ممنوع اسمع حرف منج فهمتي لولا
دخلني بالسياره وسد الباب
نوران: ولك انت وين ماخذني رجعني
التفتت بالشارع شفت غفران من بعيد تمشي رجعت اعيط بعلو صوتي
««: شوفي بس ترفعين صوتج اطشر راسج فهمتي لولا
نوران: انت شبيك جبان
«:: اخر تحذير والله
سكتت لان كلش خفت وصلنه للبيت كلي نزلي يلا
نوران: وين انزل اني مااريد اجي وياكم
«:: انت شكلج تجين بالعين الحمره سحلني من ايدي قوي
نوران: كسر بايدك كسرت ايدي
شويه وشفت سياره خالد رستن نزلت اركض ورحت لخالد نزل من السياره ورمى طلقه بالهوى
خالد: ولك انت شلون تاخذه من البيت مابي زلم حظر عمامك فهمت لولا
«:: شوف منو يحجي انتو حظرو عمامكم
خالد: ليش احظر عمامي منو هوه الغلطان
»:: الضاهر انت متعرف الصاير اخو هاي قتل ابن عمي ومات
شفت خالد انصدم الضاهر صدك ميعرف
خالد: اي بس متاخذه من بيتهم هذا
»:: اني مااخذه للابد تسلمون ابنكم انطيكم البنيه فهمت لولا
اخذني من ايدي واني بقيت اصيح
نوران: هد ايدي ولك عوفني خالد فدوه ساعدني مااريد ابقى هنا
خالد: اي اي ان شاءلله
راح يركض للسياره وهذا دخلني للبيت
شفت كومه نسوان وكله لابسه اسود تبجي وتصرخ رستن من شافو هذا الولد سكتو
وحده منهن كاالت
»:: ولك منهي هاي احجي عمر
عمر: يمه هاي البنيه اخت الولد اخوهن مدري وين وكلت الهم من يسلم نفسه اخوج ارجعج
اشوفهن كلهن يباعون عليه
هزن روسهن واني شمرني بغرفه قفل الباب اسمع صوت صياح وعياط ومااعرف مر الوقت كلش هواي شفت اكو حمام بالغرفه رحت فتحت الحمام وغسلت وجهي وطلعت باوعت ع الشباك فتحته شفتها الدنيا ليل بس صوت بجي اسمع مااكو اي صوت رحت تمددت ع الجرباية ماادري شلون غفيت كعدت الصبح لكيت ريوك جبن وبيض اثنين مااكلهن غسلت ورجعت للغرفه دكيت الباب كسرته تكسر ماكو مر اليوم مااكلت اي شي صارت الدنيا العصر انفتح الباب دخل نفس الولد الجابني
نوران: انت ليش حابسني هنا طلعني يلا
عمر: مااطلعج فهمتي لولا من يجي اخوج وهذا اكل الج
عاف الاكل بالكاع وراح واني ركضت وره دفعني وقفل الباب كعدت اكل لان ميته من الجوع
كملت الاكل ورحت غسلت مر اليوم عادي نمت وكعدت الصبح ماكو اي خبر لااحد فتح الباب شكد ادك بالباب محد يفتح الباب اليه مرتين سبحت اغسل الملابش انشفهن بالغساله والبسهن
صار خمس ايام بهذا البيت بليل كلش فلشت الباب تفلش
سمعت صوت واحد يكول
»: منو هنا
نوران: اني نوران فدوه افتح الباب
»: منو انت ليش محبوسه هنا
انفتح الباب بقى صافن بوجهي
»: انت منو ليش هنا
نوران: واحد اسمه عمر حبسني هنا لان اني اخت حيدر
»: ياحيدر
نوران: القتل ابن عم عمر
»::شنو شنو
عاط بعلو صوته
»: عمر عمر تعال ولك راح يركض ينزل ع الدرج واني
اركض وره شفت العائله كله مجمعه بالاستقبال
»: يابه تقبل عمر حابس هاي البنيه صار اله5ايام فوك منو عدنه علم بيها ها
ام عمر: اني ادري وهاي نسوان عمامك هم كله تدري صمد لاسوي هيج هذا اخوك المات
صمد: واحنه شعلينه بالنسوان هااا امشي البسي شي وخل اخذج
نوران: اني هذا لبسي بس وديني الاهلي بسرعه
طلعت امشي كدامه وهوو يمشي كلي للسياره البيضه روحي اصعدي بيها رحت صعدت بالسياره وهوه صعد وانطلقنه
وصلنه للبيت ونزلت اركض كسرت الباب تكسر فتحه غفران رستن حظنتها
غفران: ولج من جابج هسه
نوران: هذا الولد اسمه صمد
غفران: امشي يلا دخلي جوه
دخلت جوه كله نايمه واني شبعانه نوم هناك باقيه بس انام
_________________________
يلا باي😍
أنت تقرأ
عشگ ال مهيوب (مكتمله)
ChickLitالاستبدادُ لا ينبغي أن يُقاوَم بالعنف: كي لا تكون فتنة تحصد الناس حصدًا. نعم، الاستبداد قد يبلغ من الشدة درجةً تنفجر عندها الفتنة ... ق̷ص̷ہ̷ ح̷ق̷ي̷ق̷ہ̷
