العناق الأخير

البارت التاسع

.الكسرة في اللُغة العربية

اقوى من الضمه...لكن أذا

أتيتني مكسوراً ضممتك.

مامليتو من ليار او رنا؟ اليوم بطلنا هو راح يبدي يحجيلنا.....أستمتعو..

_________________________________

عمر:

بوسط الحديقة جنت گاعد لابس جينز كابوي غامق وقميص ابيض ردانه لنص أيدي وحافي؟.. رفعت راسي للسما وعجبني منظر الغيوم عبالك المنظر رسم مو حقيقة سبحان الله الجو يخبل بي نسمة هوى باردة والثيل أخضر وبي ورد... الحديقة مالتنه ببيت المزرعه جدي يحب هواي هاي الحديقة ومعتني بيها وحتى خيول بيها وأحنه نحبها ع محبته وهم لأن حلوة بس يعجبك تباوعلها وتبقى بيها..

:حَبيبي

ألتفت مبتسم من صاحتني وأتسعت أبتسامتي من شفت بيدها كتابها المفضل هالفترة...أجت بخفه تتمشى بتجاهي ولازمه شفقتها للبيضة حتى لاتطير.. أما فستانهه الابيض جان يداعب جسمها بكُل خفة لايگ عليها مثل كُل ملابسها الباقية هي تحليهم مو هنه يحلنها..وصلتلي وأنطتني الكتاب ومددت يمي خلت راسهه على رجلي تريد أقرالها..

گلتلها: شوكت تبطلين هاي العادة مال أني اقرالج؟

أبتسمت وگالت: أحب هيج حتى أظل اباوع لعيونك لأطول وقت ممكن..

:لعد أني أريد مقابل..

ضحكت بعلو من فهمت مقصد كلامي شالت راسهه وتقربت من وجهي وغمضت عيونها... قربت راسي منها وخليت أيدي ورة راسهه و..

ماحس الا نظربت براسي فتحت عيوني بألم لكيت نفسي واكع من الجرباية وصوت نغمة جهازي بكُل الغرفه!.. نفخت بضجر..هاي يعني جنت أحلم؟.. فركت مكان الضربه بألم ورجعت أستعيد أحداث الحلم هذا يمكن الحلم الثالث بنفس البنية وهاي عود وعدت نفسي مافكر بيها لأن تعتبر عرض صديقي واخوي!

ع طاري سجاد باوعت لكيته حارك الموبايل بالاتصالات ومامخلي تطبيق ما متصل منه!.. ده أتصفح الرسائل ورجع دك جاوبت أريد احجي وجان اسمع العيطه..

سجاد: ولك ابن ال*** نعل ع راسك وينك لهسة؟ دتشوف الساعه بيش وحضرتك مامشرف لهسة ليكول أنتَ العريس مو أني

:اهوو شبيك ابن الاوادم حتى ببيتي مارتاح منك واذا تأخرت ترة الساعه ب11 وكومه بعد وقت شتريد؟

: انتَ مو گلت السيارة وتزينها علية شو لهسة مامزينه؟

:ها مو بعدني مرايح للحلاق بعدين تعال شوكت شعرها طول حتى يحتاجلها زيان؟