العناق الأخير

البارت الثاني

ليار...

وكفت بنص البيت وأني أقاوم دموعي ماريد أدخل للبيت وسمارة تتشمت بية ولا أريد أشوف الحزن بعيون أمي أخذت نفس طويل وتقدمت لداخل البيت فتحت باب المطبخ شربت مي وتوجهت للصالة..

شفت والدتي وسمارة ورنا كاعدين يسولفون أنتبهت رنا كامت من شافتني تقربت وهي تحضني كالت

: تردين أبقى وياج سجاد راح يطلع بس كال عادي أبقي يمها؟

أخذت نفس وتصنعت الأبتسامه مجنت أعرف سجاد هم موجود وياهم منتبهت علي كلتلها..

: لا عمري أني راح أسبح ع السريع وأنام تعبانه وراسي يأذيني

وي ماكملت جملتي حجت أمي..

: ليش بنيتي والعشة متاكلين؟

: لا ماما مجوعانه لان قبل شوي أكلت كيك بالمختبر موزعين بمناسبة خطوبة دكتورة ويانه وعزموني محبيت أفشلهم

ردت علية: براحتج حبيبتي

ألتفت على أختي الماجابتهه امي ألي.. وكلتلها وأني أحضنها حتى بلكي تطمئن: عمري مبية شي ومراح تستفادين من بقائج يمي أني زينه وبس أكعد نحجي سوة تمام؟

رنا: ولو ما مقتنعه أنتي زينه لان أعرفج بس يلا تمام

كل هذا الحجي تحت انظار سمارة ألي أردفت بكل حقد وخبث..

سمارة: يمعودين شخبصتونه هي قابل أول لو أخر وحده تنخان وتتطلك وأذا يابة؟

بلسم: سمارة ترة مناقصين دوخه أذا معندج حجاية بيها خير كومي شوفي العشة

كامت سمارة وهي تلوي حلكها وتدردم بصوت ناصي كامت أمي وتوجهت ألي حضنتني وكالت

: لاتخلين بالج وياهه حتى لو مو أول وحده أحنه ماعدنه عشر بنات هي بس أنتي وأي قرار تتخذي راح نساندج بي بس أنتي لا تتسرعين يمه

رنا: أي ليار ترة كُلنا نعرف أنتي وعمر مستحيل تكدرون بدون بعض أكعدي وفكري بينج وبين نفسج لا تخلين الطلاق هو الحل الوحيد

ليار: رناا أميي رجاءً انتو تحجون لان محاسين بية أني فكرت وهو هذا ألي أريدة فعلاً

لينا: ألنه حجي مطول لاخ بس هسة سجاد ده ينتضرني مع السلامه

ودعتها وراحت وراهه أمي توصلهه أبتسمت بألم وكملت طريقي لغرفتي أكيد هسة كُلكم تتسائلون شده يصير شلون تعرفت على عمر وشلون خاني؟
__________________________________
راح تفتهمون كلشي من نرجع للماضي

تاريخ 2018/11/15

ليار: يوم الخميس واخيراً نهاية الأسبوع اخ لا أعرف كيف صمدت أسبوعاً أخر

سمارة: يمعودة ألي يسمعج يكول هاي مشرمتها و24 ساعه تقرة وتداوم صدك كُل الاسبوع

رونق: لج غير نص الاسبوع ضربتي تجذبين الجذبة وتصدكيها