အခန်း၁၃။ အကျိုးသက်ရောက်မှုများ
“ သားတော်က မယ်တော်နဲ့ ကြင်ယာတော်များကို လာရောက်တွေ့ဆုံပါတယ် ”
ကျိုက်ယွင်လေသာဆောင်၏ အချက်အချာကျသောနေရာ၌ ထိုင်နေသော ဖီးနစ်ငှက်သဏ္ဌာန်ဝတ်ရုံကို ဝတ်ဆင်ထားသည့် လှပကျက်ပြီး သရေရှိလှသော အမျိုးသမီးတစ်ဦးကို လီယင်မှ ဦးညွှတ်ကာ ဂါရဝပြုလိုက်သည်။
ရာထူးအကြီးဆုံး ဧကရီဘုရင်မကိုယ်တိုင် ကြွမြန်းလာသည်ဖြစ်ရာ ဤတကြိမ်သည် ပို၍ပင် ပျော်ရွှင်ဖွယ်ကောင်းလှလေသည်။
“ ထပါဦး သားတော်ရဲ့။ ရှေ့ကို တိုးခဲ့ဦး ”
ဧကရီဘုရင်မချန်စွန်းက မိန့်ကြားလိုက်သည်။
သူမတွင် သာယာနာပျော်ဖွယ်ကောင်းသည့်အသံသာမက ဩချရလောက်သည့် အလှတရားနှင့် ယဉ်ကျေးသိမ်မွေ့လှသော အမူအရာတို့ပါ ရှိလေရာ အရှင်မင်းကြီးလီရှစ်မင် နှစ်သက်မည်ဆိုလည်း နှစ်သက်လောက်ပါပေသည်။
ဧကရီဘုရင်မ ပြောကြားသည့်အတိုင်း သူလည်း အနားသို့ သွားလိုက်သည်။
ဘုရင်မသည် လီယင်ကို ခေတ္တမျှ စေ့စေ့ပေါက်ပေါက်ကြည့်ပြီးနောက် သူမ၏ဘေးတွင်ထိုင်နေသော ကြင်ယာတော်ယန်ဘက်သို့လှည့်ကာ မိန့်ကြားလိုက်သည်။
“ သားတော်လီယင်ဟာ အမှန်တကယ်ပဲ ရန်လိုစိတ်များနည်းပါးသွားပုံရသားပဲ"
ကြင်ယာတော်ယန်သည်လည်း ပြုံးပြီး အသနားခံလိုက်၏။
“ အစ်မတော်ရဲ့ လူတွေအပေါ်ကြည့်တဲ့ အမြင်တွေဟာ မှန်ကန်လှပါပေတယ်။ သားတော်လေးက အမှန်တကယ်ကို သူ့အပြစ်တွေအပေါ် နောင်တရနေပါပြီ။ အရှင်မင်းကြီးထံမှာလည်း သားတော်လေးနဲ့ ပတ်သက်ပြီး စကားကောင်းလေးတွေ ပြောပေးဖို့ မျှော်လင့်ပါတယ်။ ”
“ စိတ်မပူပါနဲ့ ညီမတော်ရဲ့။ သားတော်လေးက အသက်အရွယ်ငယ်သေးလို့ပါ။ ဘယ်သူမဆို ငယ်ရွယ်တုန်းမှာ ပေါ့ပေါ့တန်တန်နေမိတတ်ကြပါတယ်။ အရှင်မင်းကြီးကို သေချာဖျောင်းဖျပေးပါမယ်။ ”
ဧကရီမှ အာမခံလိုက်လေတော့သည်။
စကားပြောဆိုပြီးသွားသည့်အခါ ရောက်လာကြသော ကြင်ယာတော်များကိုတွေ့လိုက်သဖြင့် လာရင်းကိစ္စကို ပြန်သတိရသွားပြီးမှ လီယင်ကို ကြည့်ကာ ဆက်မေးလိုက်သည်။
YOU ARE READING
ငါ့ရဲ့နောက်ဖေးခြံဝန်းက ထန်မင်းဆက်ဖြစ်နေတယ်(လီယင်)
Historical Fictionဇာတ်လမ်းမှာ လီယင်သည် သူ့အိမ်နောက်ဖေးရှိ ရှေးဟောင်းရေတွင်းကိုဖွင့်ပြီးနောက် ဘဝပြောင်းလဲသွားခဲ့သည်။ ဆဋ္ဌမမြောက်မင်းသား လီယင်လား..။ ၂၁ရာစုက အိုတာခု လီယင်လား...။ သူသည် ကမ္ဘာနှစ်ခုအကြား ကူးသန်းသွားနိုင်၍ ဘယ်ဘဝမျိုးကို သူရွေးချယ်သင့်လဲ။ မောင်းမဆောင်လား...
