နွေရာသီကျောင်းပိတ်ရက်ဆိုတော့မနက်မိုးလင်းတာနဲ့ အိမ်သန့်ရှင်းရေးလုပ် ချက်ပြုတ်နေတဲ့အမေ နားမှာလိုအပ်တာယူပေး ဆေးပေးကြောပေးနဲ့အတော်အလုပ်ရှုတ်ပါသည်
ဆောင်းနှင်းလင်း လက်ထဲအဆင်သင့်ရေးထားတဲ့စာလေးကိုပြရနိုးနိုး မပြရနိုးနိုးစိတ်ထဲလွန်ဆွဲလို့...
အမေ ချက်ပြုတ်လို့ပြီးတော့မှ တွန့်ဆုတ်ဆုတ်နဲ့စာအုပ်လေးပြလိုက်တော့
" အမလေး ဆောင်းနှင်းလင်းရယ် တနေကုန်ချက်ရပြုတ်ရမအားတဲ့ မအေကိုကူမယ်မရှိဘူး အပြင်ထွက်လက်ယားလက်ယားအလုပ်လုပ်ချင်သေးတယ် ဟုတ်လား"
ဒီကျောင်းပိတ်ရက်လေးအပိုဝင်ငွေလေးရှာချင်လို့ ခွင့်တောင်းမိပေမဲ့လဲ သိပ်တော့မမျှော်လင့်ထားပေ
*ဒီတိုင်း သူငယ်ချင်းနဲ့အတူလုပ်ချင်လို့ပါ ကားပစ္စည်းအရောင်းဆိုင်မှာသွားလျှောက်ကြည့်မလို့*
သူရေးပြတဲ့စာကိုဖတ်ပြီး စာအုပ်ကိုလက်ထဲမှဆွဲယူကာ ခေါင်းကိုနှစ်ချက်ခန့်အရိုက်ခံလိုက်ရသည်
"နင့်ကိုအလုပ်ထွက်လုပ်ခိုင်းရအောင် ငါတို့ကစားရမဲ့သောက်ရမဲ့ဖြစ်နေလို့လား ဟမ် ကိုယ့်အခြေနေကိုယ်မသိဘူးလား စကားမပြောနိုင်တဲ့ အအ တယောက်ကိုဘယ်သူကအလုပ်ခန့်မှာလဲ ပန်းရံအဖွဲ့ထဲသွားပြီးအုတ်သယ်ရင်သယ် မဟုတ်ရင်
စည်ပင်ထဲဝင်ပြီးလမ်းဘေးတံမြက်စည်းလှည်းချည်"
အမေ့ရဲ့အော်ဟစ်ဆူပူသံကြောင့် အိမ်ရှေ့ခန်းမှအဖေမှထလာကာ
"ဘာဖြစ်ကြပြန်ပြီလဲ မင်းတို့သားအမိ ဆူညံနေတာပဲ အိမ်လာဘ်တိတ်အောင်"
"ဘာဖြစ်ရမလဲ ရှင့်သားလေ အပြင်ထွက်အလုပ်လုပ်ချင်လို့တဲ့ ရှင်ပဲပြောတော့"
ဒေါ်နှင်းနုနွယ် လဲ ယောကျာ်းဖြစ်သူကိုပြောပြီး အိမ်ရှေ့ဧည့်ခန်းသို့ဝင်သွားသည် မီးဖိုဆောင်တွင်ကျန်ခဲ့တဲ့ဦးလင်းခန့်လဲ သက်ပြင်းအသာချရင်း
"အိမ်မှာပဲနေပြီး မအေကိုကူပေးချည် အပြင်အလုပ်လုပ်မနေနဲ့ ပင်ပန်းတယ်"
*ဒါပေမဲ့ အဲ့အလုပ်ကမပင်ပန်းပါဘူး ပြီးတော့ အောင်ဖြိုးဇော်
လဲလုပ်မှာ အိမ်နဲ့လဲသိပ်မဝေးဘူး ပြီးတော့ စကားပြောဖို့လဲမလိုဘူး ဘောင်ချာဆွဲရုံပဲတဲ့ သားလုပ်ချင်တယ်အဖေ*
YOU ARE READING
Only for you, my love
Romance-မောင့်..ရင်ခွင်ကျယ်က မင်းတစ်သက်လုံးခိုနားဖို့ရာလုံလောက်တယ် အဲ့တာကြောင့် ကျေးဇူးပြုပြီး ဒီရင်ခွင်မှာပဲ ခိုနားလှည့်ပါ -ကျွန်တော့်ကိုလူတွေဘာပြောပြောဂရုမစိုက်ပေမဲ့ ခင်များကိုပြောတာကိုတော့ကျွန်တော်မခံစားနိုင်ဘူး
