ابو محمد : يلا بنياتي حضرن غداجن العالم وصلوا
رغد : اي بابا صار
ابو محمد : اكول هذا محمد مااجه
ام محمد : لا والله بعده ، يمه هداوي تصلي بأخوج شوف وين صار
::- قبل ماتصل دخل محمد : سلام عليكم
الكل : وعليكم السلام
ابو محمد : وين جنت ، مو كلتلك لاتتأخر
محمد : جنت وي الولد بابا ماتأخرت هسه بـ 12 عليمن هل عصبيه روح اكعد يم العالم وهسه اني ومصطفى نجيب الغده
ابو محمد : يلا استعجلوا وين اخوك ، عود هم عندي ولد عليهم لاعتماد
مصطفى : جيت جيت بس لاتصيح
هدى :- عدنا عزيمه والبيت مخبوص وبابا عصبي
وبقى يصيح ع اخواني ، يردون بس يسكتوا يكلوله روح يم العالم واحنه نجيب الغده
مايقبل هو واكف يشرف على الأكل والتوزيع
رغد : هدى خفي ايدج يلا
هدى : اي شبيج طياره خو مو طياره
رغد : شكد بارده ، شوفي بابا يصيح ومستعجل
::- دخلت نور : بنات عدجن شي اساعدجن
ام محمد : لا يمه كملن البنات ماعدهن شي بعد
هدى :- اباوع لمحمد صفن عليه وملامحه تغيرت اعرف محمد يحبه من الطفوله
ابو محمد : محمد ، محمد وين صافن ماجاي شوفهن كملن يلا جيبوا الغده وتعالوا حيجلطوني بفهاوتهم
::- طلع ومحمد شال المواعين وكف يمي يحجي بهمس : ابوج اله يفشلني ماكدر يأجل رزايله
هدى : هههه ديلا قابل ماتعرفه
::- اخذوا الغده وصبينه غده لنسوان
عدنه مرت خالو ام حسين هيه وبته نور ، ومرت عمو ام رسول هي وجنته
ام رسول : خيه ماناويه زوجين وليدج ، عندي الج شلون مره
ام محمد : خيه بعده يكول لمن تعين
ام رسول : خيه وره التعين سالفه اطول وين اكو تعين بالعراق هذا رسول صار 6 سنوات تخرج وماكو تعين نعم الله ع خاله لكاله شغله والحمدلله معيشته هو ومريته ووليده
ام محمد : شسوي خيه مايقبل هسه هو نعمه هل يشتغل وي ابوه بالاسواق بس شسوي بعد مايقبل
ام رسول : اني والله لو عندي بعد وليد اخذته اله ، بنيه معدله وحليوه
ام محمد : خيه هيه قسمه بعد
هدى :- كملت غده وكمت اغسل
لحكتني نور : اكول منين هاي البنت المرة عمج تريد تخطبوه لمحمد
هدى : هههههه والله ماعرفه ، شبيج ضجتي
نور : لا على شنو اضوج بس اسأل
هدى : هههههه ديلا اساس ماعرف ، عيونكم فاضحتكم
نور : ياعيون شبيج ، عابت صوجي سألتج
هدى : هههههه دكدرون تخفون حبكم عن الكل بس عليه مستحيل
نور : ياا هدى اشبيج ليسمعج واحد عيب
هدى :- بقيت اصنف ع نور ، اشويه دخلت رغد هي وزوجة رسول جابن المواعين
أنت تقرأ
شاهدهم يرحلون
Romanceقد سجل وطني تاريخا ذات يوم بأن نيران الحقد والفتنه كادت ان تحرقه فشاء الله ان يوحي له فتوةً على لسان مرجعاً عظيم لتطفى تلك النيران وتولد حشداً يكون برداً وسلاماً عليه . فسجل وطني ذلك الحدث بدماء الشهداء الشهداء الذي لبوا وضحوا وبذلوا كل ما بوسعهم...
