احمد :- دخل عمو ابو محمد كدامي
واني وراه سلمت على اعمامهم وكعدت
حجه ابو محمد وطلبلي
ايد بنته من شيخ ابراهيم قبل مانقرا الفاتحه
ندفر باب الديوانية ودخل سيف بيده تفكه وهو يصيح : اذا تمت هاي الخطبه احصدكم حصد هدى اني ناهي عليه
::- ركض عليه محمد ضربه
وطيحه بالكاع : صاير خوش زلمه وتنهي ولك اليوم موتك على ايدي
::- بقوا يضاربون
ركضت اني لمحمد ردت اوخره عن سيف لان جان ساحب اقسام وي ماوصلت رمه صارت الطلقه بجتفي
هدى :- ركضنه لبره من سمعنه اصياح وصوت رمي لكينه احمد سابح بالدم
::- ام احمد بخوف ركضت على ابنه : يمه وليدي شبيك
احمد بألم : ماكو شي يمه ماكو شي
ام احمد : ولك اشلون ماكو شي هذا منين الدم
::- دخل محمد من بره وهو يلهث من التعب ويكول : شرد هذا الجبان مالحكته
شيخ ابراهيم : اني اتصلت على الشرطه هسه يجون
ام احمد بعصبيه : ولكم احجوا شبيه ابني
::- ركضت لمحمد : يمه حمودي شبيه اخيك
محمد : خاله هذا النذل سيف اجه ونهه على هدى وتضاربنه اني وياه وجان بيده سلاح
رمه وصارت بأحمد
ام احمد وهي تبجي وتدك على وجهه : يمه سوده عليه منين اجتك هاي
ابو محمد : حمودي بويه تعال خل ناخذه للمستشفى
هدى ::- اخذوا احمد للمستشفى امه راحت وياه بقيت اني ابجي وتحسر على حضي : كله بسببي
الولد جا مات اليوم من وراي ليش هيج ليش دوم حضي ماكاعد شوكت ارتاح
نور :- شفت هدى نهارت بالبجي
اخذته للغرفه واني اهدي بيه
محمد :- وصلنا للمستشفى وبس شافه الدكتور حوله على غرفه العمليات
جنه كاعدين باب الغرفه ننتظر الدكتور يطلع
واجه رسول كال : الشرطه لزموا سيف وهسه اخذوا للسجن
محمد : طبه مرض
واني بس خل يطلع احمد واطمن عليه
اله اروح احرك البيت على راسه وراس اهله
::- شويه طلع الدكتور وكال : الحمدلله العمليه نجحت بس بعده بالتخدير
::- دخلنا يمهه
وهو يحجي بلا وعي : مصطفــــى
مشتااا،ااااقلك
اخذووووني اله ، ليش مااجه وياكم
::- من شاف امه كاله : يمه اليوم خطبتي من البنت لاحبهه يمههههههه
راح اخذ،ههه
تدرين صار شكد احبه بس محد يعرف
::- سدت حلكه بايده : اي يمه اي بس اسكت
محمد :- ردت الوي اذنه بس بعده تعبان
والله هو بيه كتله
احمد : محمممممد
محمد : هاا
::- سكت اشويه بعدين كال : اشوكت اعرس
محمد : باجر
احمد : يممممممه ، باجر عرسي
بس لا ماريد اعرس
أنت تقرأ
شاهدهم يرحلون
Romanceقد سجل وطني تاريخا ذات يوم بأن نيران الحقد والفتنه كادت ان تحرقه فشاء الله ان يوحي له فتوةً على لسان مرجعاً عظيم لتطفى تلك النيران وتولد حشداً يكون برداً وسلاماً عليه . فسجل وطني ذلك الحدث بدماء الشهداء الشهداء الذي لبوا وضحوا وبذلوا كل ما بوسعهم...
