အချစ်တဲ့ ... ။
စကားလုံးအားဖြင့်တော့ နှစ်လုံးတည်းရယ် ။
ဒါပေမယ့် ဒီနာမကဖြင့် Nicholasကို ပိပိရိရိ နာကျင်စေတဲ့ စကားလုံးပါပဲ ။
Nicholas က လက်ထဲက ကော်ဖီခွက်ကို ခပ်ဆဆလှုပ်ခါရင်း အပြင်က ရွာနေတဲ့ မိုးစက်တွေကို ငေးစိုက်ကြည့်မိပါတယ် ။
ဒီမိုးတွေ တစ်ပေါက်ချင်း သူ့ပေါ်ကျလာတယ် ။ ဒီမိုးတွေ တစ်စက်ချင်း သူ့ကို စိုစွတ်စေတယ် ။ ဒါပေမယ့် Nicholas က ဂရုမစိုက်ပါဘူး ။
ဒီမိုးတွေ ဘယ်လောက်ပဲအေးစေပါဦး ၊ Euijooမရှိတော့လို့ အေးစက်နေတဲ့ Nicholasရဲ့ နှလုံးသားကို မှီနိုင်မှာတဲ့လား ။ ဒီမိုးတွေဟာ ဘယ်လိုပဲ နာကျင်ပါစေဦး ၊ Nicholasကို ထားခဲ့တဲ့ Euijooလောက်တော့ နာကျင်စေမှာတဲ့လား ။
" ပြန်လာပေးလို့မရဘူးလား EuiJooရယ် ။ မင်းမရှိရင် ငါသေလိမ့်မယ် အချစ်ရဲ့ "
သူကလွဲ သရဲခြောက်မှာတောင်စိုးရိမ်ရတဲ့အထိ အေးစက်တိတ်ဆိတ်နေတဲ့ အခန်းဟာ ပြန်ဖြေသူကင်းမဲ့လို့ ။
၁၆နှစ်တုန်းက စတွေ့ခဲ့တဲ့ EuiJooဟာ ၂၆နှစ်အထိ သူ့ဘေးမှာရှိမယ်လို့ထင်ခဲ့တယ် ။ ဘယ်လိုလုပ်ကြပါ့မလဲ အခုတော့ဖြင့် EuiJooက သူ့ဘေးမှာမှ မရှိတော့တာပါပဲ ။
Euijooက Nicholasကို ထားခဲ့ပြီ ။
Nicholasက နောက်တစ်ခါ ထပ်အော်ပြန်တယ် ။
" Euijoo ငါမင်းမရှိဘဲမနေနိုင်ဘူး အချစ်ရယ် ။ ငါ့ဆီ ပြန်လာခဲ့ပေးပါ "
" လာပြီ ခွေးကောင်ရဲ့ ။ မိုးရွာနေလို့ အဝတ်သွားရုတ်ပါဆိုတာကျ မရုတ်ဘူး ။ အသံပြဲကြီးနဲ့အော်တာကျ တတ်တယ် "
ဟုတ်ပါတယ် ...
Euijooက Nicholasကို မိုးရွာလို့ အဝတ်သွားရုတ်ဖို့ ထားခဲ့တာပါ ။
ဒါပေမယ့် Nicholasလို ချစ်သူအနား ကပ်နေချင်သည့်ကောင်လေးအတွက်ကတော့ ချစ်သူလေးဘေးမရှိရတာ ကမ္ဘာပျက်သလောက်ခံစားရတာပဲလေ ။
" လာပါဦး Euijooရယ် မိုးအေးအေးနဲ့ချမ်းလိုက်တာ ။ ဖက်ပြီးအာဘွားပေးရအောင် "
" မင်းဘိုးအေကြီးသာ အာဘွားသွားပေး ။ မိုးရွာနေတာ ပြတင်းပေါက်မပိတ်ပြန်ဘူး ဖျားချင်လို့လား "
YOU ARE READING
Paper Ring
FanfictionEJ likes shiny things. But he would marry Nicholas with Paper Rings. Because Nicholas is the one EJ wants. NichoJoo Burmese sub Valentine special
