أمارلس السوداء

part 4

#امارلس_السوداء

للكاتبه: كـًٌٍّ̨̥̬̩ــرز

تنبيه ‼️روايتي لا احلل بنشرها باي برنامجج كامله~♡

لا تنسون التصويت والتعليق بين الفقرات 🦋🔫

بينما كانَ كُل شيء يدفع للبُكاء
كُنا نضحك

ــــــــــــــــــــــــــــــــــــــــــــــــــــ
.
.
.
. عنروب عنروب اكعدي يايمه مو شلعتي كلبي

_يمه بس خمـ

وبعدني ما كملت كلامي اردفت بتحذير وشمرت المخده عليه
_ بس كولي خمس دقايق واكوم اكتلج كرهتيني بعمري كومي لا اجيب المي بسرعه احسب للخمسه
ضحكت كلت ما تسويها بس تهديد ونمت مطمئمه واني اسمع
1.. 2... 3.... 4... 4

_ يمه اعلمج اذا متعرفين الحسب وره ال4 يجي ال5
شو الجو ساكت هسه غفيت انشمر عليه مي نزيت ووكفت على السرير واصيح

_يمه غركنه يمه الحكيني هىء هىء

ضحكت عليه امي وكالت يلا بسرعه كعدي الخط على جيه
باوعتلها واريد ابجي صدك سوتها وراح توديني للمدرسه اليوم

شفت الساعه تاخرت رحت ركض شلون ماجان بدلت حته شعري ما مشطته عفته اول ما طلعت من الحمام بدلت ولبست الشال حته ما نشفته فالشال شويه تبلل طلعت

اركض بايد حذائي وبايد جنطتي وموبايلي بحلكي واركض نزلت بسرعه من الدرج ولكيت امي اول ما شافتني وضحكت عليه غندبت وباوعتلها بقهر رحت لابوي اشكيله منها

_ باباتي الحلو شوف مرتك تجبرني اروح للمدرسه واني مريضه ماتخافون اوكع هناك لو اهم شي تبقون وحدكم وعنروب بيش الكيلو

ضحك بابا حضني وكام كال

_ لا عنروبه مايصيرلج شي لا تخافين طمنه الدكتور وكال هسه انتي كلش زينه وتكدرين تمارسين حياتج عادي واني هم طالع لشغلي لا تخافين ما ابقه بالبيت بدونج

طكيت رجلي بالكاع بقهر واباوعلهم ابوي اخذ السويج وودعنه باسني وباس امي على راسنه هاي حركته قبل ما يطلع من البيت واول ما يرجع