أمارلس السوداء

part 5

#امارلس_السوداء

للكاتبه:  كـًٌٍّ̨̥̬̩ــــرٍزٍ

تنبيه ‼️روايتي لا احلل بنشرها باي برنامجج كامله~♡

لا تنسو التصويت والتعليق بين الفقرات!!!

"لسنا مجبرين لتبرير المواقف لمن يسئ الظن بنا.. من يعرفنا جيدا يفهمنا جيدا.. فالعين تكذب نفسها إن أحبت .. واﻷذن تصدق غيرها إن كرهت 👌"

ـــــــــــــــــــــــــــــــــــــــــــــــــــــــ

.
.
.
_ سيسان

وكع القلم مني وانعصر كلبي وانهدمت كل قوتي واصراري بس من صوت واحد منها

اجت ووجها متروس دموع تماسيح وهيه تحجي وراحت حضنتني وعصرتني عصر وما نتسى اظافر العجوز الشمطاء

_ يابعد عمتج اروحلج فدوه هاي شصارلج يا حياتي كون بيه ولا بيج حجتلي ساره الصاير ما صدكت شلون تحملتي هالوجع وحدج وما كتيلي اني بمثابه امج

وهمستلي يم اذاني بصوت بس اني سمعته
_ حرف واحد احجي واعتبري البارحه الما نفذته صار بس مو بسهوله مثل البارحه  راح اعذبج واخليج تتمنين الموت

وما تلكينه واعتبري الصار البارحه خير دليل على صحه كلامي يلا هسه ابتسمي وبينيلهم ماكو شي يلا وضغطت عليه اكثر
انجبرت ابتسم 

اشوف عمي يحجي ويه الدكتوره على حالتي ويستفسر منها
باوعتلي الدكتوره وطلبت اكمل كتابه
باوعتلهم واني حايره وخايفه شسوي هسه ياترى

انتبهت الدكتوره على وضعي التبدل ورجفي الزاد من اجت عمتي وشلون اباوعلها بخوف صح ابتسم بس عيوني متروسه خوف

كالت الدكتوره وهيه تباوع لعمتي بخزره

_ اكتبي شصاير وياج لا تخافين من احد احنه وياج واكو حراس اصيحهم اذا صار شي محد يكدر يسويلج شي لان السوه هيج اكيد العنفج شخص مريض وضعيف
تحجي وتباوع لعمتي

شهكت عمتي وحطت ايدها على صدرها وهيه تحجي بصوت العمه الحنونه وحزن الجذابي

_ شتقصدين ولج ليش هيج تباوعيلي محد معنفها ولا شي لا تبالغون احنه حاطينها بعيونه هاي بعد مثل بنتي الما جابتها بطني الله يشهد اني اعتبرها حالها حال ساره