الظلام

part 1

لتنسون التصويت+ التعليق بين الفقرات🤍

أول ابن آدم گلبه مَا يبرَد
أنا المَبيوع سَد بـ سَد
انا الخَلص حَياته يگول چا وحَد

______________🦋____________

:- روتاج. فتحت عيوني على صوت أبويه عرفت تعاركو طلعت اركض خايفه عليهم وخايفه منهم

. بابا شبيك

. وين أمج وين ولت

:- يجوز يم خوالي لو تلكيها يم الجوارين ما تروح بعيد

. تعالي سويلي سم واليوم اثنينجن انتقم منجن لا تبقن بالبيت

:- تمام. هسه اسوي ريوگ

. اسوي لريوگ وبالي يمهم اعرف كل ميتعاركون تصير كوارث

.بابا يلا كوم تريك خليته ياكل وعفته اذا بقيت كاعده يمه راح يطلع حركته بيه غسلت البيت من يتعاركون يشمرون الزباله كلها بالكاع ويكسرون بالغراض خلصت التنظيف رحت أغسل ملابسي حتى اروح للدوام لگيتها مشككه

روتاج. هاي شنو الملابس هسه شلون أولي

. شدسوين

. ماما وين جنتي بابا گلب الدنيا

. معليج

. قميصي منو شاكه شلون اروح للدوام ليوم

. بالچفن روحي بلگي الله تجي سياره تمردج واخلص منج يالعار

. نزلت دمعتي أخذت الملابس ورحت اخيط بيها

. تعالي ماما شكم مره كالت من نتعارك لا تجين يمي ولا تحجين وياي ما اكدر الزم روحي الكلمات تطلع مني واني ما منتبهه

. أعرف أمي بس مو زين عليج

:-  اخخ انعل ابو لساعه الي شفت رائد بيها يلا روحي اقري واني اخيطها

. دخلت جوه اسمع عركهم وحجيهم يلعنون الساعه الي اجيت بيها يغلطون على بعض يسبون نفس الروتين كل يوم تصير هاي المشاحنات بينهم رتبت الجدول بدلت وطلعت

. أمي ملابسي ما خيطتيها

:- خلي الها دنبوس وفضيني ترا ما الي خلگج

. خليت الها دنبوس وطلعت وحدي ما امشي ويا اي شخص كل ما يصيرون عندي صديقات أمي تعصب مني وتروح تحجي عليه يمهم وتطرد بيهم ردت ادخل والمدرس اشرلي اروح يمى

. سلام عليكم استاذ

. وعليكم السلام ورحمه الله روتاج احنا شكلنا على الملابس

. أستاذ والله ما لحكت امتحانات وما لحكت اخيط بيهم

عوفي لامتحانات قميصج اسود شوفي شكله مو مال طالبه زميلتج تشكي منج شعرج مخربط السنه الجايه أنتِ اعداديه تبقين هيج