الظلام

part 5

لتنسون التصويت+ التعليق بين الفقرات 🤍

ياهو مثلِي
يَريد يُوگع مِدري ويَن ،
ياهَو مثلي يَريد يبچِي
ومَا لگة لدموعَة عين
____________🦋__________

:- روتاج بابا اشتاقيتلج تعالي اودعج

ما اودعك الي لقاء ثاني وياك بوقتها اودعك

. وين تشوفين حروح للشمال واذا ربج سهل اطلع من العراق كله

لو تعيش بنص الزباله هم راح اطلعك بذاك الوقت

. چلبه على خوالج المهم عمج ميريدج شوفيلج مكان

توقعتها منكم أصلاً ميشرفني ابقى يم حثاله ما أمن على نفسي يمكم

. اني بالنسبه الي تنازلت عنج لخالج اريد اشوف حياتي عمج رجال ميكدر كومه جهال برگبته

تمام اني ما عندي شي يمك ولا ابو لهب حطلع بس قبل لا اروح احفظ وجهي زين واحفظ وگفتي

. ليش

لأن راح تنعاد هاي الوكفه بس انت راح تكون بوضع مهزوم مذلول

. نشوف الله وياج

طلعت من البيت ما اعرف وين اروح خايفه ابجي ويجي واحد يستغل الوضع الي اني بي مشيت مسافه طويلة شفت كومه ناس نايمه جوه الجسر

. سلام عليكم

وعليكم السلام خيرج

خالتي اني اهلي متوفين ومحد يريدني عادي انام يمكم

خاف مهزومه من اهلج وتجيبيلي بلوه

لا لا ما مهزومه بس ليوم انام يمكم وضعي ميسمح ابقى افتر بين الزلم واني بنيه

. ملامحج ما تدل على الخوف الي يشوفج يكول ذيبه هاي

ابتسمت على كلامها لا خاله اني سلموني بحلك الذياب

. تهون كلنا عدنا ضروف شايفه ذولي لنايمين كل واحد بيهم قصته تكسر تنامين وتطلعين تشتغلين ويانا باجر نشوف منا لثلاثة ايام اذا محد سئل عليج نأمن نخليج بعيونه

فدوه لعيونج بس اني ما اريد امد ايدي فهمتي قصدي حتلو انظف ابيع كلينس بس ما امد ايدي

ميخالف نخليج تنظفين المكان هنا وتراقبين الوضع ونشوف

ان شاء الله خالتي

ما نمت السيارات فوك روسنا تفتر الفيران تركض بين العربانات  جنت ابجي على روحي من شفتهم بجيت عليهم شكد رب العالمين حابني وضعهم يعادل الف كسره ناس كبار الي يموت هنا محد يدري بي يرجفون من شده لبرد اذان شفت مصلايه محطوطه على المجمده فرشتها واخذت بطل اجددت بي وصليت سبحت وهديتهم لأمي صليت صلاة قضاء الحاجه رجعت لمكاني الكل بده يصحى

****
_ ام سلام منو هاي

هاي بنيه خطيه يتيمه ولاعبين بيها لعب وطارديها