الظلام

part 2

لتنسون التصويت+ التعليق بين الفقرات 🤍

الويل لي من خنجرٍ طعن الموده
الويل لي كم نمت مخدوعاُ على تلك المخده
الويل لي من فجر يومٍ بيت لي ما عِشتُ بعده

____________🦋___________________

روتاج. أمي شدسوين

. روحي عني روحي

وين اروح صدك تحجين انت

. اباوع مستمره تشك بايدها اتقرب منها تجرح تضغط على السكين

. ماما الله يخليج فكري بيه وين اروح لو صار بيج شي شراح يصير بيه ابوس ايدج كافي والله تعبت وعيونج الحلوه تعبت حيل أمي خليني اني اموت قبلج ما اتحمل فراكج

. روتاج راح الها يي راح اعرفه صار يومين ما اجه راح يعوفني

. يجوز راح لأصدقائه راح تأذين روحج على مود رجل أمي رجل أمشي وياي نعالج ايدج وسبحي صلي اقري قرآن لا عبالج راح ترتاحين من تسوين هيج بالعكس محد يتأذه غيري وغيرج

. لا روتاج ضروري اربطه بطفل وبعد ما يكدر يعوفني يي لازم اجيبله ولد

. تربطي بطفل أمي صدك تحجين شون راح تعيشو أمي اني وحيده عدكم وانتو ما متقبليني

. اسكتي هو راد ولد ويا راد سند اله

. تمام هاي هيه سوي الي تردي بس تعالي نعالج ايدج

. ركضت اخذت ستره طويلة ودنبوس حتى تثبت لبستها العبايه وطلعت ادور على مضمد

. ها روتاج بويه خيرج

. عمو أمي وكعت على ايدها السكين بس اريدك تعالجها

  . ابوج وينه

. بالشغل

. بده يعالج أمي وهو يتأفف بضجر

. عمو ان شاء الله باجر اجيبلك فلوس هسه اجينه مستعجلين ما جبت وياي

. روحي بويه ديري بالج على نفسج من الكل

. بقيت صافنه بوجهه شنو يقصد بكلامه سمعت أمي تعيط عليه حتى نمشي ركضت يمها

. روتاج اني راح اروح للكشافة على مود ابوج روح للبيت

. كشافه تحجين صدك أمي شوفي وضعج

. گلت روحي لو تشوفين شي ما يعجبج

. رحت والدمعه بطرف عيني ودي اطم روحي بالتراب العالم تباوع علينه من صيحت عليه امشي بالشارع اجوي ولد يذبون كلام ويفشرون

. شلت الحجاره وباوعت عليه اذا ما تروح منا اسوكك بالقندره سوك بلا أخلاق حيوان افلش راس بالحجاره وبنات الحسن يخلفون ويشمرون جلابهم بالشارع بلا تربيه اجه ابو المحل سحلهم وبقه يرزل بيهم مشيت شويه حتى محد يلزمني شلت الحجاره ضربته وطفرت ما اعرف بيمن طاحت بس صارت عركه

. كاتلين روحهم على الولد فتحت باب البيت صفنت السكينه بالكاع والدم تارس المطبخ مسحت الدم اخذت السكينه صفنت عليها ضميتها ما اعرف ليش ضميتها بس حسيت راح يصير شي واحتاجها دخلت اسبح لميت رجليني عيطت وبجيت هواي

. روتاج شدسوين ماما

. ما اسوي شي اسبح

. خلصي وتعالي سويلنه أكل جوعانه

. لبست بسرعه وطلعت تدللين روح روحي هسه اسويلج

. سويت آكل تغيرت ولا عبالك مساع جانت تعبانه رجعت تضحك وتآكل

. ماما عادي اسئلج سؤال

. كولي

. شنو كالت الج هاي السحاره وهلكد تغيرتي كوليلي اني هم لعبانه نفسي اريد اروحلها بلكي تغيرني

. انجبي مو سحاره كشافه لو يجي ابوج يسمعنا گرصي روحج لا تسويلنه مشكله

. ضحكت على كلامها اخذت المواعين غسلتهم حاولت ادرس بس النومه عزيزه نمت واني اباوع على الكتب واضحك

رنا. روتاج لج كومي يي حقج ما تكعدين الله واعلم ويامن سهرانه

. ها ها شكوو

. كومي ولي للمدرسة

. لبست بسرعة ما حسيت غير أمي ساحلتني من شعري ومخليتني جوه الدومش

. صحصحي ديري بالج تجيبين خميسن

. يمه راح تموتيني وما صحيت يا بويه تطلع حرگت رائد بيه سحلت روحي منها اخذت الجنطه وركضت بالشارع ألبسها طلعت من لباب تأشرلي وتسب بيه

. وصلت المدرسة وكلاها رزلتني على شعري قميصي كله مي وبالاخر ملو وقررو يعوفوني

روان. يمه ايع شهل لعبان نفس شعرج وملابس كلها مي

. شنو روانتي مشايفه وحده تسبح وتجي للمدرسة

. شعرج ايع

. والمطلوب نخلصها ايع بابا عندج شي بي حظ احجي ما عندج انطمي ترا ما الي خلك جهال

. لو تشوفين ماما شلون سرحت شعري وتعطر بيه اشو انت مقرفه من تجين أمج وين

. الله يطول بعمرها ويحفظها الج بجاه بنات الحسن

.بارده مقرفه

. خلصت الدروس نتعارك وكل درس لازم بالإدارة

. بنات منو روتاج رائد

. نعم

. تعالي لإدارة يردوج

. نزلت لإدارة انصدمت من الي شفته..........