الظلام

part 4

لتنسون التصويت+ التعليق بين الفقرات 🤍

أمس
‏إشتاگيت أحط متني على متنك
‏ردت اگلك
‏ضال بروحي مكان لكلشي منك .
____________🦋____________

:- لسياره تمشي وصلنا السيطرة صار التابوت مقابيلي

. اخخخ يمهه جسمي يرجف جانت كلش تحب هالقصيده نسمعها  تكلي روتاج صوتج يتخلف بهاي القصيده...قبل متروح وتهاجر يا طير الصاف تانيني اخذني وياك لأحبابي على الجنحان خليني ادور وين ابويه حسين يطير لصاف عافوني وانا ياويل يبرالي اصد للبيت بعيوني واشوف لبيت ضل خالي

:- تابوتها على لسياره مطر العبايه الحاطيها نترست مي ااخخ يمه تابوتج احطه بگلبي مو وين ما جان اخخ يالمكابر أمييي مره وحده كسرتيي

. راحو زورو التابوت ورفضو اروح وياهم اباوع على القبور أمي وگلبي يأذيني

. يلا راح ندفن تعالي

:-ماما حبيبتي احبج هواي جنت مخططه نعيش سوه بعيد عن الناس رحتي بمكان حلو صح اني مختنكه وراح اموت بس اهم شي ترتاحين حبيتي تعبتي وجاهدتي ارتاحي تذكرين من جنت اكلج ماما ما احب اروح للمقابر ادمر هاي اول مره احس تراب المكابر انعم من فراشي

:- نزلوها جوه هايه يعني صدك بعد ما اشوفج يوميه اركض وراج واشم بعطرج تعبتيني ما انساج ابد اذكرج دائماً واحبج هواي بس ارجعي بعد ما اكلج ماما اشتريلي لعابه ولا اكلج اريد شي شلون أرجع بدونج ها يمه ها حبيبتي دخيلك ياعلي أمييي

:- اباوع الكل مستجعل بسبب المطر يردون يرحون

. يلا روتاج

:-خطيه شون تبقى هيج وحدها خلي نكعد يمها نحاجيها هسه خايفه

. يلا بويه ورانا طريق

:- تعوفني هنا وترحون ما اكدر افاركها ابوس ايدك

. سحبني ومشه اباوع ترابات أمي بعد ما اشوفهن صارت بعيده عني راحتي كسرتي

:- شوفي مناك اذبج على عمامج لأن اني مقرر اروح سليمانيه اعيش هناك خوالج كلها طلعت بقيت بس اني ديري بالج على نفسج صيري سباعيه

. وصلني لبيت عمي وطلع اجتي وحده تأشر يقرف عليه

:- اكلك حبيبي شنو هاي جديده

:- لا بنت أخويه باقيه هنا فتره

:- شكد عمرج هيو

. إلي اسم ومعليج بعمري اخر مره تحجين وياي فاهمه لو لا

:- اوي عيني شحجينه

. سحبت بطانية غطيت وجهي  محد يشوفني عضيت ايدي حتى ما تطلع شهكاتي ويسمعوني
نامو كمت افتر ادور سجاده اصلي لأمي ماكو

. شدورين

. اريد سجاده

:- هههههه لج والله ضحكتيني سجاده

. والله عذريني نسيت اني كاعده يم ابو لهب هسه أريد اصلي شلون

:- ماكو عذرينا عود ههههههههه المره الجايه نجيب

. بابا ما جاي احجي شي يضحك هالسخافه عليمن هاا

:- لسانج يحب شغلنا

. وبنات الحسن اذا اكمشج اراويج نجوم الظهر محترمتج لخاطر عمرج بس لظاهر انتو ما ترودن واحد يحترمك

:-يلا اروح للشغل ونشوف لذاك الوكت

:-راحت بقيت صافنه عليهم ذولي بشر نزعت ابنها البجامه خلته بس بالحفاظه والفانيله وطلعت يربي شراح يخلصها ذولي مو بشر

اذكرت من زمان جانت أمي وقت تكون مرتاحه تخليني احفظ سوره البقره اجدتت وقريتها شكد رتاحيت عمت عيني عليها نسوان بالفاتحه ماكو جادر ماكو ولا وحده صيحت وراها اخخح يمه لمثلج عمر اهوسله وانصبله لجادر لحد ما تعمى لعيون

:- هيو شسمج تعالي

:- روتاج. شكو

:- من تحجين ويا عمج بأحترام لو ادفنج وراها

:- من تحترم نفسك احترم نفسي هل اسلوب ميمشي وياي اني مو رنا الفقيرة الي حركتوها ووكفتو بفاتحتها

. معلينا من هالحجي باجر ابوج راح يطلع ويريد يروح يسافر يستقر بالشمال يم زوجته

. ليش طلع من السجن

:- يي اخوي بريئ ما سوه شي

. ميخالف الدنيا دوراه ويجي يوم بهاي ايدي اسحل اخوك بوقتها اكبر واحد ميشفع الى

:- ابوج هذا حيوانه

. راح يتمنى لو منسجن عمره كله ولا طالع راح يتمنى لو حارگ نفسه

:- نشوف ديلا من باجر تطلعين تجدين ما فاتحلي دار أيتام اني

. اجدي تحلم بابا

. اكو كنيلس أخذي وبيعي علج اي شي اريد فلوس

. هو هذا الوصخ يموت على الوصخ

. دار وجهه وراح لا والله اجدي واجيب الحلكه الليل كله ما نمته وين اروح يربي أمي شلونها صار الصبح اشرلي اروح اكعد بصفى

:- شوفي هاج اخذي الغطه على وجهج

:-روتاج غطه ترا اني ما رايحه اجدي مثل لعدك رايحه ابيع ما ماده ايدي افتهمت لا تبقى تلوص بالحجي

. باوعي اكو جسر بس هذا توكفين بي ممنوع تطفرين على غير جسر

:-اخذت الكلينس لبست جبه وقررت هاي هيه لازم البس الحُجاب ما اعرف البسه اذبه بس على راسي شعري طالع لفيته وشديته حتى محد يحجي

اخذني لنفس المكان ذبني بي اباوع لشارع متروس اطفال نسوان اخذت الكلينس وكعدت بالمكان اباوع عليهم

. هاي مو روتاج مو كتلج نشوف راح يطلعوج هههه

. شسمج أنتِ

:- شمس

:- ومو يم اسمج. باوعي حُبي اني اختلف عنج اجيت هنا ابيع وما أمد ايدي لأكبر واحد أنتِ لا اختاريتي تمدين ايدج وتاخذين هذا الفرق الي بينا وهسه مثل لشاطره تروحين عني

:-راح اروح بس صدگي ما اعديها عليج

. نشوف

. رجعت وما بعت ولا شي استحي اكول لواحد تعال اشتري مني

. من رجعنا سمعت صوت بس مو غريب

:- رائد خلي نبيعها.......