When the flowers fall, I'll see you again ( MM translation)

အပိုင်း(၁)- နဂါးမိစ္ဆာရေကန် (Unicode)

Unicode

နီဖျော့ဖျော့ပန်းရောင်စုံကြားမှာလေနုအေးလေးကဖြတ်သန်းတိုက်ခတ်နေပြီး ပွဲတော်မှအပျိုတော်လေးများရဲ့ ရယ်သံသဲ့သဲ့ကိုလည်း အဆက်မပြတ်ကြားနေရသည်။

လူတစ်ယောက်က ထိုဆွတ်ပျံ့ဖွယ်ပန်းရုံအလယ်တွင်မတ်တပ်ရပ်နေ၏။ ထိုလူဟာ လှပသေသပ်သောပန်းထိုးဝတ်ရုံကိုဝတ်ဆင်ထားပြီး မြင့်မြတ်သောဟန်ပန်အမူအရာရှိသည်။ သို့သော်သူ့ရဲ့ရုပ်ရည်သွင်ပြင်ကိုတော့သေချာမမြင်ရ။

ထိုချိန်ခပ်လှမ်းလှမ်းအကွာတွင် သေးငယ်သောအသံလေးတစ်သံကထွက်ပေါ်လာသည်။

"အရှင်နတ်မင်း! အရှင်နတ်မင်း!"

ချောမောတဲ့အမျိုးသားဟာ သူ့လက်တဖက်ကိုဝှေ့ယမ်းလိုက်တော့ အနီးအနားကနတ်သစ်ပင်တို့ရဲ့ရယ်မောသံဟာတိခနဲငြိမ်ကျသွား၏။

"ပြောစရာရှိလို့လား?"

သူ့အသံဟာတည်ငြိမ်ပြီးနူးညံ့လွန်းလှသည်။

"အရှင်နတ်မင်း, ကျွန်မရှင့်ရဲ့မိဖုရားဖြစ်လို့ရလား?"

ရှက်ရွံ့မှုနဲ့အတူ မျှော်လင့်နေသောအသံသေးသေးလေးကထွက်ပေါ်လာ၏။

ထိုအခါ ပွဲလာပရိသတ်တို့ရဲ့ ရယ်မောဟားတိုက်သံတို့ကလည်း အဆတ်မပြတ်ထွက်ပေါ်လာတော့သည်။

"နင်တို့က ဘာကိုရယ်တာလဲ?။ ငါက...ငါကတကယ် အရှင်နတ်မင်းကိုသဘောကျတာ!။ ငါ...သူ့ရဲ့မိဖုရားဖြစ်ခွင့်ရချင်ရုံလေးပါပဲ!"

အသံလေးက တိမ်ဝင်သွား၏။

"ဒါဆို နတ်အဆင့်ကိုတက်လှမ်းနိုင်အောင် အရင်ကျင့်ကြံလိုက်ပါအုံး...."

သူကအပြုံးလေးကိုဆင်မြန်းရင်းပြောလိုက်သည်။

"...."

မျက်စိတ်တမှိတ်အတွင်းမှာပဲ မြင်ကွင်းကရုတ်တရက်ပြောင်းသွား၏။ တိမ်တွေကအမြင်အာရုံကိုပိတ်ဆို့ကာ ဦးတည်ရာမရှိရွေ့လျားနေပြန်သည်။ မြင်ကွင်းထဲကလူနှစ်ယောက်ရဲ့ပုံရိပ်ကလည်းဝေဝါးနေ၏။ အရပ်ရှည်ရှည်လူတစ်ယောက်နဲ့ မနိမ့်မမြင့်မိန်းကလေးတစ်ယောက်ပုံကိုရိပ်မှန်းသံမှန်းသိနိုင်သည်။