-بعصبية وصوت عالي... ليه عاوزة تعرفي ليه ولا عاوزة تفضلي جمبه وهو قصادك اهااا أصل فؤاد يعيني ميملاش العين، ولا هيظبطك زي ما كان بيعمل مش كده
قولت كده بعصبية شديدة وأنا ماسك دراعها بضغط عليه، وبقرب منها لحد ما وصلنا للحيطة، ملامحها كانت مخطوفة، وقلبها سامع نبضاته من مكاني ولقيتها مش قادرة تاخد نفسها وبتقول بصعوبة...
_فؤ فؤاد أبعد
بقلم دعاء زينة
-لقتني صوتي علي وعصبيتي زادت... مش هبعد أنتي ايه جبلة مبتحسيش ايه اللي ييجري جواكي ده ايه دم ولا مياه وس"خة اييييييه لا مشوفتش في بجاحتك زل وإهانة وتجريح فيا وأنا في بقي جز"مة قديمة وأقول معلش اللي بيحب يتحمل إنما توصل إنك تخليني في نظر نفسي مش راجل لا وألف لا ي نبض لو قلبي مفيهوش غيرك
وبدون وعي مني لقتني شديت البلوزة اللي كانت لابساها، وبقيت أقرب منها
_أول ما شد البلوزة من عليا، ولقيته بيقرب وفي عينيه نظرات مخدتش أنها تبقي موجودة، رعبي زاد خوفي منه وصل لحد السماء كنت فاكرة أنه هيستحملني بس المرة دي أنا فعلاً معملتش حاجه، لقيتني غصب عني ببكي قدامه، أترميت في حضنه ومعرفش عملت ليه كده وإزاي بس ده اللي حصل كنت بترعش جواه، لحد ما لقيته هدي ونزل إيديه علي ضهري يطبطب عليا بحنيته اللي واخدة عليها
بقلم #دعاء_زينة
-أول ما شوفت الخوف في عيونها قلبي وجعني، نبضه أتوجع فتلقائي يتوجع أضعاف، اترمت في حضني وهي بتترعش خوف مني، نهرت نفسي أضعاف أضعاف خوفها، معرفش ليه عملت كده، غصب عني هديت وكيف ما أهداش ونبض الفؤاد بتتحامي فيه منه، طبطت عليها... هشش خلاص حقك عليا
_روحني عاوزة أرجع بيتنا
-بدون كلمة شدتها من حضني وبعدت وشي عنها.... هنزل أحجز علي ما تلمي هدومك
وقد كان نزلت حجزت وبعدت في مكان مفيش فيه حد، وبدأت أدخن سيجارة وراء التانية في التالتة لحد ما وصلت لرقم معرفتش أعده، اه مش بشرب سجاير في العموم بس بعمل كده لما غضبي بيوصل أخره، ومفيش أكتر من أني أشك فيها، أو اشوف الخوف في عيونها، نهرت نفسي للمرة المليون وروحت ليها، شيلت الشنط وهي جات معايا ولحسن الحظ كنت لقيت طيارة في نفس اليوم، رجعنا لا بتكلم ولا هي جربت تفتح كلام، وصلنا البيت، وكانت أخيراً قررت تفرح وداني بسماع صوتها
بقلم دعاء زينة
_عاوزة أروح بيتنا
-ده بيتنا ي نبض
_بعصبية لا أنا قصدي بيت أبويا
مفيش بيوت غير ده ي نبض ده بيتك وأنا اللي عندك ضيف
_عصبيتي زادت قولتلك عاوزة أروح بيت أبويا
-صوتك ميعلاش ويلا انزلي بدل ما أنزلك أنا بطريقتي
_ربعت إيديا وعاندت قصاده ويارتني ما عملت كده... وإن منزلتش هتعمل ايه
