العراق :للكاتبه فاطمة العساف
ins :fm.f21
...............................
" اتمنَى أنِ نبِقى معًا للابُد
وأنِ أحُبك بَهذا الشكُل
البسّيط وإنِ تُحبني كذلكَ
مهمَا تعثرنِا أنِ يكَون حتِى
ذلكُ الصمَت البغيِض الذيَ
بيننّا هوُ حِب أيضاً "
.............................
ناي : قبل مااسمع جوابة او اي رد منه على كلامي مباشرتاً درت وجهي ورجعت لبيت
قبل لا اوصل لبيت اشتريت كروستون من محل معجنات قريب من بيتنه
امي تحب الكرواستون الي يبيعه هذا المحل
وصلت لبيت جان باب شقه مفتوح مو من عاده أهلي يتركون الباب مفتوح
دخلت وبديت اسمع اصوات عرك بين امي وابويه
مو جديد الموضوع
أصلا تعودت نوعا ما عليهم يتعاركون أكثر من مره بالأسبوع
امي وابويه واصلين مرحلة واحد مطايق الثاني
بس الاختلاف اليوم انو ابويه قرر يترك البيت
اني بالبدايه توقعت انو مجرد تهديد من ابويه
بس بعدين صار الموضوع صدك وابويه اخذ جنطته وطلع من الشقه
هسه ارتاحيتي صح؟ وجهت نظري للأمي واني احجي
_ هذا الي جان لازم يصير من زمان
ناي :وهسه يلا حسيتي انو هذا الي جان لازم يصير
بعد كل هاي السنين
اذا كارها ابويه لهاي الدرجة ليش متطلكتي منه من زمان من بدايه زواجكم من شفتو نفسكم ما متفقين اطلكو هسه
وره ما مرت كل هاي سنين يلا حس ضميرج انو والله خلي انفصل عن زوجي احسن مكاعده ماعندي شي
_ لا تحجين بشي وانتِ مافاهمته
ناي :حلو كلش لعد يلا فهميني
انتِ مو تكولين اني مافاهمه الموضوع فهميني الموضوع
يلا دانتظر احجي
_قبل كم يوم وين رحتي من طلعتي من المدوسة
ناي : حلو حلو كلش حلو خلصتي من ابويه وهسه بديتي بيه وبس تخلصين مني تنتظرين اخويه امير من يجي لبيت حتى هم تعاركي
شوفي خلي اكولج شغله هذا الي جاي تسوينه هسه نهايته عكسيه عليج
بنهايه كلنه راح نطلع من البيت مثل مطلع ابويه وتبقين وحدج
وتذكري كلامي زين
_ نصي صوتج واحجي عدل وبطلتي تحجين وياي بهذا الاسلوب اني امج موانتِ أمي
ارجع واسئلج شنو الي خلاج تطلعين من المدرسة؟
ناي : انتِ مو تكولين الي مو لازم تعرفين كلشي
انتِ هم مولازم تعرفين كلشي
مااحس الا امي لزمتني من اذاني ولوت اذاني
_انتِ شنو تاخذين مني وتبيعين عليه؟
ناي : بعدنه جاي نتعارك اني وامي
وندك الجرس
تركتني امي وراحت تفتح الباب
اسمع صوت نسوان اجن علينه
دخلت لغرفتي ولا كانو اسمع صوتها
شويه واجت امي عليه
