العراق

1

الكلمات قد تكذب لكن!
التصرفات دائما تقول الحقيقة ♥
...............................................

للكاتبه :فاطمه العساف
............................

لم نفقد الحياه لكن فقدنا الامل في الحياه فقدنا الرغبه
فقدنا الشغف والاهتمام فقدنا ذالك الحلم الذي كان ينجينا من كل تعاسه الايام ومرها

_ ناي ناي

ناي: ها يمه

_ انتي وين مو جاي احجي وياج وينج

ناي : جاي احاول بكل سرعتي اجمع الصور والالبومات وارجعن لمكانهن قبل لا تدخل امي لغرفه
بس ماحسيت الا امي دخلت وصرخت بيه

- شنو جاي تسوين

ناي : مجاي اسوي شي

_ شنو ضميتي وره ظهرج

ناي : ولا شي هيج شغله

_شنو هي الشغله خلي اشوف
كم مره كتلج هاي الصور والي وياهن لا توصلين الهن وتمدين ايدج عليهن

ناي : هاي لبنيه منو الي بصوره
ليش تنطي شبه الي
ليش تشبهني اني وبيها ملامح مني

_ مااعرفها مجرد صوره عاديه لاتركزين ولا تدخلين فهمتي اخر مره اكلج لاتوصلين لهاي الجنطه والي بيها
لا تخليني اتصرف وياج غير تصرف

ناي :اخذت امي الجنطه وضمتها ب كنتور  هي والي بيها من صور ودفاتر مكتوب بيهن مذكرات وحتى اكو اشياء شخصيه مال بنيه مثل مشط واسوار وساعه قراصه مال شعر وحتى علبه عطر فارغه وقفلت الكنتور واخذت المفتاح وياها
دائما اسئل نفسي هاي الأشياء لمنو؟
منو هاي لبنيه؟
زين ليش تشبهني
طلعت وره امي وبقيت احجي وياها

شوكت نرجع لعراق

_ كم مره ارجع وافهمج احنه ماراح نرجع لعراق
ليش لازم اعيد الموضوع كل مره وارجع اكرره ليش ماجاي تستوعبين

ناي :بس اني اريد ارجع لعراق

_سدي هذا الموضوع ولا تحجين بي نهائيا
لا تعبيني لا تحاولين تحجين بموضوع عقيم

ناي :لا ماراح اسده وراح ابقى احجي بي
لحد ماتجاوبيني على كل اسئلتي ولحد ماارجع لعراق اني عراقيه اصلي عربيه ليش عايشه ب اوربا
ليش مو بعراق

_انتي شنو شايفه من العراق؟
شنو تعرفين عن العراق؟ غير اللهجه ماتحجين ليش ساكته

ناي :اهل ابويه وين ليش ماعندي عمام
اهلج وين ليش ماعندي خوال مثل الناس مثل البنات

_مانحتاجهم

ناي : ليش مانحتاجهم
فهميني ليش ليش علاقتج ليش ماعندج علاقه باهلج

_ خلص جاي اكلج مانحتاجهم

ناي : غير تكولين مانحتاجهم ليش تدخلين على حساباتهم ب فيس او باقي البرامح وتشوفين صورهم ومرات تبجين انتي متوقعه اني مامنتبه  عليج لو ماملاحظتج
ليش تحرمين امير  من تواصل ويا اقاربنانه وتعاركين ويا

ودائما مثل العاده ينتهي نقاشنه اني وامي بهذا الشكل تركني احجي وتروح لغرفتها

اني هم رجعت لغرفتي ادرس لانو هاي اخر سنه الي ب الاعداديه ومن اخلصها ادخل كليه  دائما اكول ومخليه بالي من ادخل كليه اروح لعراق باقي العراق بالي مثل الحلم وشي اريد احققه ودائما  احاول افهم احنه ليش ماعشنه  بعراق ليش اني ماكبرت بي ولا عشت بي ولا شفت احد من اقاربي حتي ب البيت
امي مانعه اي احد يذكر اسمه او يحجي شي يخصه

وحتي امير اخويه هو صح اكبر مني بخمس سنوات بس الموضوع مايهمه ابد ولا باله  مخلص وقته دراسه او يشارك بسباق دراجات او بشغله عايش حياته عادي  ومن يحجي ويا شخص مايكول هو عربي ولا يطرق لموضوع انو هو عراقي  عكسي اني تماما  دائما احجي عراقي و افتخر بكوني يرجع اصلي عراقي اتفاخر بهذا الشي واحب اختلط ويا العراقين  واشلون طريقه حياتهم  شنو لبسهم شنو ياكلون شنو طبيعه الجو هناك   شنو شكل بيوتهم بمختصر كلشي يخص هاي الدوله احبه واحب اتقرب منه

مرت الايام بهدوء وطبيعيه كلش  ومره من المرات  وحده من صديقاتي بجامعه عدها حفله عزمتني اروح وياها واني ماكلت لا واهلي مايمنعوني من هيج اشياء رحت وياها وجان هاي

اول مره الي ادخل جامعه  حبيت الحفله لان  هادئه وحلوه بشكل موسيقى تجذب الشخص حتي يسمعها
بقيت اني اتمشى بجامعه حتي اذا عجبتني من اتخرج هل سنه من الاعداديه اداوم بيها الحلو واكثر شي بيها عجبني الطلاب اكثر من دوله  يعني مو بس بريطانين  اكو امريكان واكو عرب اكو اتراك واكو هوايه جنسيات من مختلف الدول
رجعت لقاعه الي بيها الحفله جنت واكفه  و جاي  افكر الجامعات الي بعراق هم مثل الجامعات الي هنا لو يختلفن
زين شنو نظام التعليم هناك كم سنه  الدراسه بعراق سهله لوصعبه قاطع تفكيري صوت ولد وهو يحجي

اسلام :اني ولد  عراقي وحاليا جاي ادرس ب بريطانيا طب عام اني وصديقي اكثر وقتي دراسه لان دراسه صعبه وخاصه ب دوله مو دولتك  ولا قريب على اهلك  وبيوم من الايام صارت حفله بجامعه كلت خلي اروح اغير جو وهم اطلع من جو الدراسه رحت اني وصديقي يوسف
وخلصت اول كم ساعه بحفله شقى وضحك ويا الولد والبنات  هنا المجتمع يختلف عن المجتمع العربي يعني هنا بريطانيا عادي كلش تشاقه ويا بنيه وتضحك وياها بدون ماناس تحجي شي بس لو بدوله عربيه مباشره يكولون عندك شي وياها وب اثناء مجاي احجي ويا ولد لفت نضري شكل بنيه محجبه وشكلهه بسيط بقيت اكثر من ساعه اباوع عليها   باع يول يوسف

يوسف : ها شكو

اسلام : شوف ذيج البنيه

يوسف: شنو بيها

اسلام :انت شفتها

يوسف: اي  شنو بيها

اسلام :تره حلوه مو

يوسف :عادي شكلها بس مرتبه اكو احلى منها

اسلام: اريد عذر احجي وياها دبرني

يوسف: شتريد منها تحجي وياها

اسلام :انت شعليك فكرلي بعذر احجي وياها

يوسف :سهله روح كلها اني صالي اسبوعين اراقبج ومعجب بيج وجنت اريد بس فرصه حتي احجي بيها وياج واصارحج واعترفلج بمشاعري ومن ذني السوالف

اسلام :برئيك تقتنع

يوسف :لك اي تقتنع هنه البنات بكلمتين حلوات يفتر عقلهن ويقتنعن

اسلام : ومشيت بكل ثقه واخذت بكلام هذا الحيوان وحجيت وياها وياريتني مارحت ولا حجيت