العراق للكاتبة : فاطمة العساف
ins: fm.f21
......................................
وأحيانًا ان نحب شخص يعنى ان نتخلى عنه
التخلي جزء من الحب
كما الحب جزء من الحياة
.................................
ناي : جان شعور آخر اسبوع الي بيتنه وبمنطقتنا
بي هواية مشاعر حب وحزن وفرح واشتياق
مكان بي ذكريات الطفوله وبي ذكريات احلى أيام ممكن تمر بحياتي
حتى الأشياء الي جنت أكرها بديت اشتاق الها قبل لا افقدها
بهذا الأسبوع حاولت أعدل علاقتي بكل شخص قريب مني حتى ابقى ذكرى حلوه بالهم ومخيلتهم
خاصة أمي مجنت أرفض الها طلب حتى بالأشياء الي ماجنت اريدهن مثل مقابلة الجامعة او أختيار القسم والكلية
حاولت بكل طاقتي اخلص آخر أسبوع بدون مشاكل
حتى جنت أحاول احفظ كل تفاصيل شكل أمي
وكل جزء بشقتنا
كل مكان بالشوارع القريبة كل المحلات وكل مطعم او كوفي اي مكان
أتذكر جنت ابجي بكل بمكان امشي بي
حتى الأشياء الي جنت مااحبها صرت أحس نفسي اشتاق الها قبل لا اتركها
صارت تردد باقي مقولة ماتحس بقيمة الشي لحد متخسره
بيتنه او منطقتنا مو مجرد مكان عايشة هو أكبر
منو انو يبقى مجرد ذكرى بالي
مكان نولدت بي وكبرت بي عشت بي كل مراحل حياتي
يصعب عليه اترك مكان عشت بي كل الي مر من حياتي علمود اروح لمكان ماأعرف عنه شي غير مجرد اسم
لكن يبقى العراق شي مختلف بنسه الي ومهم
ومستقتله حتى اوصل إله
جانت أمي تلاحظ نفسيتي اشلون تعبانه
وهم تلاحظي على كلشي ابجي وكل شوية اجي احضنها
جان كل بالي اذا احضن أمي هواي مراح اشتاق الها او راح أكدر اكمل بدونها
قبل لا أسافر لعراق بيومين خابرني إسلام
حتى نروح نعقد عند السيد
مرات الإنسان من يريد يسوي شي بدون مااحد يعرف من توصل لصدك يتراجع
الا اني مافكرت ولو لحظه أتراجع عن زواجي بدون علم أهلي وعن سفري لعراق ويا إسلام
اخذت بطاقتي وطلعت من البيت
جان إسلام منتظرني قريب على بيتنه
مشينا سوه مسافه ساعة تقريبا بتكسي بعدين وصلنا لجامع
جان اكو شيخ جبير بالعمر مبين يعرف إسلام
سابقآ استقبلنا بسلام حلو وطريقة كلامة هادئه
لفت نظري جان اكو ولد أصدقاء إسلام جان وجوهم شهود على زواجنا
جان إسلام بوقتها مرتب كلشي
عقد النا الشيخ بوقتها جنت مركزه على ملامح إسلام
جانت الإبتسامة ماخذة مساحة جبيرة من وجهة حتى لمعة عيونه لحد هسه اتذكرها باقية بالي
جان شكلة مثل الطفل من يريد شي يحبة وتنطي اله تصير فرحتة من گل گلبة
