"الــــعَمَلَّسُ||
بـــقلمي أنـــا "زهـره الـ عـلي"
______________________
_ترة غباء منج هذا من تكليلي رجعني للبيت هو اني خاطفج قابل من تكليلي رجعني راح تقنعيني وتخليني ارجعج؟ المهم هسة اني طالع عود من ارجع كملي سالفتج
_حقيييييير حقييير الله ياخذك يا نذذذل
طلع وما اهتم لكلامي ابد وتركني وحدي بالبيت
اني من النوع الهادئة وخجولة حيييييل وخوافة اكثر
اخجل من اي شخص مهما كان قريب عليةجنت استحي حتى من احجي وي بابا لو وي تميم ابقى طول الوقت خجلانة ومن ادخل بنقاش وي شخص ابقى كلي ارجف مع العلم اعرف راح يخلص النقاش واني المنتصرة بي لأن دائماً اتناقش وي اشخاص اعرفهم ما عدهم المعلومات الي عندي
ما اتناقش وي شخص عندة معلومات اكثر مني وافشل روحي
بس مع ذلك ابقى استحي ف هسة ما اعرف شنو اسوي ولا اعرف شنو اتصرف
ضليت كاعدة وحدي ما تحركت من مكاني ابد
لحد مصار الليل ودخل الريس ما ادري شنو يحسون من يسموه ريس شهل اسم الي يلعب النفسالريس : هااا شلونج اخت المجرم
كال هل جملة وشدد على كلمة المجرم_شنو قصدك منو المجرم
_اخوج لعد منو غيره؟
_اخوي مو مجرم
_تؤ مجرمنزع حذائة وكعد كدامي على التخم
جانت اكو علاكة بأيدة شمرهة علية
فتحتهة لكيت بيهة شال جرجيت زيتوني وكب اسود
باوعتلة وكتلة
_شكراًدار وجهة وكام صعد الدرج
استغليت الفرصة وكمت بسرعة جانت امو مراية جبيرة بالصالة رحت وكفت كدامهة رغم الم رجلي
لبست الكب وشمرت فوكة الحجاب مجان اكو دنابيس خليتة هيج بلا دنبوس اهم شي استر روحي وميطلع شعري
وملابسي هنة اصلا مستورات مبيهن شي جنت لابسة تراك عريضكملت الشال ورجعت كعدت بمكاني
شوية ونزل هو يركض بكل سرعتة وطلع من البيت بسرعة بدون لا ينتبه علية حتىما هتميت وكلت
_كون سيارة من ذني اللوريات وتكتلك بمكانك وتخلصني منك يا سافلضليت على كعدتي لوقت طويل حيل
جعت ونعست حيل كمت للمطبخ فتحت الثلاجة لكيت بيهة حلويات وعصاير ومشروب طاقة
وماعون بي كباب طلعت الماعون ولكيت علاكة بيهة خبز على الكاونتر اخذتهن وخليتهن على الميز وكعدت اكل صح هو بارد بس ميخالف اني جوعانة ميهمني الطعم اهمشي اكلاكلت لمن حسيت بطني انترست بعد متتحمل اكل
شلت الماعون رجعتة للثلاجة لأن بقة بي بعد كباب والخبز رجعتة لمكانة ورحت غسلت ورجعت كعدت بالصالة نعست حيل ومحسيت على نفسي ونمت على التخم
أنت تقرأ
الــعـملس
Fantasi" قـصة خـيالية " بـقلـمي انــا " زهـره الـ عـلي " الــعـملس :القويُّ على السَّيْرِ السريعُ، والذِّئْبُ الخبيثُ، وكَلْبُ الصَّيْدِ،