الــعـملس

الـجزء الـسادس🔥

"الــــعَمَلَّسُ||

بـــقلمي أنـــا "زهـره الـ عـلي"

____________

-وانـي أقـدس ذاتـي
تقديساً
يجـعلني أمـحو
كل مـا يقلل من شأنـها
فلا تتعالى حتى
.. لا تُـهان..

♡_______________________♡

من البارت السابق⬇️

من بعد صفنة عميقة على الأرض رفع راسة وكالي كلمات بس مجانت مجرد كلمات حسيتهة مثل السكين الحاد وانغرس بگلبي....
_______________

ضل صافن على الكاع شوية وبعدين رفع راسة
باوع بعيوني وكال اكدر اكلج شي بس بدون متنفعلين وتصيحين وتلمين العالم علينة؟

- شتريد تكول احجي وخلصنيي
رجع نزل راسة وخلة عكس ايدة على فخذ رجلة وتجة راسة على ايدة وكال

-اخوج ... تميم
-حجيت بفزع شبيي
-توفه....
________________________

من بعد ما بلغته بوفاة اخوها تميم الله يرحمة
هية رأساً اغمى عليها وما عرفت شنو اسوي بوقتهة

حيل توترت ضليت ما اعرف وين انطي وجهي
اتوقعتهة راح تبجي
راح تصيح تكسر بس ما توقعت

تفقد الوعي هيج وتطيح

هية جانت كاعدة على القنفة
من صار عدها اغماء طاحت من القنفة على الكاع
رحت شلتهة وخليتهة على القنفة

جبت مي ورشيت على وجهة
بس ماكو اي نتيجة ما صحت

ضليت اضرب بخفة على خدهة اريدهة بس كون تكعد ماكوو

بعدين تذكرت امي قبل جانت من يوكع احد من عدنا تخلي عطر بأيدها وتشممة الة

رحت ركض صعت لغرفتي
جبت اقوة عطر عندي ونزلت

رشيت منة على ايدي
او خلي نكول ترست ايدي بالعطر وخليتهة على خشمهة

هم ما فاد
ما كعدت ولا انطت اي ردة فعل

كلت خلي اعوفها شوية بلكي تكعد وحدها
ضلت تقريباً ربع ساعة واني مكابلها وكاعد انتضرها تصحى

بدت تصحى شوية شوية
اني رأسا استعديت لأي حركة ممكن تبدر منهة
لأن هية اول متصحة اكيد راح تتذكر الي كلتة الهة

_______________

-ياسيم

اول مفتحت عيوني تذكرت الي كالة ألي
ضليت صافنة بالسكف ما رمشت حتى
حسيت نفسي فقدت اخر ذرة امل الي بالحياة