Unicode
Yuina သည် အလုပ်ဆင်းချိန်၌ ကားပါကင်တွင်တွေ့လိုက်ရသော ရင်းနှီးနေသည့်အနက်ရောင်ကားကြောင့်အံ့သြသွားရလေသည် ..ပိုပြီးအံ့သြရသည်က မျက်နှာသိပ်မကောင်းလှသည့် Seokbin oppa ကသူမ ,ကိုလာကြိုရင်း စကားခဏပြောရအောင်ဟုဆိုလာသောကြောင့်ဖြစ်လေသည် ။ SeokBin oppa၏ပုံစံက အရင်လို ကြည်ကြည်လင်လင်မဟုတ်ကာ ကိစ္စတစ်ခုခုရှိနေဟန်..
ထို့ကြောင့် သူမသည် oppa ၏အပြောကို အထွန့်တက်ကာပြန်မမေးတော့ဘဲ ညနေစာအဆာပြေစားရင်းစကားပြောလို့ရစေမည့် သူမတို့ကုမ္ပဏီနားက ခေါက်ဆွဲအေးဆိုင်ကိုသာအတူခေါ်လာလိုက်လေသည်..ဤဆိုင်လေးသည် သူမကျောင်းသူဘဝထဲက SeokBin oppa နဲ့မကြာမကြာလာနေကျဖြစ်သည်မို့.. SeokBin oppa က သူမ ,စားနေကျများကိုသိ၍ ဦးဆောင်၍မှာပေးနေလေသည် ..ပြီးနောက် စားစရာများမရောက်လာခင်တွင် သူမကပင်စ၍ စကားစရလေသည်" ကိုကို ပြောစရာရှိတယ်မဟုတ်လား "
ထိုအခါ စတီးတူတွေကို တစ်ရှူးဖြင့်သုတ်နေသော Seokbin oppa က တစ်ခုခုကိုခပ်တွေးတွေးလုပ်နေရင်းမှ သူမကိုတည်တည်ကြည်ကြည်ပင်ကြည့်လာလေသည်
" အခု ကိုယ်မေးမဲ့မေးခွန်းကို Yuina တစ်မျိုးတော့မထင်ပါနဲ့ ။ ကိုယ်စိတ်ရှင်းချင်လို့မေးရုံပါ "
" ဟုတ် ကိုကို "
Yuina စိတ်ထဲတစ်မျိုးဖြစ်လာကာ SeokBin oppa ၏စကားကိုမျက်လုံးပေကပ်ပေကပ်ဖြင့်ပြန်ကြည့်ကာ နာခံမိသည်
" Yuina စိတ်ထဲ ကိုယ်နဲ့ Tae hyung ကို စိတ်ရှင်းရဲ့လား "
" ဟို ...ကိုကို ဘာလို့မေးတာလဲဟင် "
" ဟိုနေ့က Yuina ရဲ့မောင်လေးနဲ့ ကိုယ် တွေ့ဖြစ်တယ် ..သူ့ဘက်ကနေ ကိုယ့်အပေါ်စိတ်မရှင်းဖြစ်နေတဲ့ပုံဘဲ.. အဲ့ဒါကြောင့် ကိုယ်က Yuina ရဲ့အမြင်ကိုမေးကြည့်တာပါ ။ အကယ်၍ Yuina လည်းစိတ်မရှင်းရင် ကိုယ့်ဘက်ကနေပြင်ဆင်သင့်ရင် ပြင်ဆင်ရအောင်ပါ ။ ဒီကိစ္စနဲ့ပက်သက်ပြီး ကိုယ်တို့အားလုံးစိတ်ရှင်းထားရင်ကောင်းမယ်.. မဟုတ်ရင် နှစ်ဖက်စလုံးအတွက်လည်းမကောင်းသလို ကိုယ်တို့ကြားကအထင်လွဲမှားမှုတွေကြောင့် ဘာမှမဆိုင်တဲ့ Tae hyung ကပါ သူများတွေရဲ့စကားလုံးတွေနဲ့ထိုးနှက်ခံရလိမ့်မယ် ..အဲ့ဒါကြောင့် ကိုယ့်ကိုစိတ်ထဲရှိတဲ့အတိုင်းသာပြောပါ Yuina "
YOU ARE READING
" Lavender Blossoms Around His Neck "
Historical FictionJEON JUNGKOOK X KIM TAEHYUNG Jeonranto X Taevender